‘മക്ക മേഖലയുടെ പുനർനിർമാണം’: സമ്മേളനവും പ്രദർശനവും തുടങ്ങി

ജിദ്ദ: മക്ക മേഖല പുനർനിർമാണ പദ്ധതി സമ്മേളനവും ​പ്രദർശനവും ആരംഭിച്ചു. മക്ക വികസന അതോറിറ്റി മേഖല ഗവർണറേറ്റ്​ ധനകാര്യവകുപ്പുമായി സഹകരിച്ച്​ ജിദ്ദ ഹിൽട്ടൺ ഹോട്ടലിലാണ്​ പരിപാടി സംഘടിപ്പിച്ചിരിക്കുന്നത്​. മൂന്ന്​ ദിവസം നീണ്ടുനിൽക്കുന്ന സ​മ്മേളനത്തിൽ മേഖലയുടെ വികസന പദ്ധതികൾ സംബന്ധിച്ച ചർച്ചകൾ നടക്കും. ‘മക്കയുടെ പുനർനിർമാണം’ എന്ന തലക്കെട്ടിൽ നടന്ന ആദ്യ സെഷനിൽ ഹജ്ജ്​ ഉംറ സഹമന്ത്രി ഡോ. അബ്​ദുൽ ഫത്താഹ്​ മുശാത്​, മക്ക വികസന അതോറിറ്റി ജനറൽ സെക്രട്ടറി ഹിശാം ഫാലിഹ്​, ആസൂത്രണ, സാമ്പത്തിക ​മന്ത്രാലയ അണ്ടർസെ​​ക്രട്ടറി ഇബ്രാഹിം അൽബാബ്​ലി, മസ്​ജിദുൽഹറാം, മസ്​ജിദുന്നബവി പദ്ധതി സാ​േങ്കതിക സമിതി അധ്യക്ഷൻ ഡോ. ഫൈസൽ വഫാ എന്നിവർ പ​െങ്കടുത്തു.

​സമ്മേളനത്തിലും പ്രദർശനത്തിനും 25 ഒാളം സർക്കാർ​, സ്വകാര്യ സ്​ഥാപനങ്ങൾ പ​െങ്കടുക്കുന്നുണ്ട്​. ഒരോ സ്​ഥാപനങ്ങളുടെ പ്രധാന പദ്ധതികളും നടപ്പാക്കിയതും നിർമാണത്തിലുള്ളതുമായ പദ്ധതികളും  പരിചയപ്പെടുത്തും. വിഷൻ 2030 ലക്ഷ്യമിട്ട്​ മേഖലയുടെ വികസനത്തിനാവശ്യമായ പദ്ധതികൾ സംബന്ധിച്ച ചർച്ചയും സംവാദവും സമ്മേളനത്തിലുണ്ടാകും. വികസനത്തിൽ  ഗതാഗതത്തി​​െൻറ പങ്ക്​, ആ രംഗത്ത്​ നടപ്പാക്കേണ്ട പ്രധാന പദ്ധതികൾ എന്നിവ ചർച്ച ചെയ്യും. മേഖല ഗവർണർ അമീർ ഖാലിദ്​ അൽഫൈസൽ, മുനിസിപ്പൽ ഗ്രാമ കാര്യ മന്ത്രി ശൈഖ്​ സ്വാലിഹ്​ ആലു ശൈഖ്​, ധനകാര്യ മന്ത്രി മുഹമ്മദ്​ അൽജദ്​ആൻ​, ഹജ്ജ്​ ഉംറ മന്ത്രി ഡോ. മുഹമ്മദ്​ ബൻതൻ തുടങ്ങിയവർ സമ്മേളനത്തിൽ പ​െങ്കടുക്കും. കിങ്​ അബ്​ദുൽ അസീസ്​ അന്താരാഷ്​ട്ര വിമാനത്താവള പദ്ധതി, അൽഹറമൈൻ പദ്ധതി, ആരോഗ്യ മന്ത്രാലയങ്ങളുടെ പദ്ധതികൾ, ജബൽ ഉമർ പദ്ധതി, ഇരുഹറം വികസന പദ്ധതികളും അനുബന്ധ വികസനങ്ങളും, ത്വാഇഫ്​മേഖല വികസന പദ്ധതികൾ, പൊതുഗതാഗത പദ്ധതി, മക്ക വികസന പദ്ധതി, മക്ക കിങ്​ അബ്​ദുൽ അസീസ്​ റോഡ്​ വികസന പദ്ധതി, ജിദ്ദ മേഖല വികസന പദ്ധതി എന്നിവക്ക്​ പുറമെ സുരക്ഷ, സേവന മേഖലയിൽ നടപ്പാക്കിയ വിവിധ പദ്ധതികളും ഉൾപ്പെടുത്തിയാണ്​ പ്രദർശനം ഒരുക്കിയിരിക്കുന്നത്​.