അഴിമതി നിർമാർജന നടപടി: വീണ്ടെടുക്കുന്നത്​  100 ശതകോടി ഡോളർ -അമീർ മുഹമ്മദ്​ 

റിയാദ്​: അഴിമതി നിർമാർജന നടപടി ആരംഭിച്ചത്​ മുകൾത്തട്ടിൽ നിന്നാണെന്നും ഇതല്ലാതെ മാർഗമില്ലെന്നും സൗദി കിരീടാവകാശി അമീർ മുഹമ്മദ്​ ബിൻ സൽമാൻ. ഇതുവഴി 100 ശതകോടി ഡോളറെങ്കിലും തിരിച്ചുപിടിക്കാനാകു​െമന്നാണ്​ കണക്കുകൂട്ടലെന്നും ന്യൂയോർക്ക്​ ടൈംസിന്​ നൽകിയ അഭിമുഖത്തിൽ അദ്ദേഹം പറഞ്ഞു. ലോകപ്രശസ്​ത മാധ്യമപ്രവർത്തകനും പശ്​ചിമേഷ്യൻ വിദഗ്​ധനുമായ തോമസ്​ ​​ഫ്രീഡ്​മാനാണ്​ അമീർ മുഹമ്മദി​​​​െൻറ റിയാദിലെ ഒൗദ്യോഗിക വസതിയിൽ നാലുമണിക്കൂർ നീണ്ട അഭിമുഖം നടത്തിയത്​.  അഴിമതി മുകൾത്തട്ടുമുതൽ താഴെവരെ ബാധിച്ചിരിക്കുകയാണ്​. കഴിഞ്ഞകാലങ്ങളിൽ അഴിമതിക്കെതിരെ പല നടപടികളും രാജ്യം സ്വീകരിച്ചെങ്കിലും എല്ലാം പരാജയപ്പെട്ടു.

കാരണം അവയൊക്കെ താഴെ തട്ടിൽ നിന്നാണ്​ തുടങ്ങിയത്​ ^അമീർ മുഹമ്മദ്​ ചൂണ്ടിക്കാട്ടി.  ഇത്രയും കൊടിയ അഴിമതിയുമായി ജി^20 നിലവാരത്തിലുള്ള പുരോഗതി കൈവരിക്കാനാകില്ല. 2015 തുടക്കത്തിൽ സൽമാൻ രാജാവി​​​​െൻറ ആദ്യ തീരുമാനങ്ങളിലൊന്ന്​ തന്നെ അഴിമതിയുടെ മുഴുവൻ കണക്കുകളും ശേഖരിക്കാൻ ഒരു സമിതിയോട്​ ആവശ്യപ്പെട്ടതായിരുന്നു. അതും മുകൾത്തട്ടിൽ നിന്ന്​. രണ്ടുവർഷം കൊണ്ട്​ സൂക്ഷ്​മവും വ്യക്​തവുമായ വിവരങ്ങൾ ഇൗ സംഘം ശേഖരിച്ചു.  200 ഒാളം വ്യക്​തികളെയാണ്​ അവർ ചൂണ്ടിക്കാട്ടിയത്​. മുഴുവൻ ഒരുക്കങ്ങളും പൂർത്തിയായപ്പോൾ പബ്ലിക്​ പ്രോസിക്യൂട്ടർ സഉൗദ്​ അൽ മുജീബ്​ നടപടി തുടങ്ങി. അറസ്​റ്റിലായ ​ശതകോടീശ്വരൻമാർക്കും അമീറുമാർക്കും തെരഞ്ഞെടുക്കാൻ രണ്ടു സാധ്യതകൾ നൽകി.  മുഴുവൻ ഫയലുകളും വിശദാംശങ്ങളും കണ്ടതോടെ 95 ശതമാനം പേരും ഒത്തുതീർപ്പിന്​ സന്നദ്ധമായി.

