സൗദിയിലെ സിമൻറ്​ ഫാക്​ടറിയിൽ അഗ്​നിബാധ

ദമ്മാം: സൗദിയിലെ പ്രമുഖ സിമൻറ്​ ഫാക്​ടറിയായ ഇൗസ്​റ്റേൺ പ്രൊവിൻസ്​ സിമൻറ്​ ഫാക്​ടറിയിൽ തീപിടിത്തം. പ്രവർത്തനം നടക്കുന്നതിനിടെ ഫാക്​ടറിയിലെ പ്ലാൻറിലാണ്​ തീപടർന്നത്​. സംഭവ സ്​ഥലത്തേക്ക് കുതിച്ചെത്തിയ അഗ്​നിശമന സേനയുടെ സമയോചിത ഇടപെടൽ കാരണം തീ നിയന്ത്രണ വിധേയമായി.

അഗ്​നിബാധയിൽ ആർക്കും പരിക്കേറ്റതായി വിവരമില്ലെന്ന്​ കിഴക്കൻ പ്രവി​ശ്യ സിവിൽ ഡിഫൻസ്​ ഒൗദ്യോഗിക വക്​താവ്​ അബ്​ദുൽ ഹാദി അൽശഹ്​റാനി അറിയിച്ചു. അൽഅഹ്​സ സിവിൽ ഡിഫൻസ് വിഭാഗത്തി​​​െൻറ നേതൃത്വത്തിലാണ്​ രക്ഷാ​പ്രവർത്തനങ്ങൾ നടന്നത്​. അഗ്​നിബാധയുടെ കാരണം സംബന്ധിച്ച്​ അന്വേഷണം പുരോഗമിക്കുകയാണ്​.