മക്കയിൽ ഫ്ലാറ്റിന്​ തീപിടിച്ച്​ ഒരു മരണം 

മക്ക: മക്കയിൽ ഫ്ലാറ്റിലുണ്ടായ അഗ്​നിബാധയിൽ ഒരാൾ മരിച്ചു. സ്​​ത്രീക്ക്​ പരിക്കേൽക്കുകയും ചെയ്​തു. അസീസിയ ഡിസ്​ട്രിക്​റ്റിൽ ഇന്നലെ രാവിലെയാണ്​ സംഭവം. രണ്ടുനിലയുള്ള കെട്ടിടത്തിലെ താഴെ നിലയിലെ ഫ്ലാറ്റിലാണ്​ അഗ്​നിബാധയുണ്ടായത്​. സിവിൽ ഡിഫൻസ്​ എത്തിയാണ്​ തീ അണച്ചത്​. കടുത്ത പുകപടലം ഉണ്ടായതിനാൽ കെട്ടിടത്തിലെ താമസക്കാരെ പിന്നീട്​ ഒഴിപ്പിച്ചു. ബന്ധപ്പെട്ട വകുപ്പുകളുമായി സഹകരിച്ചു  അഗ്​നിബാധയുടെ  കാരണമറിയാൻ അന്വേഷണം നടത്തിവരികയാണെന്ന്​ മക്ക സിവിൽ ഡിഫൻസ്​ വക്​താവ്​ കേണൽ നാഇഫ്​ അൽശരീഫ്​ പറഞ്ഞു.