ഭക്ഷ്യവസ്​തുക്കളിലെ കൊഴുപ്പ്​: അതോറിറ്റി പരിശോധന തുടങ്ങി

ജിദ്ദ: ഭക്ഷ്യ ഉൽപന്നങ്ങളിൽ കൊഴുപ്പി​​​​െൻറ അളവ്​  പരിശോധിക്കാൻ ഫുഡ്​ ആൻഡ്​ ഡ്രഗ്​ അതോറിറ്റി പരിശോധന കാമ്പയിൻ തുടങ്ങി. ഭക്ഷ്യ വസ്​തുക്കൾ ഇറക്കുതി ചെയ്യുന്നവരും നിർമാതാക്കളും ​ട്രാൻസ്​ ഫാറ്റ്​ കുറക്കുന്നതിന്​ നിശ്ചയിച്ച നിബന്ധനകൾ പാലിക്കുന്നുണ്ടോയേന്ന്​ ഉറപ്പുവരുത്തുന്നതിനാണിത്​. 
ഭക്ഷ്യവസ്​തുക്കളിലെ കൊഴുപ്പ്​ കുറക്കുകയും ആരോഗ്യകരമായ ഭക്ഷ്യ ഉൽപന്നങ്ങൾ ലഭ്യമാക്കുകയാണ്​ ഇതിലൂടെ ലക്ഷ്യമിടുന്നത്​. 

കാമ്പയിൻ കാലത്ത്​ രാജ്യത്തി​​​​െൻറ വിവിധ മേഖലകളിലെ കടകളിൽ ഇറക്കു​തി ചെയ്​തതും അല്ലാത്തതുമായ വിവിധ ഇനം ഭക്ഷ്യവസ്​തുക്കൾ പരിശോധിക്കും. പ്രധാനമായും കേക്ക്​, ബിസ്​ക്കറ്റ്​, മിഠായികൾ, ചീസ്​, ​െഎസ്​ക്രീം, ചോക്​ലേറ്റ്​, വെജിറ്റബിൾ ഒായിൽ തുടങ്ങിയവയാകും പരിശോധിക്കുക. ഭക്ഷ്യവസ്​തുക്കളിൽ ട്രാൻസ്​ ഫാറ്റി​​​​െൻറ ഉപയോഗം കുറക്കണമെന്ന്​ ലോകാരോഗ്യ സംഘടന നേരത്തെ നിർദേശം നൽകിയിരുന്നു. ഇതേ തുടർന്ന് വിവിധതരം ട്രാൻസ്​​ ഫാറ്റും അതുമൂലമുണ്ടാകു​ന്ന ആരോഗ്യ പ്രശ്​നങ്ങളും ഒഴിവാക്കുന്നതിനുള്ള മാർഗങ്ങളും പരിചയപ്പെടുത്താൻ ഫുഡ്​ ആൻറ്​ ഡ്രഗ്​ അതോറിറ്റി കാമ്പയിൻ സംഘടിപ്പിച്ചിരുന്നു.