മ​രു​ഭൂ​മി​യി​ൽ പ​ച്ച​ക്ക​റി നൂ​റു​മേ​നി വി​ള​യി​ച്ച്​ പ്ര​വാ​സി​ക​ൾ

റി​യാ​ദ്​: വീ​ടി​​ന്റെ പി​ന്നാ​മ്പു​റ​ത്തോ ടെ​റ​സി​ലോ പ​ച്ച​ക്ക​റി​ത്തോ​ട്ടം ന​ട്ടു​ന​ന​ച്ച്​ വ​ള​ർ​ത്തു​ന്ന മ​ല​യാ​ളി​ക​ളു​ടെ ശീ​ലം പ്ര​വാ​സ​ലോ​ക​ത്തും വി​ള​യി​ക്കു​ന്ന​ത്​ നൂ​റു​മേ​നി. ക​മ്പ​നി​ക​ളു​ടെ ലേ​ബ​ർ ക്യാ​മ്പു​ക​ൾ​ക്ക്​ പി​ന്നി​ലെ തോ​ട്ട​ങ്ങ​ളി​ൽ ത​ക്കാ​ളി​യും വെ​ണ്ട​യും വ​ഴു​ത​ന​ങ്ങ​യും ചീ​ര​യും തു​ട​ങ്ങി ക​പ്പ​യും മ​ധു​ര​ക്കി​ഴ​ങ്ങും വ​രെ എ​ണ്ണി​യാ​ലൊ​ടു​ങ്ങാ​ത്ത കാ​യ്​​ക​റി ഇ​ന​ങ്ങ​ളാ​ണ് വി​ഷ​ര​ഹി​ത ആ​വാ​സ​വ്യ​വ​സ്ഥ​യി​ൽ ത​ഴ​ച്ചു​വ​ള​രു​ന്ന​ത്.

സൗ​ദി തെ​ക്കു​പ​ടി​ഞ്ഞാ​റ​ൻ ​മേ​ഖ​ല​യി​ലെ ജീ​സാ​ൻ സാം​ത​യി​ലു​ള്ള ടൊ​യോ​ട്ട ബാ​ബ്ഗി ക​മ്പ​നി​യി​ലെ ജീ​വ​ന​ക്കാ​രു​ടെ കൂ​ട്ടാ​യ്​​മ ന​ന​ച്ച്​ വ​ള​ർ​ത്തു​ന്ന​ത്​ ഇ​ത്ത​ര​​ത്തി​ലൊ​രു കൃ​ഷി​ത്തോ​ട്ട​മാ​ണ്. മ​ല​യാ​ളി​ക​ൾ മാ​ത്ര​മ​ല്ല പി​ന്നി​ലെ​ന്ന​തി​നാ​ൽ​​ അ​ന്താ​രാ​ഷ്​​ട്ര മാ​ന​മാ​ണ്​ ആ ​പ​ച്ച​ക്ക​റി​ത്തോ​ട്ട​ത്തി​ന്. മാ​ത്ര​മ​ല്ല ഈ ​അ​ടു​ക്ക​​ള​ത്തോ​ട്ട​ത്തി​ന്​ വേ​ണ്ടി മു​ന്നി​ട്ടി​റ​ങ്ങി​യ​ത്​ എ​ർ​വി​ൻ എ​നാ​രി​യോ എ​ന്ന ഫി​ലി​പ്പീ​ൻ സ്വ​ദേ​ശി​യാ​ണ്.

സ്വ​ന്തം നാ​ട്ടി​ൽ ന​ല്ലൊ​രു ക​ർ​ഷ​ക​നാ​യ എ​ർ​വി​ൻ ആ​ശ​യം മു​ന്നോ​ട്ടു വെ​ച്ച​പ്പോ​ൾ വി​ത്തി​ട്ട്​ മു​ള​പ്പി​ക്കാ​ൻ മ​ല​യാ​ളി സ​ഹ​പ്ര​വ​ർ​ത്ത​ക​ർ ഒ​പ്പം ചേ​ർ​ന്നു. പി​ന്നീ​ടെ​ല്ലാം പെ​​ട്ടെ​ന്നാ​യി​രു​ന്നു. താ​മ​സ​സ്ഥ​ല​ത്തി​ന്​ പി​റ​കി​​​ലെ മ​രു​ഭൂ​മി ക​ണ്ണ​ട​ച്ച്​ തു​റ​ക്കും മു​മ്പ്​ പ​ച്ച മു​ള​പൊ​ട്ടി​യ കൃ​ഷി​ത്തോ​ട്ട​മാ​യി. ദി​വ​സ​ങ്ങ​ൾ പി​ന്നി​ടു​​മ്പോ​ഴേ​ക്കും വി​വി​ധ​യി​ന​ങ്ങ​ൾ ത​ഴ​ച്ചു​വ​ള​ർ​ന്നു.

