സംഘ്പരിവാർ അജണ്ട കേരളത്തിൽ വിലപ്പോവില്ല -എ. വിജയരാഘവൻ

റിയാദ്: രാജ്യത്തി​െൻറ മതനിരപേക്ഷ മനസിനെ മുറിവേൽപ്പിച്ച് ആസൂത്രിതമായി അരാജകത്വം സൃഷ്​ടിക്കാനുള്ള ആർ.എസ്.​എസി​​െൻറയും സംഘ്പരിവാറി​െൻറയും ശ്രമങ്ങൾ കേരളത്തിൽ വിലപ്പോവില്ലെന്ന്​ മുൻ ലോക്​സഭാംഗവും സി.പി.എം കേന്ദ്ര കമ്മിറ്റി അംഗവുമായ എ. വിജയരാഘവൻ. റിയാദിൽ കേളി കലാ സാംസ്​കാരിക വേദി ഒമ്പതാം കേന്ദ്ര സമ്മേളനവും പൊതുസമ്മേളനവും ഉദ്​ഘാടനം ചെയ്തു സംസാരിക്കുകയായിരുന്നു അദ്ദേഹം. 
ഇൗ ശ്രമങ്ങളെ എതിർത്തു തോൽപ്പിക്കാൻ ഇടതുപക്ഷം പ്രതിജ്ഞാബദ്ധമാണ്​. അധികാരത്തി​െൻറയും പണക്കോഴുപ്പി​െൻറയും ഗർവ്വിൽ സഹനത്തി​െൻറയും സംയമനത്തി​െൻറയും അതിർവരമ്പുകൾ ലംഘിച്ചുകൊണ്ടുള്ളതാണ്​ സംഘ്പരിവാർ ഭീഷണി. എന്നാൽ അത്​ കേരളത്തിൽ നടപ്പില്ല. 

മനുഷ്യനെ ഒന്നിക്കുന്നതിനെ തടയുന്ന ശക്തികളെ എന്ത്​ വിലകൊടുത്തും എതിർക്കുക എന്നതാണ് ഈ കാലഘട്ടത്തിൽ അനിവാര്യമായിട്ടുള്ളത്. ഇടതുപക്ഷത്തെ സംബന്ധിച്ചും പ്രത്യേകിച്ച്​ സി.പി.എമ്മിനെ സംബന്ധിച്ചും ഈ കാര്യത്തിൽ ഒരു വിട്ടുവീഴ്​ച്ചക്കും തയാറല്ല. സാധാരണ ജനങ്ങളെ, പ്രത്യേകിച്ച് മതന്യൂനപക്ഷങ്ങളെയും ദലിത് വിഭാഗങ്ങളേയും ഭീഷണിപ്പെടുത്തി വരുതിയിലാക്കാനുള്ള നീക്കങ്ങളെ എന്ത്​ വിലകൊടുത്തും പ്രതിരോധിക്കാനും എതിർത്തു തോൽപിക്കാനും കേരളത്തി​െൻറ ഇടതുപക്ഷ മനസും പിണറായി വിജയ​​െൻറ നേതൃത്വത്തിലുള്ള ഇടതുപക്ഷ സർക്കാർ പ്രതിജ്ഞാബദ്ധമാണെന്നും വിജയരാഘവൻ കൂട്ടിച്ചേർത്തു. കഴിഞ്ഞ രണ്ടുദിവസങ്ങളിലായി  വി.വി ദക്ഷിണാമൂർത്തി നഗറിൽ നടന്ന സമ്മേളനത്തിൽ പ്രസിഡൻറ് മുഹമ്മദ്​ ക​ുഞ്ഞ്​ വള്ളികുന്നം അധ്യക്ഷത വഹിച്ചു. സംഘാടക സമിതി ചെയർമാൻ മെഹ്​റൂഫ് പൊന്ന്യം ആമുഖ പ്രസംഗം നടത്തി.

ഷമീർ കുന്നുമ്മൽ രകതസാക്ഷി പ്രമേയവും സുധാകരൻ കല്ല്യാശ്ശേരി അശോചന പ്രമേയവും അവതരിപ്പിച്ചു. കൺവീനർ ദയാനന്ദൻ ഹരിപ്പാട് സ്വാഗതം പറഞ്ഞു. വി.കെ റഉൗഫ് (ജിദ്ദ നവോദയ), ജോർജ്ജ് വർഗ്ഗീസ്​ (ദമ്മാം നവോദയ), പ്രദീപ്, ഫൈസൽ നിലമേൽ, മാത്യു തോമസ്​ (മാസ്​ തബുക്ക്​), സക്കീർ താമരത്ത് (അറാർ പ്രവാസി സംഘം), സുരേഷ് (അസീർ പ്രവാസി സംഘം), ഷാനവാസ്​ (നജ്​റാൻ പ്രതിഭ), വെന്നിയുർ ദേവൻ (ജീസാൻ ജല), സുരേഷ് (വാദി ദവാസിർ കൈരളി), അബുബക്കർ, ഷാജി (ഖസീം പ്രവാസി സംഘം) എന്നിവർ സംസാരിച്ചു.