ഗാന്ധിജിയുടെ ദർശനങ്ങളെ ഫാഷിസ്​റ്റുകൾ കുഴിച്ചുമൂടുന്നു –ഇ. മുഹമ്മദ് കുഞ്ഞി മാസ്​റ്റർ

ജിദ്ദ: രാഷ്​​്ട്രപിതാവ് മഹാത്മഗാന്ധിയുടെ ദർശനങ്ങൾ ആഗോള തലത്തിൽ ആദരവോടെ സ്വീകരിക്കുകയും ബഹുമാനിക്കുകയും ചെയ്യുമ്പോൾ അദ്ദേഹത്തി​െൻറ ആശയങ്ങൾക്കും ആദർശങ്ങൾക്കും കടകവിരുദ്ധമായ നിലപാടുകളും നടപടികളുമാണ് വർത്തമാനകാല ഇന്ത്യയിലെ ഭരണകൂടം കൈക്കൊള്ളുന്നതെന്ന് കെ.പി.സി.സി ജനറൽ സെക്രട്ടറി ഇ. മുഹമ്മദ് കുഞ്ഞി മാസ്​റ്റർ അഭിപ്രായപ്പെട്ടു. ഒ.ഐ.സി.സി ജിദ്ദ മലപ്പുറം ജില്ല കമ്മിറ്റി സംഘടിപ്പിച്ച 'ഗാന്ധിസ്മൃതി' പരിപാടി ഉദ്‌ഘാടനം ചെയ്യുകയായിരുന്നു അദ്ദേഹം. ഫാഷിസ്​റ്റുകൾക്കെതിരെയുള്ള കോൺഗ്രസ് പാർട്ടിയുടെ പോരാട്ടം ശക്തമായി തുടരുമെന്നും അദ്ദേഹം പറഞ്ഞു. പ്രസിഡൻറ്​ ഹക്കീം പാറക്കൽ അധ്യക്ഷത വഹിച്ചു. ഗാന്ധിജി വിഭാവനം ചെയ്ത ഇന്ത്യയെ വീണ്ടെടുക്കാനുള്ള രാഹുൽ ഗാന്ധിയുടെയും പ്രിയങ്ക ഗാന്ധിയുടെയും പോരാട്ടങ്ങൾ ശക്തിയാർജിക്കുന്നതും വലിയ ജനപിന്തുണയാർജിക്കുന്നതും ഫാഷിസ്​റ്റുകളുടെ ഉറക്കം കെടുത്തിയിരിക്കുന്നുവെന്ന് ചടങ്ങിൽ മുഖ്യ പ്രഭാഷണം നടത്തിയ കെ.പി.സി.സി നിർവാഹക സമിതി അംഗം എൻ.എ. കരീം പറഞ്ഞു.

പ്രവാസലോകത്തുനിന്ന്​ കെ.പി.സി.സി നിർവാഹക സമിതിയിലേക്ക്​ തെരഞ്ഞെടുക്കപ്പെട്ട അഹമ്മദ് പുളിക്കലിനെ ചടങ്ങിൽ ആദരിച്ചു. യൂത്ത് കോൺഗ്രസ് മലപ്പുറം ജില്ല സെക്രട്ടറി സുനിൽ ചെറുകോട്, ഒ.ഐ.സി.സി നേതാക്കളായ അബ്​ദുൽ മജീദ് നഹ, റസാഖ് പൂക്കോട്ടുംപാടം, അബ്​ദുല്ല വല്ലാഞ്ചിറ, ഹുസൈൻ, കെ.സി. അബ്​ദുറഹ്​മാൻ, എൻ. ഹുസൈൻ, ഷുക്കൂർ നീലങ്ങാടൻ, അഷ്‌റഫ് അഞ്ചാലൻ, നൗഷാദ് ചാലിയാർ തുടങ്ങിയവർ സംസാരിച്ചു. സക്കീർ അലി കണ്ണേത്ത് സ്വാഗതവും ആസാദ് പോരൂർ നന്ദിയും പറഞ്ഞു.