മക്കയിൽ കെട്ടിടത്തിന്​ തീപിടിച്ച്​ ബാലിക മരിച്ചു

ജിദ്ദ: മക്കയിൽ കെട്ടിടത്തിന്​ തീപിടിച്ച്​ ഒമ്പതുവയസുകാരി മരിച്ചു. ഉംറ ഡിസ്​ട്രിക്​ടിലെ ഒരു റെസിഡൻഷ്യൽ ബിൽഡിങ്ങിലാണ്​ ചൊവ്വാഴ്​ച രാത്രിയോടെ തീ പടർന്നുപിടിച്ചതെന്ന്​ സിവിൽ ഡിഫൻസ്​ മക്ക മേഖല വക്​താവ്​ മേജർ നാഇഫ്​ അൽ ശരീഫ്​ അറിയിച്ചു. കെട്ടിടത്തി​​െൻറ ഒന്നാം നിലയിലെ ഫ്ലാറ്റിൽ നിന്നാണ്​ തീ പടർന്നത്​. ഉടൻ തന്നെ സിവിൽഡിഫൻസ്​ സംഘം സ്​ഥലത്തെത്തുകയും അഗ്​നിബാധ നിയന്ത്രണവിധേയമാക്കുകയും ചെയ്​തു. സാരമായി പൊള്ളലേറ്റ പെൺകുട്ടിയെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. അപകടത്തി​​െൻറ കാരണത്തിൽ അന്വേഷണം തുടങ്ങിയതായി മേജർ നാഇഫ്​ അൽ ശരീഫ്​ വ്യക്​തമാക്കി.