കോവിഡ് റിലീഫിെൻറ ഭാഗമായി പെരുന്നാൾ ഭക്ഷണമൊരുക്കി മലപ്പുറം ജില്ല കെ.എം.സി.സി
text_fieldsറിയാദ്: കോവിഡ് റിലീഫിെൻറ മൂന്നാംഘട്ടത്തിൽ നിരവധിയാളുകൾക്ക് പെരുന്നാൾ ഭക്ഷണം നൽകിയതായി റിയാദ് കെ.എം.സി.സി മലപ്പുറം ജില്ല കമ്മിറ്റി ഭാരവാഹികൾ അറിയിച്ചു. തുടർച്ചയായി 60 ദിവസം പിന്നിട്ട റിലീഫ് പ്രവർത്തനങ്ങളുടെ ഭാഗമായാണ് പെരുന്നാൾ ഭക്ഷണക്കിറ്റുകൾ വിതരണം ചെയ്തത്. പതിനാറ് വിഭവങ്ങളടങ്ങിയ ആയിരം കിറ്റുകളാണ് നൽകിയത്. ലോക്ഡൗൺ കാരണം ജോലിയും ശമ്പളവും ഇല്ലാതെ പ്രയാസപ്പെടുന്ന മലപ്പുറം ജില്ലയിലെയും മറ്റു ഇതര ജില്ല, ഏരിയ ഘടകങ്ങളിലെയും കെ.എം.സി.സി പ്രവർത്തകരുൾപ്പെടെ റിയാദിലെ അർഹർക്കാണ് കിറ്റുകൾ എത്തിച്ചത്. ഫണ്ട് സമാഹരണം, വിഭവസമാഹരണം, അർഹരായ ആളുകളുടെ പേരുവിവരങ്ങൾ ശേഖരിക്കൽ, കിറ്റ് തയാറാക്കൽ, വിതരണം തുടങ്ങി വിവിധ വിഭാഗങ്ങളിലായി ജില്ല ഭാരവാഹികളുടെ നേതൃത്വത്തിൽ ഉപസമിതികൾ രൂപവത്കരിച്ചാണ് പ്രവർത്തനം ഏകോപിപ്പിച്ചത്. രണ്ടായിരത്തിലധികം ആളുകളിലേക്ക് ഒരുമാസം ഉപയോഗിക്കാവുന്ന ഭക്ഷണക്കിറ്റുകൾ നൽകുവാനും ആയിരത്തിലധികം രോഗികൾക്ക് മരുന്ന് വിതരണം ചെയ്യാനും സാധിച്ചു.
ജില്ല വെൽഫെയർ വിങ്ങിെൻറ ഭാഗമായി മയ്യിത്ത് പരിപാലനം, രോഗികൾക്ക് ആവശ്യമായ രക്തദാനം, കോവിഡ് പോസിറ്റിവായ രോഗികൾക്ക് വേണ്ട സഹായങ്ങൾ തുടങ്ങിയ സേവനങ്ങൾ നൽകി. നോർക്ക ഹെൽപ് െഡസ്ക് വഴി 278 പേർക്ക് സർക്കാർ സാമ്പത്തിക സഹായത്തിന് അപേക്ഷ സമർപ്പിച്ചു. റിയാദിൽ കെ.എം.സി.സിയുടെ പ്രവർത്തനങ്ങൾക്ക് ദീർഘകാലം നേതൃത്വം നൽകി പ്രവാസം അവസാനിപ്പിച്ച് നാട്ടിലേക്ക് മടങ്ങിയ വിവിധ ജില്ലകളിലെ സാമ്പത്തികമായി പ്രയാസം അനുഭവിക്കുന്ന 50ഒാളം പ്രവർത്തകർക്കും നേതാക്കൾക്കും നാട്ടിൽ സാമ്പത്തിക സഹായവും ആദരവും നൽകുകയുണ്ടായി. പാണക്കാട് നടന്ന ചടങ്ങിൽ സാദിഖലി ശിഹാബ് തങ്ങളാണ് അവരെ ആദരിച്ചത്.റിലീഫ് പ്രവർത്തനങ്ങൾക്ക് ജില്ല പ്രസിഡൻറ് മുഹമ്മദ് വേങ്ങര, ജനറൽ സെക്രട്ടറി അസീസ് വെങ്കിട്ട, സൗദി ദേശീയ സമിതി അംഗങ്ങളായ കെ. കോയാമുഹാജി, ഉസ്മാനാലി പാലത്തിങ്ങൽ, എസ്.വി. അർഷുൽ അഹമ്മദ്, ഷുഹൈബ് പനങ്ങാങ്ങര, മൊയ്തീൻ കുട്ടി തെന്നല, സത്താർ താമരത്ത്, അഡ്വ. അനീർ ബാബു, ജില്ല ട്രഷറർ കുഞ്ഞിപ്പ തവനൂർ, ഓർഗനൈസിങ് സെക്രട്ടറി ഷൗക്കത്ത് കടമ്പോട്ട്, അഷ്റഫ് കൽപ്പകഞ്ചേരി, അഷ്റഫ് മോയൻ, റഫീഖ് മഞ്ചേരി, യൂനസ് കൈതക്കോടൻ, ഷാഫി ചിറ്റത്തുപ്പാറ, ഷെരീഫ് അരീക്കോട്, ഇക്ബാൽ തിരൂർ, മുനീർ വാഴക്കാട്, ഹമീദ് ക്ലാരി, സിദ്ദീഖ് കോനാരി, യൂനസ് സലിം താഴേക്കോട്, ലത്തീഫ് താനാളൂർ, ഷറഫു പുളിക്കൽ, റിയാസ് തിരൂർക്കാട്, ഷബീർ കളത്തിൽ, മുബാറക് ഒളവട്ടൂർ, ലത്തീഫ് ചെറുകാവ്, ഫിറോസ് പൂക്കോട്ടൂർ, സക്കീർ താഴെക്കോട്, നജ്മുദ്ദീൻ അരീക്കൻ, സഫീർ എം.ഇ. ആട്ടീരി, ഷനോജ് കുരിക്കൾ, ഷബീറലി പള്ളിക്കൽ, റഫീഖ് ചെറുമുക്ക്, ഇ.പി. ഹനീഫ, ഹാഷിം കോട്ടക്കൽ, ഫൈസൽ ഇരുമ്പുഴി, ഇസ്ഹാഖ് താനൂർ, സലീം സിയാംകണ്ടം, ബഷീർ പൊന്മള, സലാം പയ്യനാട്, സി.വി. ഇസ്മാഇൗൽ, നൗഷാദ് പള്ളിക്കൽ, ഷബീറലി ജാസ്, എം.കെ. നവാസ്, ശിഹാബ് തങ്ങൾ കാളികാവ്, ഫിറോസ് പള്ളിപ്പടി, ബഷീർ ചുള്ളിക്കോട്, യൂനസ് തോട്ടത്തിൽ, റിയാദ് നിലമ്പൂർ, ബദർ ബാബു മഞ്ചേരി, ഫൈസൽ തറമ്മൽ, നാസർ മംഗലത്ത്, സി. റിയാസ്, നൗഫൽ ചാപ്പപ്പടി നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.