​വെള്ളപ്പൊക്കം: സ്വദേശിയെ രക്ഷിച്ച ഫിലിപ്പൈൻ പൗരന്​ ആദരം

ജിദ്ദ: ചൊവ്വാഴ്​ചയുണ്ടായ  മഴയിൽ വെള്ളക്കെട്ടിൽ കാറിനുള്ളിൽ കുടുങ്ങിയ സ്വദേശിയെ രക്ഷപ്പെടുത്തിയ ഫിലിപ്പൈൻ ​ പൗരനെ മതാർ ഖദീം കാൾ ആൻറ്​ ഗൈഡൻസ്​ ഒാഫീസ്​ ആദരിച്ചു. സ്വകാര്യ ഡ്രൈവറായി ജോലി ചെയ്യുന്ന ദാവൂദ്​ ശരീഫ്​ ഇൻദ എന്ന ഫിലിപൈനിയെയാണ്​ ജാലിയാത്ത്​ ഒാഫീസ്​  ക്യാഷ്​ പ്രൈസും ഉപഹാരവും നൽകി ആ​ദരിച്ചത്​. ​ഇയാൾക്കും ഭാര്യക്കും   ഹജ്ജിന്​ സൗകര്യമൊരുക്കും. 

കാലിന്​ അസുഖമുള്ള വൃദ്ധനെയാണ്​   ദാവൂദ്​ രക്ഷപ്പെടുത്തിയതെന്ന്​ കാൾ ആൻറ്​ ഗൈഡൻസ്​ ഒാഫീസ്​ പബ്ലിക്​ റിലേഷൻ ഉദ്യോഗസ്​ഥൻ മുഹമ്മദ്​ അൽ മീറാബി പറഞ്ഞു. മനുഷ്യത്വപരമായ  സേവനമാണ്​ ഇയാൾ നടത്തിയതെന്നും അദ്ദേഹം പറഞ്ഞു. ഒാഫീസ്​ എക്​സിക്യൂട്ടീവ്​ മേധാവി ശൈഖ്​ ത്വലാൽ അൽഅഹ്​മദി ഉപഹാരം നൽകി. കനത്ത മഴയിൽ വെള്ളത്തിൽ കുടുങ്ങിയ വൃദ്ധനെ രക്ഷപ്പെടുത്തുന്ന വീഡിയോ ദൃശ്യം കഴിഞ്ഞ ദിവസം സാമൂഹിക മാധ്യമങ്ങളിൽ വെറലായിരുന്നു.