സിഫ്  ടൂർണമെൻറിന് ഇന്ന്  പന്തുരുളും

ജിദ്ദ: പ്രവാസലോകത്തെ ഫുട്​ബാൾ പ്രേമികൾ കാത്തിരിക്കുന്ന പതിനെട്ടാമത് സിഫ് ഇൗസ്ടീ (സൗദി ഇന്ത്യൻ ഫുട്ബാൾ ഫോറം) ലീഗ് ഫുട്ബാൾ ടൂർണമ​െൻറിന്​  ഇന്ന് പന്തുരുളും.  മദീന റോഡ് എച്ച് ബ്രഡ്ജിനടുത്ത്​ വിദ്യാഭ്യാസ വകുപ്പ് ഫ്ലഡ്​ലിറ്റ്​ സ്​റ്റേഡിയത്തിലാണ് നാല്​ മാസം നീളുന്ന ഫുട്​ബാൾ മാമാങ്കത്തിന്​ തുടക്കമാവുന്നത്​. 
നാല് ഡിവിഷനുകളിലായി 32 ടീമുകൾ മാറ്റുരക്കും. വെള്ളിയാഴ്​ച വൈകുന്നേരം നാല​്​ മണിക്ക് നടക്കുന്ന വർണാഭമായ മാർച്ച്പാസ്​റ്റിൽ ജിദ്ദ, മക്ക, റാബിഖ് എന്നിവിടങ്ങളിൽ നിന്നുള്ള മുഴുവൻ ടീമുകളും കലാകായിക സാംസ്കാരിക സംഘടന പ്രതിനിധികളും അണിനിരക്കും. കോൺസൽ ജനറൽ മുഹമ്മദ് നൂർ റഹ്​മാൻ ശൈഖ്  ഗാർഡ് ഒാഫ് ഒാണർ സ്വീകരിക്കുമെന്ന്​ ഭാരവാഹികൾ വാർത്താസമ്മേളനത്തിൽ അറിയിച്ചു. വിവിധ ടീമുകൾക്ക് വേണ്ടി നാട്ടിൽ നിന്നുള്ള ദേശീയ അന്തർദേശീയ താരങ്ങൾ ഗ്രൗണ്ടിലിറങ്ങും. 

തമിഴ്നാട്, കാലിക്കറ്റ്​ സർവകലാശാല തുടങ്ങിയ ടീമുകളിലെ താരങ്ങൾ കളത്തിലിറങ്ങുന്ന ഉദ്ഘാടന മൽസരങ്ങളിൽ പ്രിൻറക്സ് യാസ് ക്ലബ്, ജിദ്ദ യംങ്​മെൻസ് എഫ്.സി നീറാട് ജിദ്ദ ജൂനിയറുമായും  മെഡിസ്പോ സോക്കർ ഫ്രിക്സ്, സ്പോർട്ടിങ്​ യുണൈറ്റഡ് ജിദ്ദ ബിയുമായും  ഇൗസി ട്രാവൽസ് ഫ്രണ്ട്സ് ക്ലബ് ജിദ്ദ, നദ ബ്ലാസ്​റ്റേഴ്സ് എഫ്സിയുമായും ഏറ്റുമുട്ടും. 

മാർച്ച് ഒമ്പതിനാണ് ഫൈനൽ മൽസരം. കാണികൾക്ക്​   എയർടിക്കറ്റ്​ ഉൾപെടെ സമ്മാനങ്ങളും മെഗാ സമ്മാനവും ഒരുക്കി മലയാളി ജിദ്ദയുടെ ഉൽസവമാക്കി മാറ്റാനുള്ള ശ്രമത്തിലാണ് സംഘാടകർ. ഇൗസ്​റ്റേൺ കറി പൗഡർ മുഖ്യപ്രായോജകരായ ടൂർണമ​െൻറിൽ ജിദ്ദ നാഷനൽ  ആശുപത്രി, അൽഅബീർ മെഡിക്കൽ ഗ്രൂപ്പ്, ഡബിൾ ഹോഴ്സ് റൈസ്, അൽഅറബി സ്വീറ്റ്സ് എന്നിവർ സഹ പ്രായോജകരാണ്. 
വാർത്താ സമ്മേളനത്തിൽ ഭാരവാഹികളായ  ബേബി നീലാമ്പ്ര, ഷബീർ അലി, അബ്​ദുൽ കരീം, അയ്യൂബ് മുസ്​ലിയാരകത്ത്, നിസാം മമ്പാട്, നാസർ ശാന്തപുരം, അംജദ് വാഴക്കാട്, നാസർ ഫറോഖ്, അൻവർ വല്ലാഞ്ചിറ, ടി.പി ശു​െഹെബ്, വി.പി സിയാസ്, സാദിഖ് പാണ്ടിക്കാട് എന്നിവർ പ​െങ്കടുത്തു.