ശറഫുദ്ദീൻ മുസ്‌ലിയാർ വടശ്ശേരിക്ക് യാത്രയയപ്പ്

മക്ക: ഒരു ദശകകാലം പിന്നിട്ട പ്രവാസം മതിയാക്കി മടങ്ങുന്ന മക്ക ഐ.സി.എഫ് എക്സിക്യൂട്ടിവ് അംഗവും മർകസ് പ്രബോധകനുമായ ശറഫുദ്ദീൻ മുസ്‌ലിയാർ വടശ്ശേരിക്ക് മക്ക ഐ.സി.എഫ് യാത്രയയപ്പ് നൽകി.

സെൻട്രൽ പ്രസിഡന്റ് ഷാഫി ബാഖവി അധ്യക്ഷത വഹിച്ചു. സയ്യിദ് സിറാജുദ്ദീൻ തങ്ങൾ, മുഹമ്മദലി ശിഹാബ് തങ്ങൾ തളീക്കര എന്നിവർ ചേർന്ന് ഉപഹാരം കൈമാറി. മദനീയം അബ്ദുൽ ലത്വീഫ് സഖാഫി കാന്തപുരം മുഖ്യപ്രഭാഷണം നടത്തി. കോയമോൻ തങ്ങൾ, ആറ്റക്കോയ തങ്ങൾ, നൗഫൽ അഹ്സനി, അഷ്‌റഫ്‌ പേങ്ങാട്, റഷീദ് അസ്ഹരി, അലി മമ്പാട്, അബൂബക്കർ കണ്ണൂർ, ഷഹീർ കോട്ടക്കൽ എന്നിവർ സംബന്ധിച്ചു. മുഹമ്മദ്‌ ബിൻ അലി മലബാരി സ്വാഗതവും ശിഹാബ് കുറുകത്താണി നന്ദിയും പറഞ്ഞു.