മ​ഞ്ഞ​പ്പി​ത്തം ബാ​ധി​ച്ചയാൾക്ക് തു​ണ​യാ​യി എ​റ​ണാ​കു​ളം അ​സോ​സി​യേ​ഷ​ൻ

റി​യാ​ദ്: മ​ഞ്ഞ​പ്പി​ത്തം മൂ​ർച്ഛിച്ച് ചി​കി​ത്സ​ക്ക് വ​ഴി​യി​ല്ലാ​തെ ദു​രി​ത​ത്തി​ലാ​യ യു​വാ​വി​നെ റി​യാ​ദി​ലെ എ​റ​ണാ​കു​ളം പ്ര​വാ​സി അ​സോ​സി​യേ​ഷ​ൻ മു​ൻ​കൈയെടു​ത്ത്​ നാ​ട്ടി​ല​യ​ച്ചു. ഇ​ഖാ​മ​യു​ടെ​യും ഇ​ൻ​ഷു​റ​ൻ​സി​​ന്റെ​യും കാ​ലാ​വ​ധി ക​ഴി​ഞ്ഞ​തി​നാ​ൽ ആ​ശു​പ​ത്രി​ക​ളി​ൽ ചി​കി​ത്സ തേ​ടാ​ൻ ക​ഴി​യാ​തെ മാ​സ​ങ്ങ​ളാ​യി വ​ഴി​മു​ട്ടി​യ അ​വ​സ്ഥ​യി​ലാ​യി​രു​ന്നു അ​ങ്ക​മാ​ലി സ്വ​ദേ​ശി​യാ​യ യു​വാ​വ്.

ഇ​ത​റി​ഞ്ഞ്​ എ​റ​ണാ​കു​ളം പ്ര​വാ​സി അ​സോ​സി​യേ​ഷ​ൻ സ​ഹാ​യി​ക്കാ​ൻ മു​ന്നോ​ട്ട്​ വ​രു​ക​യാ​യി​രു​ന്നു. പ്ര​വ​ർ​ത്ത​ക​രാ​യ അ​ലി ആ​ലു​വ, ജി​ബി​ൻ സ​മ​ദ് കൊ​ച്ചി, സ​ലാം പെ​രു​മ്പാ​വൂ​ർ, നൗ​ഷാ​ദ് ആ​ലു​വ, നി​ഷാ​ദ് ചെ​റു​വ​ട്ടൂ​ർ, ജൂ​ബി ലൂ​ക്കോ​സ്, ഡൊ​മി​നി​ക് സാ​വി​യോ, മാ​ത്യൂ​സ് ശു​മൈ​സി തു​ട​ങ്ങി​യ​വ​രു​ടെ ശ്ര​മ​ഫ​ല​മാ​യി ശു​മൈ​സി​യി​ലെ കി​ങ്​ സ​ഊ​ദ് മെ​ഡി​ക്ക​ൽ സി​റ്റി ആ​ശു​പ​ത്രി​യി​ൽ ചി​കി​ത്സ​ക്കു​ള്ള സൗ​ക​ര്യം ഏ​ർ​പ്പെ​ടു​ത്തി. അ​വി​ടെ പ്ര​വേ​ശി​പ്പി​ച്ച്​ ഒ​രു മാ​സ​ത്തോ​ളം ചി​കി​ത്സ ന​ൽ​കി.

ഇ​ഖാ​മ​യും ഇ​ൻ​ഷു​റ​ൻ​സും കാ​ലാ​വ​ധി ക​ഴി​ഞ്ഞ​ത്​ മി​ക​ച്ച ചി​കി​ത്സ ല​ഭി​ക്കു​ന്ന​തി​ന്​ ത​ട​സ​മാ​യ​പ്പോ​ൾ സാ​മൂ​ഹി​ക പ്ര​വ​ർ​ത്ത​ക​ൻ ശി​ഹാ​ബ് കൊ​ട്ടു​കാ​ടി​​ന്റെ നേ​തൃ​ത്വ​ത്തി​ൽ ന​ട​ത്തി​യ ഇ​ട​പെ​ട​ൽ തു​ണ​യാ​യി. ഇ​ന്ത്യ​ൻ എം​ബ​സി ഉ​ദ്യോ​ഗ​സ്ഥ​രു​ടെ സ​ഹാ​യ​​ത്തോ​ടെ നാ​ട്ടി​ലേ​ക്കു​ള്ള യാ​ത്രാ​ന​ട​പ​ടി​ക്ര​മ​ങ്ങ​ൾ പൂ​ർ​ത്തീ​ക​രി​ക്കു​ക​യും നാ​ട്ടി​ലെ​ത്തി​ക്കു​ക​യും ചെ​യ്​​തു. റി​യാ​ദ് ഹെ​ൽ​പ് ഡെ​സ്ക് പ്ര​വ​ർ​ത്ത​ക​രു​ടെ​യും സ​ഹാ​യം ല​ഭി​ച്ചു. ഒ.​ഐ.​സി.​സി എ​റ​ണാ​കു​ളം ജി​ല്ലാ​ക​മ്മി​റ്റി രോ​ഗി​ക്കും കൂ​ടെ പോ​കു​ന്ന​യാ​ൾ​ക്കു​മു​ള്ള വി​മാ​ന ടി​ക്ക​റ്റു​ക​ൾ ന​ൽ​കി.