യാമ്പുവിലെ ജലോത്സവം ശ്രദ്ധേയമായി

യാമ്പു: ദേശീയ ദിനാഘാഷത്തി​​​​െൻറ ഭാഗമായി യാമ്പുവിലെ ശറം ബീച്ചിൽ നടത്തിയ ബോട്ട് റാലി വേറിട്ട കാഴ്ചയായി. 65 ബോട്ടുകൾ പങ്കെടുത്ത പരിപാടി 45 മിനിറ്റ്​ നീണ്ടുനിന്നു. ‘രാജ്യത്തിന്ന്‌ വേണ്ടി ഒരു കൈയൊപ്പ്‌’ എന്ന ശീർഷകത്തിൽ ബഹുജനങ്ങളെ കൂടി പങ്കെടുപ്പിച്ച് നടത്തിയ റാലിയിൽ ഫിഷറീസ്, കോസ്​റ്റ്​ ഗാർഡ്, നാവികസേന എന്നീ വിഭാഗങ്ങളിലെ ഉദ്യോഗസ്ഥർ, മത്സ്യത്തൊഴിലാളികൾ, കായികതാരങ്ങൾ തുടങ്ങി നൂറ് കണക്കിനാളുകൾ പങ്കെടുത്തു. യാമ്പു ടൂറിസം അതോറിറ്റി ഡയറക്​ടർ സാമിർ അൽ അനീനി പരിപാടിയുടെ ഉദ്‌ഘാടനം നിർവഹിച്ചു. യാമ്പുവിലെ പൊതു ജനങ്ങളുടെ വർധിച്ച പിന്തുണ ജലോത്സവത്തിന് കിട്ടിയെന്നും പിറന്ന നാടിനോടുള്ള സ്നേഹമാണ് എല്ലാവരും ഇതിലൂടെ പ്രകടിപ്പിക്കുന്നതെന്നും അദ്ദേഹം പറഞ്ഞു.