സൂഖ്​ ഉക്കാദ്​ മേളക്ക്​ ഇന്ന്​ തുടക്കമാവും

ത്വാഇഫ്​: 11ാമത്​ സൂഖ്​ ഉക്കാദ്​ മേളക്ക്​ ഇന്ന്​ തുടക്കമാവും. പത്ത്​ ദിവസം നീളുന്ന മേളയിൽ രാജ്യത്തിനകത്തും പുറത്തുമുള്ള സാഹിത്യ സാംസ്​കാരിക രംഗത്തെ പ്രമുഖർ പ​െങ്കടുക്കും. മേളയുടെ മേൽനോട്ടം ടൂറിസം പുരാവസ്​തു വകുപ്പിനെ​ ഏൽപിച്ചു സൗദി ഭരണാധികാരി സൽമാൻ രാജാവ്​ കൽപന പുറപ്പെടുവിച്ച ശേഷമുള്ള ആദ്യമേളയാണിത്.​ മക്ക മേഖല ഗവർണറേറ്റ്​, ത്വാഇഫ്​ എന്നിവയുമായി സഹകരിച്ചാണ്​ മേളക്കുള്ള ഒരുക്കങ്ങൾ പൂർത്തിയാക്കിയിരിക്കുന്നത്​. 
സൗദി അറേബ്യയിലെ ഏറ്റവും വലിയ സാംസ്​കാരിക മേളകളിലൊന്നാണ്​ സൂഖ്​ ഉക്കാദ്​ മേള. ത്വാഇഫിന്​ കിഴക്ക്​ സ്​ഥിതിചെയ്യുന്ന ഇർഫാഅ്​​ലെ ഉക്കാദ്​ ആസ്​ഥാനത്ത്​  വിപുലമായ ഒരുക്കങ്ങളാണ്​ ഇത്തവണയും സംഘാടകർ പൂർത്തിയാക്കിയിരിക്കുന്നത്​.

പ്രമുഖ സാംസ്​കാരിക, സാഹിത്യ നായകന്മാരുടെ  സംഗമത്തിനും വൈവിധ്യമാർന്ന സാംസ്​കാരിക, പൈതൃക കലാപരിപാടികൾക്കും പ്രദർശനത്തിനും മൽസരങ്ങൾക്കും സൂഖ്​​ ഉക്കാദ്​ വേദിയാവും.  കലാസാംസ്​കാരിക വിനോദ ​പരിപാടികളും പ്രദർശനങ്ങളും പരമ്പരാഗത കലാ കായിക മൽസരങ്ങളും പ്രകടനങ്ങളും സമ്മേളനങ്ങളും ശിൽപശാലകളും ടൂറുകളുമെല്ലാമായി നൂറിലധികം പരിപാടികൾ ഇത്തവണ മേള​​​​യിൽ അരങ്ങേറും. 
മേളയോടൊപ്പം സൂഖ്​  ഉക്കാദ്​ സുസ്​ഥിര വികസനത്തിന്​ സാക്ഷ്യം വഹിച്ചു കൊണ്ടിരിക്കുകയാണെന്ന്​ ടൂറിസം വകുപ്പ്​ മേധാവി അമീർ സുൽത്താൻ ബിൻ സൽമാൻ നേരത്തെ വ്യക്​തമാക്കിയിരുന്നു. സ്​ഥിരം ടൂറിസം പട്ടണം എന്ന നലയിൽ സൂഖ്​ ഉക്കാദിനെ വികസിപ്പിക്കുന്നതാണ്​ പദ്ധതി. മേഖല അമീർ ഖാലിദ്​ അൽഫൈസൽ നടത്തിയ ശ്രമങ്ങളുടെ പൂർത്തീകരണമാണിത്​.  

മക്ക മേഖല ഗവർണറേറ്റ്​, ത്വാഇഫ്​ ഗവർണറേറ്റ്​, ത്വാഇഫ്​ മുനിസിപ്പാലിറ്റി, ത്വാഇഫ്​ യൂനിവേഴ്​സിറ്റി, വാർത്താ സാംസ്​കാരിക മന്ത്രാലയം, ദാറത്​ കിങ്​ അബ്​ദുൽ അസീസ്​, ത്വാഇഫ്​ സാഹിത്യ ക്​ളബ്​,  സൗദി ആർട്ട്​ ആൻറ്​ കൾച്ചറൽ സൊസൈറ്റി, ഗതാഗതം ,ആരോഗ്യം, കൃഷി വകുപ്പ്​ ബ്രാഞ്ച്​ ഒാഫീസുകൾ, ​സാ​േങ്കതിക പരി​ശീലന സ്​ഥാപനം, സൗദി ഇലക്​ട്രിസിറ്റി കമ്പനി എന്നീ പങ്കാളികൾ മേളക്കു വേണ്ടി നടത്തികൊണ്ടിരിക്കുന്ന ശ്രമങ്ങൾക്ക്​ ടൂറിസം മേധാവി നന്ദി രേഖപ്പെടുത്തി.