സൂഖ്​ ഉക്കാദ്: ആംഡ്​ ഫോഴ്​സ്​  പവലിയനിൽ സന്ദർശകരുടെ തിരക്ക്

ത്വാഇഫ്​: 11ാമത്​ സൂഖ്​ ഉക്കാദ്​ മേളയോടനുബന്ധിച്ച്​  ആംഡ്​ ഫോഴ്​സ്​ ഒരുക്കിയ പവലിയനിൽ സന്ദർശകരുടെ തിരക്ക്​. ആയുധങ്ങളും ടാങ്കുകളും  സൈനിക ഉപകരണങ്ങളും വാഹനങ്ങളും പ്രദർശനത്തിൽ ഒരുക്കിയതായി  സൂപർവൈസർ റുഖ്​ബാഅ്​ ഖലിദ്​ ഇവാദ്​ പറഞ്ഞു. കര​​സേനയുടെ മൂന്ന്​ ടാങ്കുകൾ, വ്യാമ സേനയുടെ എഫ്​ ബി 5 വിമാനം, വിവിധ വലിപ്പത്തിലുള്ള ബോംബുകൾ, തോക്കുകൾ തുടങ്ങിയവ ഉൾക്കൊള്ളുന്നതാണ്​ പവലിയൻ. സന്ദർശകരെ ബോധവത്​കരിക്കാൻ ആംഡ്​ ഫോഴ്​സിനു കീഴിലെ ​മെഡിക്കൽ വിഭാഗവുമുണ്ട്​.   സൈനിക ഉപകരണങ്ങളുടെ മുകളിലും വിമാനത്തിനുള്ളിലും കയറാനും ഫോ​േട്ടാ എടുക്കാനും ആവശ്യമായ വിവരങ്ങൾ ചോദിച്ചറിയാനും സന്ദർശകർക്ക് അവസരം നൽകുന്നതായും പവലിയൻ സൂപർവൈസർ പറഞ്ഞു.