നിറഞ്ഞ സദസ്സിൽ സൗദിയിൽ സിനിമ പ്രദർശനം തുടങ്ങി 

റിയാദ്​:  സൗദി അറേബ്യയിലെ ആദ്യസിനിമ പ്രദർശനത്തിന്​ ഗംഭീര തുടക്കം.​ റിയാദിലെ കിങ്​ അബ്​ദുല്ല ഫിനാൻഷ്യൽ ഡിസ്​ട്രിക്​ടിൽ ഒരുക്കിയ ലേ​േകാത്തര തിയറ്ററിൽ ക്ഷണിക്കപ്പെട്ടവർക്കാണ്​ ആദ്യപ്രദർശനം നടന്നത്​. ബുധനാഴ്​ച വൈകുന്നേരം ആറ്​ മണിയോടെ തന്നെ ക്ഷണിക്കപ്പെട്ട ​േപ്രക്ഷകർ തിയറ്ററിലെത്തി. ആദ്യപ്രദർശനത്തോടനുബന്ധിച്ച്​  വിപുലമായ ചടങ്ങുമുണ്ടായിരുന്നു. ഹോളിവുഡ്​ ചിത്രം ‘ബ്ലാക്​ പാൻതർ’ ആണ്​  ബുധനാഴ്​ച പ്രദർശിപ്പിച്ചത്​.
വരും ദിവസങ്ങളിലും പ്രദർശനം തുടരും. പൊതുജനങ്ങൾക്ക്​   മേയ്​ മാസം മുതലാണ് സിനിമ ഹാൾ തുറന്നുകൊടുക്കുക​.  ടിക്കറ്റ്​ വിൽപന ഇൗമാസം അവസാനത്തോടെ തുടങ്ങും.

അമേരിക്കൻ മൾട്ടി സിനിമ (എ.എം.സി) കമ്പനിയാണ്​  തിയറ്റർ സജ്ജീകരിച്ചത്​. സിംഫണി കൺസേർട്ട്​ ഹാൾ എന്ന നിലയിൽ നിർമിച്ച സംവിധാനമാണ്​ തിയറ്റർ ആക്കി മാറ്റിയത്​. എ.എം.സിയുടെ മേൽ​േനാട്ടത്തിൽ ലോകോത്തര നിലവാരത്തിൽ പണിപൂർത്തിയാക്കിയ തിയറ്ററിൽ 620 സീറ്റുകളാണ്​ സജ്ജമാക്കിയത്​​. തുകൽ സീറ്റുകളാണ്​ മുഴുവനും. മെയിൻ ഹാളും ബാൽക്കണിയുമായി രണ്ട്​ തട്ടുകളിലാണ്​ സീറ്റുകൾ സംവിധാനിച്ചിരിക്കുന്നത്​. അത്യാധുനിക സംവിധാനങ്ങളുള്ള മാർബിൾ ബാത്​റൂമുകളാണിവിടെ . രണ്ടുമാസത്തിനകം   മൂന്നു സ്​ക്രീനുകൾ കൂടി പ്രവർത്തനമാരംഭിക്കുമെന്നാണ്​ ബന്ധപ്പെട്ടവർ അറിയിച്ചത്​. 

അഞ്ചുവർഷത്തിനുള്ളിൽ രാജ്യമെങ്ങും 40 തിയറ്ററുകൾ നിലവിൽ വരും. മാർവൽ സ്​റ്റുഡി​േയാസ്​ നിർമിച്ച സൂപ്പർഹീറോ സിനിമയാണ്​ ഫെബ്രുവരി 16 ന്​ അമേരിക്കയിൽ റിലീസ്​ ചെയ്​ത ‘ബ്ലാക്​ പാൻതർ’. വാൾട്ട്​ ഡിസ്​നി സ്​റ്റുഡിയോസ്​ ആൻഡ്​ മോഷൻ പിക്​ചേഴ്​സ്​ ആണ്​ വിതരണക്കാർ.   മാറുന്ന സൗദിയടെ ചരിത്രത്തിലെ സുപ്രധാന സംഭവമായാണ്​ സിനിമാശാലകളുടെ തുടക്കത്തെ വിലയിരുത്തുന്നത്​. വിഷൻ 2020 പദ്ധതിയുടെ ഭാഗമായി സാംസ്​കാരിക മേഖലയിൽ വലിയ മാറ്റം പ്രഖ്യാപിച്ചിരുന്നു.