യാത്രയയപ്പ് നൽകി

ദമ്മാം: 40 വർഷത്തെ പ്രവാസം മതിയാക്കി നാട്ടിലേക്ക് തിരിക്കുന്ന കേരള ആർട്സ് ആൻഡ് സ്പോർട്സ് ക്ലബ് സ്ഥാപകരിൽ ഒരാളും മുൻ പ്രസിഡന്‍റും രക്ഷാധികാരിയുമായ ശങ്കരനുണ്ണിക്ക് ക്ലബ് പ്രവർത്തകർ യാത്രയയപ്പു നൽകി. ദമ്മാമിലെ ഹോളിഡേയ്സ് ഹാളിൽ നടന്ന ചടങ്ങിൽ പ്രസിഡന്‍റ് പ്രദീപ് കുമാർ അധ്യക്ഷത വഹിച്ചു. പ്രദീപ്, ബിനു പി. ബേബി, മുഹമ്മദാലി എന്നിവർ ഓർമഫലകവും ഷാജി ഹസൻ കുഞ്ഞു, സുരേഷ് ചെറുപുഴ എന്നിവർ ഉപഹാരവും കൈമാറി. സുരേഷ്, പ്രദീപ് കുമാർ, സുരേഷ് ചെറുപുഴ, ഷാജി ഹസൻ കുഞ്ഞ്, ബിനു പി. ബേബി, മുഹമ്മദാലി, സക്കീർ, ക്രിക്കറ്റ്-വോളിബാൾ ടീമിലെ കളിക്കാർ എന്നിവർ പങ്കെടുത്തു. സുരേഷ് സ്വാഗതവും സുരേഷ് ചെറുപുഴ നന്ദിയും പറഞ്ഞു.