സീ​റ്റു​ക​ൾ കാ​ലി​യാ​യി പ​റ​ന്നാ​ലും ഉ​യ​ർ​ന്ന ടി​ക്ക​റ്റ് നി​ര​ക്ക് കു​റ​ക്കാ​തെ വി​മാ​ന​ക്ക​മ്പ​നി​ക​ൾ

ജി​ദ്ദ: ക​ണ്ണൂ​ർ വി​മാ​ന​ത്താ​വ​ള​ത്തി​ന്റെ ഇ​ന്ന​ത്തെ ദ​യ​നീ​യാ​വ​സ്ഥ​ക്കു​ള്ള കാ​ര​ണ​ങ്ങ​ളി​ൽ പ്ര​ധാ​നം വി​മാ​ന​ക്ക​മ്പ​നി​ക​ളു​ടെ കെ​ടു​കാ​ര്യ​സ്ഥ​ത​യാ​ണെ​ന്ന് പ്ര​വാ​സി​ക​ൾ പ​റ​യു​ന്നു.

ക​ണ്ണൂ​ർ വി​മാ​ന​ത്താ​വ​ള​ത്തി​ൽ​നി​ന്ന് വി​വി​ധ ഗ​ൾ​ഫ് രാ​ജ്യ​ങ്ങ​ളി​ലേ​ക്കു​ള്ള സ​ർ​വി​സു​ക​ൾ​ക്ക് ഉ​യ​ർ​ന്ന തോ​തി​ലു​ള്ള ടി​ക്ക​റ്റ് നി​ര​ക്കു​ക​ളാ​ണ് ഈ​ടാ​ക്കു​ന്ന​ത്. ഇ​ക്കാ​ര​ണ​ത്താ​ൽ അ​ധി​ക പേ​രും യാ​ത്ര​ക്കാ​യി മ​റ്റു വി​മാ​ന​ത്താ​വ​ള​ങ്ങ​ളെ ആ​ശ്ര​യി​ക്കു​ക​യാ​ണെ​ന്ന് യാ​ത്ര​ക്കാ​ർ പ​റ​യു​ന്നു. അ​തി​നാ​ൽ ക​ണ്ണൂ​രി​ൽ​നി​ന്നു​ള്ള വി​വി​ധ ഗ​ൾ​ഫ് സ​ർ​വി​സു​ക​ളി​ൽ യാ​ത്ര​ക്കാ​ർ ന​ന്നേ കു​റ​വാ​ണ്.

സീ​റ്റു​ക​ൾ കാ​ലി​യാ​യി പ​റ​ന്നാ​ലും ഉ​യ​ർ​ന്ന ടി​ക്ക​റ്റ് നി​ര​ക്ക് കു​റ​ക്കാ​ൻ വി​മാ​ന​ക്ക​മ്പ​നി​ക​ൾ ത​യാ​റാ​കാ​ത്ത​തെ​ന്തു​കൊ​ണ്ടാ​ണെ​ന്നാ​ണ് പ്ര​വാ​സി​ക​ളു​ടെ ചോ​ദ്യം. ക​ഴി​ഞ്ഞ ദി​വ​സം ക​ണ്ണൂ​രി​ൽ​നി​ന്ന് ജി​ദ്ദ​യി​ലേ​ക്ക് സ​ർ​വി​സ് ന​ട​ത്തി​യ എ​യ​ർ ഇ​ന്ത്യ എ​ക്സ്പ്ര​സ് വി​മാ​ന​ത്തി​ൽ വി​ര​ലി​ലെ​ണ്ണാ​വു​ന്ന​വ​ർ മാ​ത്ര​മാ​യി​രു​ന്നു യാ​ത്ര​ക്കാ​ർ. 28,000 മു​ത​ൽ 38,000 രൂ​പ വ​രെ​യാ​ണ് ഈ ​സ​ർ​വി​സി​ൽ ടി​ക്ക​റ്റി​ന് ഈ​ടാ​ക്കി​യി​രു​ന്ന​ത്.

