വ്യാജ സർട്ടിഫിക്കറ്റ്: ഹൈദരാബാദ് സ്വദേശിക്ക്​  ഒരു വർഷം തടവും 10,000 റിയാൽ പിഴയും

ദമ്മാം: വ്യാജ സർട്ടിഫിക്കറ്റ് ഹാജരാക്കി സൗദിയിലെ പ്രമുഖ എണ്ണ കമ്പനിയിൽ ജോലി ചെയ്‌ത ഹൈദരാബാദ് സ്വദേശിക്ക്​ ഒരു വർഷം തടവും 10,000 റിയാൽ പിഴയും ശിക്ഷ വിധിച്ചു. ദമ്മാമിലെ പ്രമുഖ എണ്ണ കമ്പനിയിൽ 23 വർഷത്തോളം സിവിൽ എഞ്ചിനീയർ തസ്‌തികയിൽ ജോലി ചെയ്‌ത ഹൈദരാബാദ് സ്വദേശിക്കെതിരെയാണ്​  നിയമ നടപടി. 

കമ്പനിയിലെ നടപടിക്രമങ്ങൾ അനുസരിച്ച് യോഗ്യതാ സർട്ടിഫിക്കറ്റുകളുടെ അസ്സൽ പകർപ്പ് ഹാജരാക്കാൻ ആവശ്യപ്പെട്ടിരുന്നു. ന്ധ്രപ്രദേശിലെ പ്രമുഖ വിദ്യാഭ്യാസ സ്​ഥാപനത്തി​​​െൻറ ബിരുദ സർട്ടിഫിക്കറ്റാണ്​ ഇദ്ദേഹം ഹാജരാക്കിയിരുന്നത്​. എന്നാൽ, കമ്പനി അധികൃതരുടെ സ്വാഭാവിക പരിശോധനയിൽ ഇത്​ വ്യാജമാണെന്ന്​ സംശയമുയർന്നു. ഇതേ തുടർന്ന്​  വിദ്യാഭ്യാസ സ്​ഥാപനവുമായി ബന്ധപ്പെട്ടപ്പോൾ ഈ പേരിലൊരാൾ പഠിച്ചി​ട്ടില്ലെന്ന്​ രേഖാമൂലം മറുപടി ലഭിച്ചു. കേസി​​​െൻറ തുടക്കത്തിൽ പ്രതി കുറ്റം നിഷേധിച്ചു. 

20 വർഷത്തിലേറെ കാലതാമസം ഉള്ളതിനാൽ സാക്ഷ്യ പത്രവും അനുബന്ധ തെളിവുകളും ലഭിക്കില്ലെന്നായിരുന്നു അദ്ദേഹത്തി​​​െൻറ വാദം. 
എന്നാൽ, വിദ്യാഭ്യാസ സ്​ഥാപനത്തിലെ അധികൃതരുടെ ഭാഗത്ത് നിന്നുള്ള ഒൗദ്യോഗിക നിഷേധക്കുറിപ്പ് ലഭിച്ചതോടെ  കോടതി വിധി പ്രതികൂലമാവുകയായിരുന്നു. ഒരു വർഷം തടവും 10,000 റിയാൽ പിഴയും ആണ് ശിക്ഷ വിധിച്ചത്. ശിക്ഷ കാലാവധി പൂർത്തിയാവുന്ന മുറക്ക് പ്രതിക്ക്​  നാടുകടത്തൽ ശിക്ഷ ലഭിക്കുമെന്നും ദമ്മാം ക്രിമിനൽ കോടതി പരിഭാഷകൻ മുഹമ്മദ് നജാത്തി ‘ഗൾഫ്​ മാധ്യമത്തോട്​’ പറഞ്ഞു.