സുഹൈബ് നായക്കന് യാംബുവിൽ യാത്രയയപ്പ് നൽകി

യാംബു: 12 വർഷത്തെ സൗദി പ്രവാസം മതിയാക്കി മടങ്ങുന്ന കണ്ണൂർ സ്വദേശി സുഹൈബ് നായക്കന് യാംബു സീനിയേഴ്സ് ഫുട്ബാൾ കൂട്ടായ്മ യാത്രയയപ്പ് നൽകി. യാംബു ദുറ ഫ്ലഡ് ലിറ്റ് സ്റ്റേഡിയത്തിൽ ജൂനിയേഴ്‌സ് ടീമുമായി നടന്ന സൗഹൃദ മത്സരത്തിനു ശേഷം നടന്ന ചടങ്ങിൽ സീനിയേഴ്സ് ഫുട്ബാൾ ടീം അംഗങ്ങൾ സുഹൈബിനുള്ള ഉപഹാരം നൽകി.

ശബിർ ഹസൻ, നിയാസ് പുത്തൂർ, മാമുക്കോയ ഒറ്റപ്പാലം, സിറാജ് മുസ്‌ലിയാരകത്ത്, ശബീബ് വണ്ടൂർ, നാസർ നടുവിൽ, അലിയാർ മണ്ണൂർ എന്നിവർ സംസാരിച്ചു. സുഹൈബ് നായക്കൻ മറുപടി പ്രസംഗം നടത്തി.