ശുചീകരണ തൊഴിലാളികൾക്ക്​  വിനോദദിനം

ത്വാഇഫ്​: ശുചീകരണ തൊഴിലാളികൾക്ക്​ വിനോദ ദിനമൊരുക്കി ത്വാഇഫ്​ മുനിസിപ്പാലിറ്റി മാതൃകയായി. അൽഹയ്യ്​ ക്ലബും സന്നദ്ധ സേവന അസോസിയേഷനുമായി സഹകരിച്ചാണ്​ വിനോദ ദിനമൊരുക്കിയത്​. പരിപാടിയിൽ ത്വാഇഫ്​ മേയർ എൻജിനീയർ മുഹമ്മദ്​ ബിൻ ഹമീൽ സന്നിഹിതനായിരുന്നു. മുനിസിപ്പാലിറ്റിക്ക്​ കീഴിലെ ശുചീകരണ തൊഴിലാളികളെ ആദരിക്കുകയും അവരുടെ സേവനങ്ങൾക്ക്​ നന്ദി പറയുകയും ലക്ഷ്യമിട്ടാണ്​ പരിപാടി സംഘടിപ്പിച്ചത്​. സംഘമായി തിരിച്ചു വിവിധ മത്സര പരിപാടികളും അരങ്ങേറി. തൊഴിലാളികൾക്ക്​ മേയർ ഉപഹാരങ്ങൾ നൽകുകയും നന്ദി രേഖപ്പെടുത്തുകയും ചെയ്​തു.