മലയാളി ദമ്മാമിൽ പനി ബാധിച്ച്​ മരിച്ചു 

ദമ്മാം: പനിയും ചുമയും അനുഭവപ്പെട്ടതിനെ തുടർന്ന്​ ആശുപത്രിയിൽ പ്രവേശിപ്പിച്ച മലയാളി ദമ്മാമിൽ മരിച്ചു. ആലപ്പുഴ, തിരുവമ്പാടി സ്വദേശി വാടക്കൽ കുരിശിങ്കൽ  വീട്ടിൽ ജോണി (51) ആണ്​ മരിച്ചത്​. ദിവസങ്ങൾക്ക്​ മുമ്പാണ്​ കടുത്ത പനിയും ചുമയുമുണ്ടായി​ ആശുപത്രിയിൽ പ്രവേശിപ്പിച്ചത്​. സ്ഥിതി ഗുരുതരമായി തുടരുകയായിരുന്നു.  

ചൊവ്വാഴ്​ച ഉച്ചയോടെയാണ്​ മരണം സംഭവിച്ചത്​. സറാകോ കമ്പനിയിലെ ജീവനക്കാരനായിരുന്ന അദ്ദേഹം കരാർ അടിസ്​ഥാനത്തിൽ 27 വർഷമായി ദമ്മാം മെഡിക്കൽ  കോംപ്ലക്​സിൽ അഡ്​മിനിസ്​ട്രേഷൻ വിഭാഗത്തിൽ ജോലിചെയ്യുകയായിരുന്നു. സൗമ്യനും സഹൃദയനുമായിരുന്ന ഇദ്ദേഹത്തിന്​ വലിയ സൗഹൃദ വലയം ഉണ്ടായിരുന്നു. ​സറാകോ ജീവനക്കാരിയായ റസീനയാണ്​ ഭാര്യ. മക്കൾ: ഡോ. റോഷിൻ, എൻജി. നിഷിൻ​.