ത്വാഇഫിൽ നിന്ന്​ കുവൈത്ത്​ എയർവേയ്​സ്​ സർവീസ്​ തുടങ്ങി

ത്വാഇഫ്​: ത്വാഇഫിനും കുവൈത്തിനുമിടയിൽ കുവൈത്ത്​ എയർവേയ്​സ്​ സർവീസ്​ തുടങ്ങി. കുവൈത്തിൽ നിന്നുള്ള ആദ്യ വിമാനം ഇന്നലെ ത്വാഇഫ്​ അന്താരാഷ്​ട്ര വിമാനത്താവളത്തിലിറങ്ങി. യാത്രക്കാരെ വിമാനത്താവള മേനേജർ എൻജി. അബ്​ദുൽ വഹാബ്​ ബുഖാരിയും കുവൈത്ത്​ എയർവേയ്​സ്​ മേഖല മാനേജർ മിശ്​അൽ അജമിയും വിമാനത്താവള ഉദ്യോഗസ്​ഥരും ചേർന്നു സ്വീകരിച്ചു. ഹജ്ജ്​, തീർഥാടകരുടെ യാത്ര എളുപ്പമാക്കാനും മേഖലയുടെ ടൂറിസം വികസിപ്പിക്കാനും സഹായിക്കുന്നതാണ്​ കുവൈത്ത്​ എയർവേയ്​​സി​​െൻറ ത്വാഇഫ്​ സർവീസ്​.അടുത്തിടെയാണ്​ സിവിൽ ഏവിയേഷൻ അതോറിറ്റി കുവൈത്ത്​ എയർവേയ്​സിന്​ ത്വാഇഫ്​ സർവീസിനുള്ള അനുമതി നൽകിയത്​. തുടക്കത്തിൽ ആഴ്​ചയിൽ രണ്ട്​ സർവീസാണുള്ളത്​.