ഈ ​വി​മാ​ന​ത്തി​ൽ യാ​ത്ര​ചെ​യ്ത ക​ണ്ണൂ​ർ സ്വ​ദേ​ശി​യും യാം​ബു​വി​ൽ സാ​മൂ​ഹി​ക, സ​ന്ന​ദ്ധ പ്ര​വ​ർ​ത്ത​ക​നു​മാ​യ നാ​സ​ർ ന​ടു​വി​ൽ വി​മാ​ന​ത്തി​ലെ കാ​ലി​യാ​യ സീ​റ്റി​ന്റെ ദൃ​ശ്യ​ങ്ങ​ളും എ​യ​ർ ഇ​ന്ത്യ പ്ര​വാ​സി​ക​ളോ​ട്‌ പു​ല​ർ​ത്തു​ന്ന അ​വ​ഗ​ണ​ന​യും സൂ​ചി​പ്പി​ച്ച് പ​ക​ർ​ത്തി​യ വി​ഡി​യോ ഇ​തി​ന​കം സ​മൂ​ഹ​മാ​ധ്യ​മ​ങ്ങ​ളി​ൽ ഏ​റെ ച​ർ​ച്ച​യാ​യി​ട്ടു​ണ്ട്.

കോ​ഴി​ക്കോ​ട് വി​മാ​ന​ത്താ​വ​ള​ത്തി​ൽ​നി​ന്ന് ജി​ദ്ദ​യി​ലേ​ക്ക് 20,000 രൂ​പ​യി​ൽ താ​ഴെ നി​ര​ക്ക് മാ​ത്രം ടി​ക്ക​റ്റി​ന് ചാ​ർ​ജ് ചെ​യ്യു​മ്പോ​ഴാ​ണ് ക​ണ്ണൂ​രി​ൽ​നി​ന്ന് അ​മി​ത നി​ര​ക്ക് ഈ​ടാ​ക്കു​ന്ന​തെ​ന്ന് അ​ദ്ദേ​ഹം വി​ഡി​യോ​യി​ൽ പ​റ​യു​ന്നു​ണ്ട്.

ക​ണ്ണൂ​രി​ൽ​നി​ന്ന് ക​ഴി​ഞ്ഞ ദി​വ​സം എ​യ​ർ ഇ​ന്ത്യ എ​ക്സ്‌​പ്ര​സി​ൽ ജി​ദ്ദ​യി​ലേ​ക്ക് യാ​ത്ര​ചെ​യ്യാ​ൻ ട്രാ​വ​ൽ​സ് വ​ഴി ടി​ക്ക​റ്റ് ചാ​ർ​ജ് അ​ന്വേ​ഷി​ച്ച​പ്പോ​ൾ 30,000 രൂ​പ ആ​കു​മെ​ന്ന് അ​റി​യി​ച്ച​പ്പോ​ൾ കോ​ഴി​ക്കോ​ട് വി​മാ​ന​ത്താ​വ​ള​ത്തി​ൽ​നി​ന്ന് ജി​ദ്ദ​യി​ലേ​ക്ക് 13,000 രൂ​പ മാ​ത്രം ന​ൽ​കി​യാ​ണ് യാ​ത്ര​ചെ​യ്ത​തെ​ന്ന് ജി​ദ്ദ പ്ര​വാ​സി​യാ​യ സി​ദ്ദീ​ഖ് ക​ണ്ണൂ​ർ ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു.

