ഫിഫ പ്രസിഡൻറ്​ കിരീടാവകാശിയെ സന്ദർശിച്ചു

ജിദ്ദ: ഇൻറർനാഷനൽ ഫുട്​ബാൾ ​അസോസിയേഷൻ (ഫിഫ) ​പ്രസിഡൻറ്​ ഗിയാനി ഇൻഫാൻറിനോ സൗദി കിരീടാവകാശി അമീർ മുഹമ്മദ്​ ബിൻ സൽമാനെ സന്ദർശിച്ചു. ഫിഫയും സൗദി ജനറൽ സ്​പോർട്​സ്​ അതോറിറ്റിയും തമ്മിലുള്ള സഹകരണം വർധിപ്പിക്കുന്നതിനുള്ള സാധ്യതകൾ ഇരുവരും ആരാഞ്ഞു. ജനറൽ സ്​പോർട്​സ്​ അതോറിറ്റി ചെയർമാൻ തുർക്കി ആലുശൈഖും ചർച്ചകളിൽ ഒപ്പമുണ്ടായിരുന്നു.

ഒരുവ്യാഴവട്ടത്തിന്​ ശേഷം ലോകകപ്പ്​ ഫുട്​ബാളിന്​ യോഗ്യത നേടിയ സൗദി ദേശീയ ടീം ഉദ്​ഘാടന മത്സരത്തിൽ റഷ്യയുമായി മാറ്റുരക്കാനിരിക്കുകയാണ്​. കഴിഞ്ഞ ദിവസം ടീമിനെ സന്ദർശിച്ച കിരീടാവകാശി ടീമംഗങ്ങൾക്ക്​ മംഗളം ആശംസിച്ചിരുന്നു.