‘എക്​ ഷാം ബോളിവുഡ്​ നാം’ സംഗീത പരിപാടി അരങ്ങേറി

ജിദ്ദ: ഇന്ത്യൻകോൺസുലേറ്റിനു കീഴിലുള്ള ‘ഇന്ത്യഫോറം’ സംഘടിപ്പിച്ച ‘ എക്​ ഷാം ബോളിവുഡ്​ നാം’ സംഗീത പരിപാടി കോൺസൽ ജനറൽ നൂർ മുഹമ്മദ്​ റഹ്​മാൻ ശൈഖ്​ ഉദ്​ഘാടനം ചെയ്​തു. ഡെപ്യൂട്ടി കോൺസൽ ജനറൽ മുഹമ്മദ്​ ഷാഹിദ്​ ആലം സംബന്ധിച്ചു. ബോളിവുഡ്​ പിന്നണി ഗായകൻ രാജ ഹസൻ അവതരിപ്പിച്ച സംഗീത വിരുന്ന്​ ആസ്വദകർക്ക്​ ഹൃദ്യമായ അനുഭവമായി.

സൗദി ഗായകൻ നൂർ അൽമാസ്​ പ​െങ്കടുത്തു. കുട്ടികളുടെ ഫ്യൂഷൻ ഡാൻസ്​, സംഗീത പരിപാടി, മറ്റ്​ നൃത്ത പരിപാടികൾ എന്നിവ അരങ്ങേറി. പ്രസിഡൻറ്​ ഫിറോസുദ്ദീൻ അധ്യക്ഷത വഹിച്ചു. അയൂബ്​ ഹഖീം, അഹമ്മദ്​ ജുനൈദ്​, കെ. ടി.എ മുനീർ, വസീം മുഖദാം സഖരിയ ബിലാദി, ഒമി നൊതാനി, ആബിദ്​ ഹസൻ, എസ്​.പി സിങ്​, നുസ്​റത്​ ഖാൻ, മലീഹ ജുനൈദ്​ ബോബി മന്നാട്ട്​ തുടങ്ങിയവർ സംബന്ധിച്ചു.