യാത്രയയപ്പ് നൽകി

ജുബൈൽ: 12 വർഷത്തെ പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന ഐ.സി.എഫ്​ ജുബൈൽ ചീഫ് ദാഇയും അൽഅസ്ഹർ മദ്റസ പ്രധാനാധ്യാപകനുമായ നൂറുദ്ദീൻ മഹ്‌ളരിക്ക്‌ രിസാല സ്​റ്റഡി സർക്കിൾ (ആർ.എസ്​.സി) ജുബൈൽ സെൻട്രൽ കമ്മിറ്റി യാത്രയയപ്പ് നൽകി. പരിപാടിയിൽ അബ്​ദുൽ ലത്തീഫ് സഖാഫി അധ്യക്ഷത വഹിച്ചു. ഗൾഫ് കൗൺസിൽ അംഗം നൗഫൽ ചിറയിൽ സംഗമം ഉദ്ഘാടനം ചെയ്തു. അൻസാർ കൊട്ടുകാട്, ജംഹർ അലി നരിക്കുനി, അഫ്സൽ പിലാക്കൽ, മുവഫഖ് മൂളപ്പുറം, താജുദ്ദീൻ സഖാഫി, അബ്​ദുൽ മജീദ് അണ്ടോണ എന്നിവർ സംസാരിച്ചു.

2021 വർഷത്തെ കലണ്ടറും മിർഖാബ് സെക്ടർ തയ്യാറാക്കിയ 'അക്ഷരാഗ്​നി' എന്ന ഡിജിറ്റൽ മാഗസിനും സംഗമത്തിൽ പ്രകാശനം ചെയ്​തു. അസ്‌ലം ബീമാപള്ളി സ്വാഗതവും ഷഫീഖ് കുമ്പള നന്ദിയും രേഖപ്പെടുത്തി.