ആദ്യസിനിമ ‘ബ്ലാക്​ പാൻതർ’; പ്രദർശനം കിങ്​ അബ്​ദുല്ല ഫിനാൻഷ്യൽ സെൻററിൽ

ജിദ്ദ: സൗദി അറേബ്യയിൽ പ്രദർശിപ്പിക്കുന്ന ആദ്യ സിനിമ ഹോളിവുഡ്​ ചിത്രം ‘ബ്ലാക്​ പാൻതർ’. റിയാദിൽ പണി പൂർത്തിയായി കൊണ്ടിരിക്കുന്ന കിങ്​ അബ്​ദുല്ല ഫിനാൻഷ്യൽ സ​​െൻററിലെ തിയറ്ററിൽ ഇൗമാസം 18 നാണ്​ ആദ്യപ്രദർശനം. അമേരിക്കൻ മൾട്ടി സിനിമ (എ.എം.സി) കമ്പനി സജ്ജീകരിക്കുന്ന ഇൗ തിയറ്ററിൽ വിപുലമായ ചടങ്ങുകളോടെയായിരിക്കും ആദ്യദിവസത്തെ പ്രദർശനം നടക്കുക. ലോസ്​ ആഞ്ചലസിൽ കഴിഞ്ഞ ദിവസമാണ്​ സൗദി അറേബ്യയിൽ 40 തിയറ്ററുകൾ ആരംഭിക്കാനുള്ള കരാറിൽ എ.എം.സിയുമായി കിരീടാവകാശി അമീർ മുഹമ്മദ്​ ബിൻ സൽമാൻ ഒപ്പുവെച്ചത്​. തിയറ്ററിൽ സ്​ത്രീകൾക്കും പുരുഷൻമാർക്കും പ്രത്യേകം ബ്ലോക്കുകൾ ഉണ്ടാകില്ലെന്ന്​ റോയി​േട്ടഴ്​സ്​ വാർത്ത ഏജൻസിയെ ഉദ്ധരിച്ച്​ അറബ്​ ന്യൂസ്​ റിപ്പോർട്ട്​ ചെയ്​തു. 

റിയാദ്​ നഗരത്തിന്​ വടക്ക്​ഭാഗത്തെ അഖീഖിൽ കിങ്​ ഫഹദ്​ റോഡിനോട്​ ചേർന്നാണ്​ കിങ്​ അബ്​ദുല്ല ഫിനാൻഷ്യൽ ഡിസ്​ട്രിക്​ട്​ സ്​ഥിതിചെയ്യുന്നത്​. ഇവിടെ സിംഫണി കൺസേർട്ട്​ ഹാൾ എന്ന നിലയിൽ നിർമിച്ച സംവിധാനമാണ്​ തിയറ്റർ ആക്കി മാറ്റിയത്​. എ.എം.സിയുടെ മേൽ​േനാട്ടത്തിൽ ലോകോത്തര നിലവാരത്തിൽ പണിപൂർത്തിയാക്കിയ തിയറ്ററിൽ 620 സീറ്റുകളുണ്ട്​. തുകൽ സീറ്റുകളാണ്​ മുഴുവനും. മെയിൻ ഹാളും ബാൽക്കണിയുമായി രണ്ട്​ തട്ടുകളിലാണ്​ സീറ്റുകൾ സംവിധാനിച്ചിരിക്കുന്നത്​. അത്യാധുനിക സംവിധാനങ്ങളുള്ള മാർബിൾ ബാത്​റൂമുകളാണ്​ മറ്റൊരു പ്രത്യേകത. രണ്ടുമാസത്തിനകം ഇവിടെ മൂന്നു സ്​ക്രീനുകൾ കൂടി പ്രവർത്തനമാരംഭിക്കും. ലോകത്തെ ഏറ്റവും മനോഹരമായ സിനിമ തിയറ്ററായിരിക്കും ഇതെന്ന്​ എ.എം.സി സി.ഇ.ഒ ആഡം ആരോൺ പറഞ്ഞു. 

അമേരിക്കയിലെ കൻസാസ്​ ആസ്​ഥാനമായ എ.എം.സിയുടെ വരാനിരിക്കുന്ന നൂറാംവാർഷികത്തിലെ ഏറ്റവും പ്രധാന പദ്ധതിയാണ്​ സൗദിയിലെ 40 തിയറ്റുകളുടെ ശൃംഖല.
 1920 ൽ സ്​ഥാപിതമായ കമ്പനി നിലവിൽ ലോകത്തെ ഏറ്റവും വലിയ തിയറ്റർ ഗ്രൂപ്പാണ്​. അമേരിക്കയിൽ മാത്രം 661 തിയറ്ററുകളിലായി 8,200 സ്​ക്രീനുകളും യൂറോപ്പിൽ 244 തിയറ്ററുകളിൽ 2,200 സ്​ക്രീനുകളും എ.എം.സിക്കുണ്ട്​. ചൈനീസ്​ കമ്പനിയായ വാൻഡ ഗ്രൂപ്പ്​ 2012 ൽ 260 കോടി ഡോളറിന്​ എ.എം.സിയെ ഏറ്റെടുക്കുകയായിരുന്നു. 
മാർവൽ സ്​റ്റുഡി​േയാസ്​ നിർമിച്ച സൂപ്പർഹീറോ സിനിമയാണ്​ ഫെബ്രുവരി 16 ന്​ അമേരിക്കയിൽ റിലീസ്​ ചെയ്​ത ‘ബ്ലാക്​ പാൻതർ’. വാൾട്ട്​ ഡിസ്​നി സ്​റ്റുഡിയോസ്​ ആൻഡ്​ മോഷൻ പിക്​ചേഴ്​സ്​ ആണ്​ വിതരണക്കാർ. 134 മിനിറ്റ്​ ദൈർഘ്യമുള്ള സിനിമയുടെ സംവിധായകൻ റയാൻ കൂഗ്ലർ ആണ്​. 2018 ൽ ഇതുവരെ ലോകത്ത്​ ഏറ്റവും അധികം പണംവാരിയ സിനിമയാണ്​ ‘ബ്ലാക്​ പാൻതർ’. ഏതാനും ആഴ്​ചകൾക്കുള്ളിൽ ശതകോടിയിലേറെ ഡോളർ നേടിക്കഴിഞ്ഞു, ഷാഡ്​വിക്​ ബോസ്​മാൻ മുഖ്യവേഷത്തിലെത്തുന്ന ഇൗ സിനിമ.