യ​മ​ൻ യു​ദ്ധം അവസാനിപ്പിക്കൽ; പുതിയ ശ്ര​മ​ങ്ങ​ളെ പി​ന്തു​ണ​ച്ച് ജി.​സി.​സി

റി​യാ​ദ്​: യ​മ​ൻ യു​ദ്ധം അ​വ​സാ​നി​പ്പി​ക്കാ​നു​ള്ള പു​തി​യ ശ്ര​മ​ങ്ങ​ളെ പി​ന്തു​ണ​ച്ച് ഗ​ൾ​ഫ് സ​ഹ​ക​ര​ണ കൗ​ൺ​സി​ൽ (ജി.​സി.​സി). റി​യാ​ദി​ൽ ന​ട​ന്ന കൗ​ൺ​സി​ലി​ന്‍റെ 151-ാമ​ത് സെ​ഷ​നി​ൽ പ​ങ്കെ​ടു​ത്ത അം​ഗ രാ​ജ്യ​ങ്ങ​ളി​ലെ വി​ദേ​ശ​കാ​ര്യ​മ​ന്ത്രി​മാ​ർ പു​തു​താ​യി രൂ​പ​വ​ത്​​ക​രി​ച്ച യ​മ​ൻ പ്ര​സി​ഡ​ൻ​ഷ്യ​ൽ കൗ​ൺ​സി​ലി​ന്‍റെ നീ​ക്ക​ങ്ങ​ളെ​യും സ്വാ​ഗ​തം ചെ​യ്തു.

സൗ​ദി വി​ദേ​ശ​കാ​ര്യ മ​ന്ത്രി അ​മീ​ർ ഫൈ​സ​ൽ ബി​ൻ ഫ​ർ​ഹാ​ന്‍റെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ൽ ജി.​സി.​സി സെ​ക്ര​ട്ട​റി ജ​ന​റ​ൽ ഡോ. ​നാ​യി​ഫ് ബി​ൻ ഫ​ലാ​ഹ് അ​ൽ ഹ​ജ്‌​റ​ഫും പ​ങ്കെ​ടു​ത്തു.

യ​മ​നി​ലെ വി​വി​ധ വി​ഭാ​ഗ​ങ്ങ​ൾ ത​മ്മി​ൽ കൂ​ടി​യാ​ലോ​ച​ന​ക​ൾ ന​ട​ത്തി​യ​ത് അ​വ​രു​ടെ രാ​ജ്യ​ത്തെ സ​മാ​ധാ​ന​ത്തി​ലേ​ക്ക് എ​ത്തി​ക്കു​മെ​ന്ന് പ്ര​മു​ഖ സൗ​ദി രാ​ഷ്ട്രീ​യ​കാ​ര്യ വി​ദ​ഗ്​​ധ​ൻ മു​ബാ​റ​ക് അ​ൽ-​അ​തി പ​റ​ഞ്ഞു. ആ​ശ​ങ്ക​ജ​ന​ക​മാ​യ വി​ഷ​യ​ങ്ങ​ളി​ൽ ഏ​കീ​കൃ​ത നി​ല​പാ​ട് സ്വീ​ക​രി​ക്കു​ന്ന​തി​ലൂ​ടെ ലോ​ക​രാ​ജ്യ​ങ്ങ​ൾ​ക്കു​മു​ന്നി​ൽ ശ​ക്ത​മാ​യ ഗ​ൾ​ഫ് ശ​ബ്ദം കേ​ൾ​പ്പി​ക്കു​ന്ന ഒ​രു വേ​ദി​യാ​കാ​ൻ ജി.​സി.​സി​ക്ക് ക​ഴി​ഞ്ഞി​ട്ടു​ണ്ടെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു.

ഇ​ക്ക​ഴി​ഞ്ഞ ചൊ​വ്വാ​ഴ്ച​യാ​ണ്​ യ​മ​ൻ പ്ര​സി​ഡ​ന്‍റ്​ അ​ബ്​​ദു​റ​ബ്​ മ​ൻ​സൂ​ർ ഹാ​ദി അ​ധി​കാ​രം പു​തു​താ​യി രൂ​പ​വ​ത്​​ക​രി​ച്ച പ്ര​സി​ഡ​ൻ​ഷ്യ​ൽ ലീ​ഡ​ർ​ഷി​പ്​ കൗ​ൺ​സി​ലി​ന്​ കൈ​മാ​റി​യ​ത്.

മു​ൻ ഉ​പ​പ്ര​ധാ​ന​മ​ന്ത്രി​യും ആ​ഭ്യ​ന്ത​ര മ​ന്ത്രി​യു​മാ​യ റ​ഷാ​ദ് അ​ൽ ആ​ലി​മി​യു​ടെ നേ​തൃ​ത്വ​ത്തി​ലു​ള്ള എ​ട്ടം​ഗ കൗ​ൺ​സി​ൽ രാ​ജ്യ​ത്തി​ന്‍റെ ഭ​ര​ണ​ച്ചു​മ​ത​ല ഏ​റ്റെ​ടു​ക്കു​ക​യും ചെ​യ്തു.

രാ​ഷ്ട്രീ​യ, സൈ​നി​ക, സു​ര​ക്ഷ പ​ര​മാ​യി രാ​ജ്യ​ത്തെ നി​യ​ന്ത്രി​ക്കാ​നു​ള്ള അ​ധി​കാ​ര​മാ​ണ്​ കൗ​ണ്‍സി​ലി​നു​ള്ള​ത്.

ഈ ​നീ​ക്ക​ത്തെ പി​ന്തു​ണ​ച്ച സൗ​ദി അ​റേ​ബ്യ 300 കോ​ടി ഡോ​ള​റി​ന്‍റെ അ​ടി​യ​ന്ത​ര സ​ഹാ​യം പ്ര​ഖ്യാ​പി​ക്കു​ക​യും വി​മ​ത​രാ​യ ഹൂ​തി​ക​ളു​മാ​യി സ​ന്ധി​സം​ഭാ​ഷ​ണം ന​ട​ത്താ​ൻ കൗ​ൺ​സി​ലി​നോ​ട്​ നി​ർ​ദേ​ശി​ക്കു​ക​യും ചെ​യ്തി​രു​

ന്നു.