ജീവകാരുണ്യ രംഗത്തും അന​ാരോഗ്യ മത്സരമുണ്ട്​: ഫിറോസ്​ കുന്നുംപറമ്പിൽ

റിയാദ്​: ജീവകാരുണ്യ രംഗത്തും അന​ാരോഗ്യകരമായ മത്സര പ്രവണതകൾ ഉടലെടുത്തിട്ടുണ്ടെന്ന്​ ഫിറോസ്​ കുന്നുംപറമ്പ ിൽ. സാമൂഹിക മാധ്യമങ്ങളിലൂടെയുള്ള ജീവകാരുണ്യ പ്രവർത്തനത്തിലൂടെ അടുത്തിടെ ഏറെ ശ്രദ്ധേയനായ ഫിറോസ്​ റിയാദ്​ കല ാഭവൻ നൈറ്റിൽ പ​െങ്കടുക്കാനെത്തിയപ്പോൾ വാർത്താസമ്മേളനത്തിൽ സംസാരിക്കുകയായിരുന്നു. സോഷ്യ മീഡിയകളിലൂടെ ​െപ ​െട്ടന്ന്​ ശ്രദ്ധപിടിച്ചെടുക്കാമെന്നള്ള ലക്ഷ്യമാണ്​ മത്സര ബുദ്ധിക്ക്​ പിന്നിൽ. പക്ഷേ പ്രതിഫലമൊന്നും കാംക് ഷിക്കാതെ നിഷ്​കളങ്കമായി പ്രവർത്തിക്കുന്നവർ കൂടി തെറ്റിദ്ധരിക്കപ്പെടാൻ ഇതിടയാക്കുന്നുണ്ട്​. ഫേസ്​ബുക്ക്​ ല ൈവിലൂടെയും മറ്റും യഥാർഥ ദുരിത ബാധിതരുടെ പ്രശ്​നങ്ങളും വിഷമതകളും പുറത്തുവരു​േമ്പാൾ സഹായങ്ങൾ അങ്ങോ​െട്ടാഴുകുന്നത്​ സ്വാഭാവികമാണല്ലോ. ഇതും ചിലരുടെ നീരസത്തിന്​ ഇടയാക്കിയിട്ടുണ്ട്​.

ചില ട്രസ്​റ്റുകാരും മറ്റും പതിവ്​ പിരിവിനായി ആളുകളെ സമീപിക്കു​േമ്പാൾ ഇപ്പോഴില്ല, ഉള്ളത്​ ഫിറോസ്​ പറഞ്ഞ വിഷയത്തിന്​ കൊടുത്തു എന്ന്​ പറഞ്ഞ്​ പലരും കൈയ്യൊഴിയും. ഇത്​ ഇത്തരം ആളുകളെ​ തനിക്കെതിരെ തിരിയാൻ പ്രേരിപ്പിക്കുന്നുണ്ട്​. തെറ്റിദ്ധാരണകൾ പരത്താനും വഴിമുടക്കാനുമുള്ള ശ്രമങ്ങൾ അങ്ങനെയുണ്ടാകുന്നതാകും. എന്നാൽ ഒരു പ്രതിഫലവും പ്രശസ്തിയും കാംക്ഷിക്കാതെ എ​​െൻറ പ്രവർത്തനങ്ങളിൽ എന്നെ ഫോളോ ചെയ്യുന്നവർക്ക്​ ഉറച്ച വിശ്വാസമുണ്ട്​. അതുമതി കൈമുതൽ. ഒട്ടും പ്രതീക്ഷിക്കാതെയാണ്​ സോഷ്യൽ മീഡിയയിലെ സെലിബ്രിറ്റി സ്​റ്റാറ്റസിൽ വന്നുപെടുന്നത്​. ഇത്​ മൂലം വിഷമങ്ങളില്ലാതില്ല. നിരന്തരം യാത്രകളും മറ്റും മൂലം മതിയായ സമയം കിട്ടാതെ വരുന്നുണ്ട്​. പക്ഷേ ഇൗ സ്​റ്റാറ്റസ്​ കൊണ്ട്​ പ്രയോജനമാണ്​ കൂടുതലും. അർഹിക്കുന്ന ആളുകൾക്ക്​ കൂടുതൽ സഹായം എത്തിക്കാൻ കഴിയുന്നു​. ഇപ്പോൾ നിറയെ ഉദ്​ഘാടന പരിപാടികളും യാത്രകളുമാണ്​.