ഒത്തുതീർപ്പ്​ വഴി എത്ര മാത്രം തുകയാണ്​ വീണ്ടെടുക്കുന്നത്​ എന്ന ചോദ്യത്തിന്​ പബ്ലിക്​ പ്രോസിക്യൂട്ടറുടെ കണക്കുകൾ പ്രകാരം ഏതാണ്ട്​ നൂറുശതകോടി ഡോളർ വരുമെന്നായിരുന്നു അമീർ മുഹമ്മദി​​​​െൻറ​ മറുപടി. ഒരുശതമാനത്തിന്​ തങ്ങളു​െട നിരപരാധിത്വം തെളിയിക്കാനായി. അവരുടെ കേസ്​ അപ്പോൾ തന്നെ ഉപേക്ഷിച്ചു. നാലുശതമാനം തങ്ങൾ അഴിമതിക്കാരല്ലെന്നും കോടതിയിൽ നേരിടുമെന്നും വ്യക്​തമാക്കി. സൗദി നിയമപ്രകാരം പബ്ലിക്​ പ്രോസിക്യൂട്ടർ സ്വതന്ത്ര പദവിയാണ്​. അദ്ദേഹത്തി​​​​െൻറ ജോലിയിൽ നമുക്ക്​ ഇടപെടാനാകില്ല. ഇൗ നടപടിക്കിടെ ഒരു വ്യവസായവും പാപ്പരായി പോകാതിരിക്കാനുള്ള മുൻകരുതൽ സ്വീകരിക്കുന്നുമുണ്ട്​.  ‘അഴിമതിക്കാർക്ക്​ ഒരിക്കലും രക്ഷപ്പെടാനാവില്ല’ എന്ന സന്ദേശമാണ്​ ഇപ്പോൾ നൽകപ്പെട്ടത്​. അതി​​​​െൻറ ഗുണങ്ങൾ കണ്ടുതുടങ്ങിയിരിക്കുന്നു. സാമൂഹികമാധ്യമങ്ങളിൽ പ്രചരിക്കുന്ന ഒരുസന്ദേശം തന്നെ ഉദാഹരണം: ‘ഞാനെ​​​​െൻറ ഇടനിലക്കാര​നെ വിളിച്ചു. പക്ഷേ, അയാൾ പ്രതികരിക്കുന്നില്ല’. ^ അദ്ദേഹം പറഞ്ഞു. 

മതവിഷയങ്ങളിൽ അമീർ മുഹമ്മദ്​ അടുത്തിടെ നടത്തിയ പരാമർശങ്ങളെ കുറിച്ചും അഭിമുഖത്തിൽ ചോദ്യങ്ങളുണ്ടായി. അക്കാര്യത്തിൽ അദ്ദേഹം പൂർണമായ വ്യക്​തത വരുത്തി: ഇസ്​ലാമിനെ ഞങ്ങൾ പുനർവ്യാഖ്യാനിക്കുന്നുവെന്ന്​ എഴുതരുത്​. ഇസ്​ലാമിനെ അതി​​​​െൻറ തനതുമൂല്യങ്ങളിൽ പുനഃസ്​ഥാപിക്കുകയാണ്​ ചെയ്യുന്നത്​. അതിനുള്ള പ്രധാന ഉപകരണങ്ങൾ പ്രവാചകചര്യയും 1979 ന്​ മുമ്പുളള സൗദിയുടെ സാമൂഹികജീവിതവുമാണ്​.  ​പ്രവാചക​​​​െൻറ കാലത്ത്​ സംഗീത നാടകശാലകളുണ്ടായിരുന്നു. അവിടെ പുരുഷൻമാരും സ്​ത്രീകളും പോയിരുന്നു. ക്രിസ്​ത്യാനികൾക്കും യഹൂദർക്കും അവിടെ ബഹുമാനം ലഭിച്ചിരുന്നു. മദീനയിലെ ആദ്യ വ്യാവസായിക ജഡ്​ജ്​ തന്നെ വനിതയായിരുന്നു.’ ^അ​മീർ മുഹമ്മദ്​ തുടർന്നു.