ത​ക്കാ​ളി, വെ​ണ്ട, വ​ഴു​ത​ന​ങ്ങ, ക​പ്പ, പ​പ്പാ​യ, പാ​വ​യ്ക്ക, മ​ത്ത​ൻ, പ​യ​ർ, ചോ​ളം, മു​രി​ങ്ങ, ചു​ര​യ്ക്ക, മ​ധു​ര​ക്കി​ഴ​ങ്ങ് തു​ട​ങ്ങി വ്യ​ത്യ​സ്​​ത പ​ച്ച​ക്ക​റി​ക​ളും മ​റ്റും ഇ​വി​ടെ വ​ള​ർ​ത്തു​ന്നു. ഇ​ങ്ങ​നെ ഒ​രു ആ​ശ​യം ഉ​ട​ലെ​ടു​ത്ത​പ്പോ​ൾ പ്ര​ധാ​ന പ്ര​ശ്നം നാ​ട​ൻ വി​ത്തു​ക​ളു​ടെ അ​ഭാ​വ​മാ​യി​രു​ന്നെ​ന്ന്​ ജീ​വ​ന​ക്കാ​ർ പ​റ​യു​ന്നു.

നാ​ട്ടി​ൽ അ​വ​ധി​ക്ക്​ പോ​യി വ​രു​ന്ന​വ​ർ ആ​വ​ശ്യ​മാ​യ നാ​ട​ൻ വി​ത്തു​ക​ൾ എ​ത്തി​ക്കു​ക എ​ന്ന​താ​യി​രു​ന്നു അ​തി​നു​ ക​ണ്ടെ​ത്തി​യ പ​രി​ഹാ​രം. ചെ​റി​യ രീ​തി​യി​ൽ തു​ട​ങ്ങി​യ പ​ച്ച​ക്ക​റി​ത്തോ​ട്ടം ഏ​ക​ദേ​ശം അ​ര ഏ​ക്ക​റോ​ളം വ്യാ​പി​പ്പി​ക്കാ​ൻ സാ​ധി​ച്ച​തി​​ന്റെ സ​ന്തോ​ഷ​ത്തി​ലാ​ണ് ഇ​വ​ർ.

ഹാ​ഷിം പെ​രു​മ്പാ​വൂ​ർ, വി​നോ​ദ് ഇ​ട​പ്പ​ള്ളി, ആ​ന്റ​ണി തൃ​ശൂ​ർ, സി​ബി തി​രു​വ​ല്ല, പ്രി​ൻ​സ് കോ​ട്ട​യം, ഹ​രി കാ​യം​കു​ളം എ​ന്നി​വ​രാ​ണ് എ​ർ​വി​നൊ​പ്പം കൂ​ട്ടു​കൃ​ഷി​യി​ൽ പ​ങ്കു​ചേ​ർ​ന്ന മ​ല​യാ​ളി​ക​ൾ. ജോ​ലി ക​ഴി​ഞ്ഞു​ള്ള ഒ​ഴി​വു സ​മ​യ​ങ്ങ​ളി​ലും അ​വ​ധി ദി​വ​സ​ങ്ങ​ളി​ലു​മാ​ണ് കൃ​ഷി പ​രി​പാ​ല​നം.

ക​മ്പ​നി​യോ​ട് ചേ​ർ​ന്നു​കി​ട​ക്കു​ന്ന സ്വ​കാ​ര്യ വ്യ​ക്തി​യു​ടെ സ്ഥ​ല​ത്താ​ണ് കൃ​ഷി. ഇ​വി​ടെ വി​ള​യു​ന്ന ജൈ​വ പ​ച്ച​ക്ക​റി ജീ​വ​ന​ക്കാ​ർ അ​വ​രു​ടെ ഭ​ക്ഷ​ണ​ത്തി​നാ​യാ​ണ്​ എ​ടു​ത്തി​രു​ന്ന​ത്. എ​ന്നാ​ൽ ഈ ​ന​ല്ല​യി​നം പ​ച്ച​ക്ക​റി​ക​ളെ കു​റി​ച്ച്​ കേ​ട്ട​റി​ഞ്ഞ്​ ഇ​പ്പോ​ൾ പ്ര​ദേ​ശ​വാ​സി​ക​ളാ​യ സൗ​ദി പൗ​ര​ന്മാ​രും മ​റ്റ്​ രാ​ജ്യ​ക്കാ​രു​മെ​ല്ലാം സ​മീ​പി​ക്കു​ന്നു​ണ്ട്.

