മായം കലർത്തിയ എൻജിൻ ഒായിൽ പിടികൂടി

റിയാദ്​: മായം കലർന്നതും സൗദി സ്​റ്റാ​േൻറർഡ്​ ഒാർഗനൈസേഷ​​​െൻറ അംഗീകാരമില്ലാത്തതുമായ എൻജിൻ ഒായിൽ പിടികൂടി. ​വാണിജ്യ, നിക്ഷേപ കാര്യമന്ത്രാലയം റിയാദിലും പരിസരപ്രദേശങ്ങളിലും വെള്ളിയാഴ്​ച നടത്തിയ പരിശോധനയിലാണ്​ ഗുണനിലവാരമില്ലാത്ത 48,000 കാൻ ഒായിൽ കണ്ടെത്തിയത്​. ഇവ സൂക്ഷിച്ച വെയർഹൗസുകളും അസംബ്ലി കേന്ദ്രങ്ങളും അടച്ചുപൂട്ടുകയും ഉത്തരവാദികൾക്കെതിരെ കേസെടുക്കുകയും ചെയ്​തു. മന്ത്രാലയത്തിന്​ കീഴിലുള്ള പ്രത്യേക അന്വേഷണ സംഘം മറ്റ്​ സുരക്ഷാവിഭാഗങ്ങളുടെ സഹായത്തോടെ റിയാദ്​ നഗരത്തി​​​െൻറ വിവിധ ഭാഗങ്ങളിലും അൽഖർജ്​ ഗവർണ​േററ്റി​​​െൻറ ഭൂപരിധിയിലും പരിശോധന നടത്തിയപ്പോൾ വാഹനങ്ങളുടെ വിവിധതരം ഒായിലുകൾ നിർമിക്കുന്ന​ യൂനിറ്റുകൾ, വെയർഹൗസുകൾ, വിൽപനകേന്ദ്രങ്ങൾ എന്നിവിടങ്ങളിൽ നിരവധി അനധികൃത നടപടികളും ക്രമക്കേടുകളും വ്യാജ ഉൽപന്നങ്ങളുമാണ്​ കണ്ടെത്തിയതെന്ന്​ മന്ത്രാലയം വാർത്താക്കുറിപ്പിൽ വിശദീകരിച്ചു.

എൻജിൻ ഒായിലിന്​ പുറമെ 21,000 ബോട്ടിൽ റേഡിയേറ്റർ ഒായിലും ബ്രേക്ക്​ ഒായിൽ നിർമിക്കാൻ സൂക്ഷിച്ച 1,200 അസംസ്​കൃത ഒായിലും വിൽപനക്ക്​ തയാറാക്കി പാക്ക്​ ചെയ്​തുവെച്ച 1,000 ലിറ്റർ ബ്രേക്ക്​ ഒായിലും പരിശോധനയിൽ പിടികൂടി. നിർമാണത്തിൽ മായം കലർത്തുന്നതും സൗദി സ്​റ്റാ​േൻറർഡ്​ ഒാർഗനൈസേഷ​​​െൻറ അംഗീകാരമില്ലാത്തതും വ്യാജവുമായ ഉൽപന്നങ്ങൾ ​സൂക്ഷിക്കുന്നതും വിൽപന നടത്തുന്നതും മൂന്നുവർഷം വരെ തടവും 10 ലക്ഷം റിയാൽ വരെ സാമ്പത്തിക പിഴയും ശിക്ഷയായി ലഭിക്കുന്ന ഗുരുതര കുറ്റകൃത്യമാണെന്ന്​ ഒൗദ്യോഗിക വൃത്തങ്ങൾ വ്യക്​തമാക്കി. കുറ്റം ചെയ്യുന്നവർ വിദേശികളാണെങ്കിൽ ശിക്ഷക്ക്​ ശേഷം നാടുകടത്തും. സ്വദേശികളാണെങ്കിൽ വ്യാപാര ഇടപാടുകൾ തുടരാൻ അനുവദിക്കില്ല.