ഗസ്സ വിഷയത്തിൽ അറബ്​ ഇസ്​ലാമിക്​ അസാധാരണ ഉച്ചകോടി ഇന്ന്​ റിയാദിൽ

റിയാദ്​: ഗസ്സയിലെ രക്തരൂക്ഷിതമായ നിലവിലെ സാഹചര്യത്തിൽ അടിയന്തര തീരുമാനമെടുക്കാൻ അറബ്​ ലീഗി​െൻറയും ഓർഗനൈസേഷൻ ഓഫ്​ ഇസ്​ലാമിക്​ കോഓപറേഷൻ (ഒ.ഐ.സി)യുടെയും ​സംയുക്താഭിമുഖ്യത്തിൽ ഇന്ന്​ റിയാദിൽ അറബ്​ ഇസ്​ലാമിക്​ അസാധാരണ ഉച്ചകോടി ചേരും.

നേരത്തെ രണ്ടായി നടത്താൻ നിശ്ചയിച്ച യോഗങ്ങളാണ്​ സൗദി അറേബ്യ മുൻകൈയ്യെടുത്ത്​ നടത്തിയ കൂടിയാലോചനയുടെ വെളിച്ചത്തിൽ ഒറ്റ ഉച്ചകോടിയാക്കി മാറ്റിയത്​.

ഗസ്സയിലെ ഏറ്റവും അപകടകരമായ നിലവിലെ അവസ്ഥയിൽ അറബ്​, ഇസ്​ലാമിക രാജ്യങ്ങൾ ഐക്യപ്പെടേണ്ടതി​െൻറയും അധിനിവേശകർക്കെതിരെ ഒറ്റശക്തിയായി പ്രതിരോധം തീർക്കേണ്ടതി​െൻറയും ആവശ്യകതയും പ്രാധാന്യവും റിയാദിലെത്തിയ ഈ രാജ്യങ്ങളുടെയെല്ലാം നേതാക്കൾ ഒരേസ്വരത്തിൽ പ്രകടിപ്പിച്ചതി​െൻറയും അടിസ്ഥാനത്തിലാണ്​ അറബ്​-ഇസ്​ലാമിക ഉച്ചകോടിയെന്ന പുതിയ തീരുമാനമെന്നും ഫലസ്​തീൻ ജനതയോടൊപ്പം അറബ്​-ഇസ്​ലാമിക്​ ഐക്യശക്തിയായി നിലയുറപ്പിക്കാനാണിതെന്നും സൗദി വിദേശകാര്യമന്ത്രാലയം പ്രസ്​താവനയിൽ അറിയിച്ചു.

ഉച്ചകോടിയിൽ പ​ങ്കെടുക്കാൻ മുഴുവൻ അറബ്​, ഇസ്​ലാമിക രാജ്യങ്ങളുടെയും തലവന്മാരും ഉന്നത തലപ്രതിനിധികളും റിയാദിലെത്തിച്ചേർന്നിട്ടുണ്ട്​. ഇന്ന്​ ഉച്ചകഴിഞ്ഞ്​ സമ്മേളനം ആരംഭിക്കും.