കേളി മുസാഹ്മിയ ഭാരവാഹി വിജയന് യാത്രയയപ്പ് നൽകി
text_fieldsനാട്ടിലേക്ക് മടങ്ങുന്ന വിജയന് കേളി മുസാഹ്മിയ ഏരിയ സെക്രട്ടറി നിസാറുദ്ദീൻ റാവുത്തർ ഉപഹാരം കൈമാറുന്നു
റിയാദ്: 32 വർഷത്തെ പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന കേളി കലാസാംസ്കാരിക വേദി മുസാഹ്മിയ ഏരിയ വൈസ് പ്രസിഡൻറ് വിജയന് ഏരിയ കമ്മിറ്റിയുടെ നേതൃത്വത്തിൽ യാത്രയയപ്പ് നൽകി. വർക്ക്ഷോപ് മേഖലയിൽ ജോലി ചെയ്തുവരുകയായിരുന്ന വിജയൻ, മുസാഹ്മിയ മേഖലയിൽ കേളിയുടെ യൂനിറ്റുകൾ രൂപവത്കരിക്കുന്നതിൽ പങ്കുവഹിച്ചു.
മുസാഹ്മിയ യൂനിറ്റ് അംഗം, ഏരിയ രക്ഷാധികാരി സെക്രട്ടെറി, ഏരിയ കമ്മിറ്റി അംഗം എന്നി ചുമതലകൾ വഹിച്ചു. കോട്ടയം ജില്ലയിലെ വൈക്കം സ്വദേശിയാണ്. യാത്രയയപ്പ് ചടങ്ങിൽ ഏരിയ പ്രസിഡന്റ് എം.കെ. ഷമീർ അധ്യക്ഷത വഹിച്ചു.
കേന്ദ്ര രക്ഷാധികാരി സമിതി അംഗം സുരേന്ദ്രൻ കൂട്ടായി, ജോയിന്റ് സെക്രട്ടറിമാരായ മധു ബാലുശ്ശേരി, സുനിൽ കുമാർ, വൈസ് പ്രസിഡൻറ് ഗഫൂർ ആനമങ്ങാട്, കേന്ദ്ര കമ്മിറ്റി അംഗം മധു പട്ടാമ്പി എന്നിവർ സംസാരിച്ചു. രക്ഷാധികാരി സമിതിക്ക് വേണ്ടി എം.കെ. ഷമീർ, ഏരിയ കമ്മിറ്റിക്ക് വേണ്ടി സെക്രട്ടറി നിസാറുദ്ദീൻ റാവുത്തർ തുടങ്ങിയവർ ഉപഹാരം നൽകി. ഏരിയ സെക്രട്ടറി നിസാറുദ്ദീൻ സ്വാഗതവും വിജയൻ നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