ക​ണ്ണൂ​രി​ൽ​നി​ന്ന് എ​യ​ർ ഇ​ന്ത്യ എ​ക്സ്പ്ര​സ് ജി​ദ്ദ​യി​ലേ​ക്ക് ആ​ളി​ല്ലാ​തെ പ​റ​ക്കു​മ്പോ​ഴും ടി​ക്ക​റ്റ് അ​ന്വേ​ഷി​ക്കു​ന്ന​വ​രോ​ട് ബു​ക്കി​ങ് പൂ​ർ​ത്തി​യാ​യി എ​ന്ന സ്ഥി​രം മൊ​ഴി​യാ​ണ് പ​ല​പ്പോ​ഴും ല​ഭി​ക്കാ​റു​ള്ള​തെ​ന്നും യാ​ത്ര​ക്കാ​ർ പ​റ​യു​ന്നു. വ​ൻ സം​ഖ്യ ഈ​ടാ​ക്കി ടി​ക്ക​റ്റ് വാ​ങ്ങി​പ്പി​ക്കാ​നു​ള്ള കു​ത​ന്ത്ര​മാ​ണ് എ​യ​ർ ഇ​ന്ത്യ എ​ക്സ്പ്ര​സ് അ​ധി​കൃ​ത​ർ പ​യ​റ്റു​ന്ന​തെ​ന്നും ഇ​ക്കാ​ര​ണ​ത്താ​ൽ യാ​ത്ര​ക്കാ​രു​ടെ എ​ണ്ണം കു​റ​ഞ്ഞി​ട്ടും കാ​ലി​യാ​യ സീ​റ്റു​ക​ളു​മാ​യി വി​മാ​ന​ക്ക​മ്പ​നി സ​ർ​വി​സു​ക​ൾ ന​ട​ത്തി ന​ഷ്ടം വി​ളി​ച്ചു​വ​രു​ത്തു​ന്ന​തെ​ന്തി​നാ​ണെ​ന്നു​മാ​ണ് പ്ര​വാ​സി​ക​ൾ ചോ​ദി​ക്കു​ന്ന​ത്.

ക​ണ്ണൂ​രി​ൽ​നി​ന്ന് മി​ത​മാ​യ ചാ​ർ​ജി​ന് ടി​ക്ക​റ്റ് ന​ൽ​കി വി​മാ​ന​ത്തി​ലെ സീ​റ്റു​ക​ൾ നി​റ​യെ യാ​ത്ര​ക്കാ​രു​മാ​യി പ​റ​ക്കാ​ൻ ത​യാ​റാ​കാ​ത്ത എ​യ​ർ ഇ​ന്ത്യ​യു​ടെ കെ​ടു​കാ​ര്യ​സ്ഥ​ത​യി​ൽ ഇ​പ്പോ​ൾ നാ​ട്ടി​ലും പ്ര​വാ​സ​ലോ​ക​ത്തും വ്യാ​പ​ക പ്ര​തി​ഷേ​ധം അ​ല​യ​ടി​ക്കു​ക​യാ​ണ്.

നി​ല​വി​ൽ ക​ണ്ണൂ​ർ വി​മാ​ന​ത്താ​വ​ള​ത്തി​ൽ​നി​ന്നു​ള്ള സ​ർ​വി​സു​ക​ളു​ടെ കു​റ​വ് വി​മാ​ന​ത്താ​വ​ള​ത്തി​ന്റെ വ​രു​മാ​ന​ത്തെ സാ​ര​മാ​യി ബാ​ധി​ക്കു​ന്നു​ണ്ട്. അ​തോ​ടൊ​പ്പം വി​മാ​ന ടി​ക്ക​റ്റു​ക​ളു​ടെ വ​ർ​ധി​ച്ച നി​ര​ക്കു​മൂ​ലം യാ​ത്ര​ക്കാ​രു​ടെ എ​ണ്ണ​ത്തി​ൽ കു​റ​വ് വ​രു​ന്ന​ത് വി​മാ​ന​ത്താ​വ​ള​ത്തി​ന്റെ ചി​റ​കൊ​ടി​ക്കാ​ൻ​ത​ന്നെ കാ​ര​ണ​മാ​വു​മെ​ന്ന് വി​ല​യി​രു​ത്ത​പ്പെ​ടു​ന്നു​ണ്ട്.