ചെറിയ കുടിശ്ശികക്ക്​ വൈദ്യുതിവകുപ്പ്​ ‘ഫ്യൂസ്​ ഉൗരില്ല’

ജിദ്ദ: ചെറിയ തുകയടക്കാനുള്ളതി​​​െൻറ പേരിൽ സൗദിയിൽ ഇനി വൈദ്യതി വകുപ്പ്​ ‘ഫ്യൂസ്​ ഉൗരില്ല’. ആറായിരം റിയാൽ വരെ കുടിശ്ശിക വരുത്തുന്നവരുടെ വൈദ്യുതി ബന്ധം വിഛേദിച്ചാൽ മതിയെന്നാണ്​ പുതിയ തീരുമാനം. ഇതു സംബന്ധിച്ച് സൗദി ഇലക്ട്രിസിറ്റി കമ്പനിക്ക് വൈദ്യുതി റെഗുലേറ്ററി അതോറിറ്റി നിർദേശം നല്‍കി.
ഇതുവരെ കണക്​ഷൻ വിഛേദിക്കുന്നതിനുള്ള ബിൽ പരിധി 400 റിയാലായിരുന്നു. അതേസമയം, ബിൽ അടക്കാത്തവർക്കുള്ള വൈദ്യുതി കണക്​ഷൻ വിഛേദിക്കുന്നതിനുള്ള സമയ പരിധി ആറു മാസത്തിൽ നിന്ന് മൂന്നു മാസമായി കുറച്ചു. വൈദ്യുതി മീറ്റർ കൃത്യമായല്ല പ്രവർത്തിക്കുന്നതെന്നും ഉപഭോഗം കണക്കാക്കുന്നതിൽ പിഴവുകളുണ്ടെന്നും കണ്ടെത്തിയാൽ നിശ്ചിത സമയത്തിനകം അറിയിച്ച് മാറ്റി വാങ്ങണം. ബില്ലുകളിലെ പിഴവുകൾ മുൻകാല പ്രാബല്യത്തോടെ തിരുത്തലും നിർബന്ധമാണ്.