Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightരാജ്യം ഇൗദുൽഫിത്വർ...

രാജ്യം ഇൗദുൽഫിത്വർ ആഘോഷിച്ചു

text_fields
bookmark_border
രാജ്യം ഇൗദുൽഫിത്വർ ആഘോഷിച്ചു
cancel

ജിദ്ദ: വ്രതശുദ്ധിയുടെ നിറവിൽ സൗദിയിലെ സ്വദേശികളും വിദേശികളും ഇൗദുൽ ഫിത്വർ ആഘോഷിച്ചു. 29 ദിവസത്തെ വ്രതാനുഷ്​ഠ ാനത്തിനു ശേഷം തിങ്കളാഴ്​ച ശവ്വാൽ മാസപ്പിറവി കണ്ടതിനെ തുടർന്ന്​​ രാജ്യമെങ്ങും ഇൗദാഘോഷത്തി​​​െൻറ നിറവിലാണ്​ . മക്കയിലെ മസ്​ജിദുൽ ഹറാമിൽ നടന്ന ഇൗദ്​ നമസ്​കാരത്തിൽ സ്വദേശികളും വിദേശികളും തീർഥാടകരുമടക്കം ലക്ഷക്കണക്കിന ാളുകൾ പ​െങ്കടുത്തു​. പരിസര പ്രദേശങ്ങളിൽ നിന്ന്​ ഹറമിലെ പെരുന്നാൾ നമസ്​കാരത്തിൽ പ​െങ്കടുക്കാൻ ആയിരങ്ങളാണ്​ എ ത്തിയത്​. 27 ാം രാവും ഖത്​മുൽ ഖുർആനും കഴിഞ്ഞിട്ടും തിരക്കിന്​ കുറവുണ്ടായിരുന്നില്ല. ഹറമിലെ പെരുന്നാൾ നമസ്​കാരത ്തിൽ കൂടി പ​െങ്കടുത്തു സ്വദേശത്തേക്ക്​ തിരിച്ചുപേകാൻ കാത്തിരുന്ന വിവിധ ദേശക്കാരും ഭാഷക്കാരും ഇൗദ്​ നമസ്​കാ രത്തിന്​ അണിനിരന്നപ്പോൾ ഹറമും മുറ്റങ്ങളും നിറഞ്ഞു കവിഞ്ഞു.

സത്യവിശ്വാസി​ എപ്പോഴും സന്തോഷത്തിലായിരിക്കും -ഹറം ഇമാം
ജിദ്ദ: ദൈവത്തെ അനുസരിച്ചു ജീവിക്കുന്ന സത്യവിശ്വാസി​ എപ്പോഴും ആ​ഘോഷത്തിലും സന്തോഷത്തിലുമായിരിക്കുമെന്ന്​ ഹറം ഇമാം പറഞ്ഞു. ഇൗദിലൂടെ ഏറ്റവും പ്രകടമാകുന്നത്​​ ആശംസകളും നന്ദി പ്രകടനവുമാണ്​. മനുഷ്യ​ൻ പ്രകൃത്യ സാമൂഹവുമായി​ ബന്ധപ്പെട്ടവനാണ്​​. സാമൂഹവുമായി​ ചേർന്നു നിൽക്കുന്ന മതമാണ് ഇസ്​ലാം​.

വിശ്വാസി എപ്പോഴും ജനങ്ങളുമായി ഇടപഴകുന്നവനായിരിക്കും. അവരിൽ നിന്നുള്ള പ്രയാസങ്ങൾ സഹിക്കുകയും ക്ഷമിക്കുകയും ചെയ്യും. അവർക്ക്​ വലിയ പുണ്യമുണ്ട്​​. സന്ദർശനത്തിനും ആതിഥ്യമരുളുന്നതിനും വലിയ പ്രാധാന്യം ഇസ്​ലാം കൽപിക്കുകയും മര്യാദകൾ നിശ്ചയിക്കുകയും ചെയ്​തിട്ടു​ണ്ടെന്നും ഇമാം പറഞ്ഞു. സൽമാൻ രാജാവി​​​െൻറ ക്ഷണം സ്വീകരിച്ചാണ്​​ ലോക മുസ്​ലിം രാഷ്​ട്ര നേതാക്കൾ വിശുദ്ധ ഗേഹത്തിനടുത്ത്​ ഒരുമിച്ചു കൂടിയത്​​​​.

