Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightSaudi Arabiachevron_rightഭക്ഷ്യലഭ്യതയും...

ഭക്ഷ്യലഭ്യതയും ജീവിതസുരക്ഷയും: ആശങ്ക വേണ്ടെന്ന്​ അധികൃതർ

text_fields
bookmark_border
ഭക്ഷ്യലഭ്യതയും ജീവിതസുരക്ഷയും: ആശങ്ക വേണ്ടെന്ന്​ അധികൃതർ
cancel

യാംബു: കോവിഡിനെ രാജ്യം അതിജീവിക്കുമെന്നും ഭക്ഷ്യസുരക്ഷയെക്കുറിച്ചോ ദൈനംദിനജീവിതത്തെക്കുറിച്ചോ ആശങ്കപ്പെ ടേണ്ട സാഹചര്യം രാജ്യത്തില്ലെന്നും സൗദി അധികൃതർ. ഭക്ഷ്യവിഭവങ്ങളുടെ ആവശ്യത്തിലേറെ ശേഖരം രാജ്യത്തുണ്ട്​. വിപണി യിലെ ആവശ്യത്തിനനുസരിച്ച്​ നിത്യോപയോഗസാധനങ്ങൾ യഥേഷ്​ടം ലഭ്യമാക്കാൻ വേണ്ട സംവിധാനങ്ങൾ ഒരുക്കിയിട്ടുണ്ടെന ്നും വാർത്തസമ്മേളനത്തിൽ പരിസ്ഥിതി, ജല, കാർഷിക വിഭവ മന്ത്രാലയ വക്താവ് ഡോ. അബ്​ദുല്ല അബഅൽഖൈൽ അറിയിച്ചു. അടിസ്ഥാന വസ്തുക്കളുടെ ആവശ്യമായത്ര സംഭരണം ഉണ്ടെന്നും ഭക്ഷ്യ ഉൽപന്നങ്ങളുടെ നിർമാണം സുഗമമായി രാജ്യത്ത് നടക്കുന്നുണ്ടെന്നും അദ്ദേഹം കൂട്ടിച്ചേർത്തു. വിവിധ കാർഷിക ഉൽപന്നങ്ങളുടെ കാര്യത്തിലും ഉയർന്ന തോതിലുള്ള സ്വയംപര്യാപ്തത രാജ്യം നേടിയിട്ടുണ്ട്. കോഴിയിറച്ചിയുടെ 60 ശതമാനവും രാജ്യത്തുതന്നെ ഉൽ​പാദിപ്പിക്കുന്നതാണ്. 10 ലക്ഷം ടൺ കോഴിയിറച്ചി പ്രതിവർഷം ഉൽപാദിപ്പിക്കുന്നു. 60 ശതമാനം പച്ചക്കറികളും രാജ്യത്ത് കൃഷിചെയ്യുന്നു. പ്രാദേശിക ഉൽപാദനത്തിൽ ഇത് പ്രതിമാസം 1,80,000 ടൺ വരും. ആവശ്യമായ ഉരുളക്കിഴങ്ങി​​െൻറ 92 ശതമാനം ഇവിടെതന്നെ കൃഷി ചെയ്യുന്നതാണ്. പ്രതിദിനം 75 ലക്ഷം ലിറ്ററിലധികം പാൽ ഉൽ​പാദിപ്പിക്കുന്നു. കൂടാതെ, വിവിധ പാൽ ഉൽപന്നങ്ങളും രാജ്യത്തുനിന്നുതന്നെ നിർമിക്കുന്നു.


രാജ്യനിവാസികൾക്ക്‌ ആവശ്യമായ സമുദ്രോൽപന്നങ്ങളിൽ 55 ശതമാനം സൗദിയുടെ സമുദ്രാതിർത്തിക്കുള്ളിൽനിന്നുതന്നെ ശേഖരിക്കുന്നതാണ്. മന്ത്രിസഭ രണ്ടു വർഷം മുമ്പ് തീരുമാനിച്ച്​ നടപ്പാക്കിയ ഭക്ഷ്യസുരക്ഷക്കുവേണ്ടിയുള്ള പുതിയ നയം ഫലപ്രദമായി മാറി എന്നതി​​െൻറ തെളിവാണിതെന്നും അദ്ദേഹം കൂട്ടിച്ചേർത്തു. കാർഷിക വകുപ്പ്​ മന്ത്രിയുടെ അധ്യക്ഷതയിൽ ഭക്ഷ്യസുരക്ഷ സമിതി കൃത്യമായ ഇടവേളകളിൽ അവലോകന യോഗങ്ങൾ ചേരുന്നുണ്ട്​. ഗോതമ്പും മറ്റു​ ധാന്യങ്ങളും ആവശ്യത്തിനനുസരിച്ച്​ ലഭ്യമാക്കാൻ ഭക്ഷ്യമന്ത്രാലയം നല്ല ജാഗ്രത കാട്ടുന്നുണ്ട്​.
രാജ്യത്ത് നിലവിൽ രണ്ടു ദശലക്ഷം ചാക്ക് ധാന്യങ്ങൾ വിതരണത്തിന്​ തയാറായ നിലയിലുണ്ട്​. പ്രതിദിനം 15,000 ടൺ മാവ് ഉൽ​പാദിപ്പിക്കുന്നതിനുള്ള സംവിധാനങ്ങളും പ്രവർത്തനക്ഷമമാണ്​. ഏഴു​ ലക്ഷം ടൺ ഗോതമ്പ് രാജ്യത്തി​​െൻറ ശേഖരത്തിലുണ്ട്. ഇറക്കുമതി ചെയ്യുന്ന 12 ലക്ഷം ടണ്ണിലധികം ഗോതമ്പ് ജൂലൈ അവസാനിക്കുന്നതിനുമുമ്പ്​ എത്തിച്ചേരും. മാംസാഹാരത്തി​​െൻറ 30 ശതമാനവും രാജ്യത്തുനിന്നുതന്നെ ലഭ്യമാക്കുന്നു. പ്രതിവർഷം 60 ലക്ഷം കന്നുകാലികൾ ഇവിടെ തന്നെ വളർത്തുന്നു. പുറമെ ഇറക്കുമതിയും ചെയ്യുന്നു എന്നും അദ്ദേഹം കൂട്ടിച്ചേർത്തു.

Show Full Article
TAGS:food safety saudi gulf news 
Next Story