ഇതിൽ നിന്ന്​ കിട്ടുന്ന​ ചെലവുകഴിച്ചുള്ള പണം മുഴുവൻ സഹായം തേടി വരുന്നവർക്ക്​ നൽകുകയാണ്​ ചെയ്യുന്നത്​. സ്വദേശമായ ആലത്തൂരിൽ ഒരു ​ചെറിയ മൊബൈൽ ഫോൺ സർവീസ്​ സ്ഥാപനം നടത്തിക്കൊണ്ടിരിക്കെ രണ്ട്​ വർഷം മുമ്പാണ്​ ഇൗ വഴിയിലേക്ക്​ യാദൃശ്ചികമായി എത്തിപ്പെടുന്നത്​. ഒരു ദിവസം രാത്രിയിൽ മക്കൾക്ക്​ ഭക്ഷണവും വാങ്ങി വീട്ടിലേക്ക്​ പോകു​േമ്പാൾ തെരുവിൽ മനോരോഗമുള്ള ഒരാളെ കണ്ടതാണ്​ വഴിത്തിരിവായത്​. അയാൾക്ക്​ വിശപ്പുണ്ടായിരുന്നു. പകുതി ഭക്ഷണം അയാൾക്ക്​ കൊടുത്തു. മുന്നോട്ടുപോകു​േമ്പാൾ മറ്റൊരു തെരുവ്​ ജീവിതത്തെയും കണ്ടു. ബാക്കി ഭക്ഷണം അയാൾക്കും കൊടുത്തു. സമൂഹം സഹായിക്കേണ്ട ഒരുപാട്​ ജീവിതങ്ങൾ ചുറ്റുപാടുമുണ്ടെന്ന്​ മനസിലാകുന്ന ദിനങ്ങളായിരുന്നു പിന്നീട്​. പാലക്കാട്​ റെയിൽവേ സ്​റ്റേഷനിൽ നിരാലംബരായി കഴിഞ്ഞ ഒരു കുടുംബത്തെ കുറിച്ച്​ പറയാനാണ്​ ആദ്യമായി ഫേസ്​ബുക്ക്​ ലൈവിൽ വന്നത്​. ലൈവ്​ ആളുകൾ കണ്ടെങ്കിലും ആരും കുടുംബത്തെ ഏറ്റെടുക്കാൻ വന്നില്ല. അപ്പോ​ൾ അവരെ ഏറ്റെടുത്ത്​ ഒരു വാടകവീട്​ തരപ്പെടുത്തി അവിടെ താമസമാക്കി. ഇനി അവർക്കൊരു വീട്​ വേണമെന്ന്​ പറഞ്ഞ്​ ലൈവ്​ ചെയ്​തപ്പോൾ വമ്പിച്ച പ്രതികരണവും സഹായ പ്രവാഹവുമുണ്ടായി. പിന്നെ തിരിഞ്ഞുനോക്കേണ്ടി വന്നിട്ടില്ല. ഒാരോ ലൈവിനും ധാരാളം സഹായമാണ് വരുന്നത്​. സഹായിക്കുന്നവരിൽ കൂടുതലും പ്രവാസികളാണ്​. മലപ്പുറം ആലുങ്കലിൽ 27 വീട്​ നിർമിച്ചുനൽകുന്ന ഒരു പദ്ധതി പ്രഖ്യാപിച്ചിട്ടുണ്ട്​.

നാല്​ ലക്ഷം ചെലവിലാണ്​ വീട്​ നിർമാണം. ആലത്തൂരിൽ ഇതുപോലൊരു ലക്ഷ്യത്തോടെ രണ്ടേക്കർ സ്ഥലത്തിന്​ അഡ്വാൻസും കൊടുത്തിട്ടുണ്ട്​. ലൈവിലൂടെയും നേരിട്ടുള്ള അഭ്യർഥന​യിലൂടെയും പാവപ്പെട്ട ആളുകൾക്ക്​ പരമാവധി സഹായം ലോകത്തി​​െൻറ നാനാഭാഗത്തു നിന്ന്​ എത്തിച്ചുകൊടുക്കാനാണ്​ ശ്രമിക്കുന്നത്​. ഇൗ വിധത്തിൽ ​മാസം ഒന്നരക്കോടി രൂപയുടെ സഹായമെങ്കിലും വരുന്നുണ്ടെന്നാണ്​ തോന്നുന്നത്​.
സഹായം അർഹിക്കുന്നവരുടെ അക്കൗണ്ടുകളിലേക്ക്​ നേരിട്ടാണ്​ സംഭാവനകൾ പോകുന്നത്​. എ​​െൻറ കൈകൊണ്ട്​ ഒരു സംഭാവനയും തൊട്ടിട്ടില്ലെന്നും വളരെ സൂക്ഷ്​മതയോടെയും സുതാര്യതയോടെയുമാണ്​ ഇൗ വിഷയങ്ങളിലെല്ലാം ഇടപെടുന്നതെന്നും ഫിറോസ്​ കൂട്ടിച്ചേർത്തു. വാർത്താസമ്മേളനത്തിൽ റിയാദ്​ കലാഭവൻ ഭാരവാഹികളായ ഷാരോൺ ശരീഫ്​, സജി കൊല്ലം, ഷാജഹാൻ കല്ലമ്പലം, സി.കെ ഫഹദ്​, ജോർജ്​ കുട്ടി, ജോൺസൺ എന്നിവരും പ​െങ്കടുത്തു.