അ​ങ്ങ​നെ ചോ​ദി​ച്ച്​ വ​രു​ന്ന​വ​ർ​ക്ക്​ വി​ള​വെ​ടു​ത്ത പ​ച്ച​ക്ക​റി സൗ​ജ​ന്യ​മാ​യി ന​ൽ​കു​ന്നു. കൃ​ഷി​യോ​ട് താ​ൽ​പ​ര്യ​മു​ള്ള ആ​രു വ​ന്നാ​ലും വി​ത്തും സൗ​ജ​ന്യ​മാ​യി ന​ൽ​കാ​ൻ ത​യാ​റാ​ണെ​ന്നും ഇ​വ​ർ പ​റ​യു​ന്നു.

ഒ​ഴി​വു സ​മ​യ​ങ്ങ​ളി​ൽ വി​നോ​ദ​മാ​യി തു​ട​ങ്ങി​യ കൃ​ഷി വി​പു​ലീ​ക​രി​ക്കാ​നു​ള്ള ത​യാ​റെ​ടു​പ്പി​ലാ​ണ്​ ഇ​പ്പോ​ൾ. നി​ര​വ​ധി മ​ല​യാ​ളി​ക​ൾ ഇ​തി​ന​കം ഇ​വ​ർ​ക്ക് പി​ന്തു​ണ​യു​മാ​യി എ​ത്തി. അ​തു​കൊ​ണ്ട് ത​ന്നെ​യാ​ണ് ഈ ​പ​ച്ച​ക്ക​റി കൃ​ഷി കൂ​ടു​ത​ൽ ഭം​ഗി​യാ​യി മു​ന്നോ​ട്ടു കൊ​ണ്ടു​പോ​വാ​ൻ സാ​ധി​ക്കു​ന്ന​തെ​ന്നും ഇ​വ​ർ പ​റ​യു​ന്നു. സ​മീ​പ​ത്തെ റോ​ഡി​ലൂ​ടെ യാ​ത്ര ചെ​യ്യു​ന്ന​വ​ര്‍ക്ക് ഈ ​തോ​ട്ടം ന​ല്ലൊ​രു കാ​ഴ്​​ചാ​നു​ഭ​വ​വു​മാ​ണ്.

ചീ​ര, പ​ട​വ​ലം തു​ട​ങ്ങി​യ​വ​യും കൂ​ടി കൃ​ഷി ചെ​യ്യാ​നു​ള്ള തീ​രു​മാ​ന​ത്തി​ലാ​ണ്. ശാ​സ്ത്രീ​യ രീ​തി​യി​ല്‍, കീ​ട​നാ​ശി​നി​ക​ളൊ​ന്നും ഇ​ല്ലാ​തെ​യാ​ണ് പ​ച്ച​ക്ക​റി​ത്തോ​ട്ടം പ​രി​പാ​ലി​ക്കു​ന്ന​ത്. ആ​ദ്യ വി​ള​വെ​ടു​പ്പി​ൽ ത​ന്നെ നൂ​റു​മേ​നി വി​ള​ഞ്ഞ​താ​ണ്​ തു​ട​ർ​കൃ​ഷി​ക്ക്​ പ്ര​ചോ​ദ​ന​മാ​യ​ത്. ക​ട​ക​ളി​ല്‍ നി​ന്നും കി​ട്ടു​ന്ന പ​ച്ച​ക്ക​റി​ക​ള്‍ വി​ഷാം​ശം ഉ​ള്ള​താ​ണെ​ന്നും വ​ള​ര്‍ന്നു വ​രു​ന്ന ത​ല​മു​റ ഇ​തൊ​രു മാ​തൃ​ക​യാ​യി കാ​ണ​ണ​മെ​ന്നു​മാ​ണ്​ ഈ ‘​പ്ര​വാ​സി ക​ർ​ഷ​ക​ർ’​ക്ക്​ പ​റ​യാ​നു​ള്ള​ത്.