ആസ്വസ്​ഥതകളും വിപത്തുകളുമുണ്ടെങ്കിൽ രാജ്യത്ത്​ സ്​ഥിരതയും സമാധാനവുമുണ്ടാകില്ലെന്നും രക്ഷയും സമാധാനവും ക്ഷേമവുമുണ്ടാകാൻ പരസ്​പര ​െഎക്യവും സൗഹൃദവും ഉണ്ടാകേണ്ടതുണ്ടെന്നും സൗദി ഭരണകൂടവും അതി​​​െൻറ നായകരും മനസ്സിലാക്കിയിരിക്കുന്നു. അനുഗ്രഹീതമാണ്​ ഇൗ രാജ്യം, ലോകമുസ്​ലിംകളുടെ ഹൃദയ കേന്ദ്രവുമാണ്​. എല്ലാവരേയും ഒരുമിച്ച്​ ചേർത്ത്​, സാഹോദര്യവും ​െഎക്യവും സമാധാനവും സ്​ഥിരതയും സ്​ഥാപിക്കാനാണ്​ സൗദി അറേബ്യ ശ്രമിച്ചു കൊണ്ടിരിക്കുന്നതെന്നും അതാണ്​ ഉച്ച കോടിയിൽ കണ്ടെതെന്നും ഹറം ഇമാം പറഞ്ഞു.

നമസ്​കാരത്തിനും ഖുതുബക്കും ഡോ. സ്വാലിഹ്​ ബിൻ ഹുമൈദ്​ നേതൃത്വം നൽകി. സൗദി ഭരണാധികാരി സൽമാൻ രാജാവ്​, കിരീടാവകാശി അമീർ മുഹമ്മദ്​ ബിൻ സൽമാൻ, മക്ക ഗവർണർ അമീർ ഖാലിദ്​ അൽഫൈസൽ, ജിദ്ദ ഗവർണർ അമീർ മിശ്​അൽ ബിൻ മാജിദ്​, റിയാദ്​ ഡെപ്യൂട്ടി ഗവർണർ അമീർ മുഹമ്മദ്​ ബിൻ അബ്​ദുറഹ്​മാൻ, ആഭ്യന്തര മന്ത്രി അമീർ അബ്​ദുൽ അസീസ്​ ബിൻ സഉൗദ്​, ജിദ്ദ ഡെപ്യൂട്ടി ഗവർണർ അമീർ ബദ്​ർ ബിൻ സുൽത്താൻ, നാഷനൽ ഗാർഡ്​ മന്ത്രി അമീർ അബ്​ദുല്ല ബിൻ ബന്ദർ, ലബനാൻ പ്രധാനമന്ത്രി സഅദ്​ അൽഹരീരി തുടങ്ങിയവർ മസ്​ജിദുൽ ഹറാമിൽ ഇൗദ്​ നമസ്​കാരം നിർവഹിച്ചവരിൽപ്പെടും. മദീനയിലെ മസ്​ജിദുന്നബവിയിൽ മേഖല ഗവർണർ അമീർ ഫൈസൽ ബിൻ സൽമാൻ, ഡെപ്യൂട്ടി ഗവർണർ അമീർ സഉൗദ്​ ബിൻ ഖാലിദ്​ അൽഫൈസൽ അടക്കം പത്ത്​ ലക്ഷത്തിലധികം പേർ ഇൗദ്​ നമസ്​കാരത്തിൽ പ​െങ്കടുത്തു. നമസ്​കാരത്തിനും ഖുതുബക്കും ​ശൈഖ്​ സ്വലാഹ്​ ബിൻ മുഹമ്മദ്​ അൽബദീർ നേതൃത്വം നൽകി.

മക്കയിലെ വിവിധ ഭാഗങ്ങളിലായി 240 ഒാളം സ്​ഥലങ്ങൾ ഇൗദ്​ നമസ്​കാരത്തിനായി മുനിസിപ്പാലിറ്റി ഒരുക്കിയിരുന്നു. ജിദ്ദയടക്കം രാജ്യത്തെ വിവിധ മേഖലകളിലെ പള്ളികളിലും ഇൗദുഗാഹുകളിലും നടന്ന ഇൗദ്​ നമസ്​കാരത്തിൽ ആയിരങ്ങൾ പ​െങ്കടുത്തു. അതതു മേഖല മുനിസിപ്പാലിറ്റിക്കും മതകാര്യ വകുപ്പ്​ ബ്രാഞ്ച്​ ഒാഫീസുകൾക്കും കീഴിൽ ഇൗദ്​ഗാഹുകളിലെത്തുന്നവരെ സ്വീകരിക്കാനുള്ള സംവിധാനങ്ങൾ ഒരുക്കിയിരുന്നു. ഇൗത്തപ്പഴവും കഹ്​വയും നൽകിയാണ്​ ചില ഇൗദ്​ഗാഹുകളിൽ സ്വീകരിച്ചത്​. കുട്ടികൾക്ക്​ വിതരണം ചെയ്യാൻ ബലൂണുകളും കളി​േക്കാപ്പുകളും ഒരുക്കിയിരുന്നു. ഇൗദാംശസകൾ കൈമാറിയും സ്​നേഹവും സൗഹൃദവും പുതുക്കിയുമാണ്​ ആളുകൾ ഇൗദ്​ ഗാഹുകളിൽ നിന്ന്​ മടങ്ങിയത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:saudigulf newseid ul fitr
News Summary - eid ul fitr-saudi-gulf news
Next Story