ആഹ്ലാദപൂർവം സൗദി ഇൗദ്​ ആഘോഷിച്ചു

ജിദ്ദ: രാജ്യമെങ്ങും ഇൗദുൽ ഫിത്വർ ആഘോഷിച്ചു. ശവ്വാൽ മാസപ്പിറവി വ്യാഴാഴ്​ച കണ്ടത്തോടെ രാജ്യത്തെ പട്ടണങ്ങളും ഗ്രാമങ്ങളും ഇൗദാഘോഷത്തി​​​െൻറ നിറവിലാണ്​. വൈവിധ്യമാർന്ന പരിപാടികളാണ്​ അതാതു മേഖലകളിൽ നടന്നുവരുന്നത്​. എൻറർടൈൻമ​​െൻറ്​ അതോറിറ്റിക്ക്​ കീഴിൽ മുൻവർഷത്തേക്കാൾ കൂടുതൽ വിനോദ പരിപാടികൾ ഇത്തവണ ഒരുക്കിയിട്ടുണ്ട്​​. 

വിവിധ മേഖലകളിൽ നടന്ന ഇൗദ്​ നമസ്​കാരത്തിൽ പുരുഷന്മാരും സ്​ത്രീകളും കുട്ടികളുമടക്കം ആയിരക്കണക്കിനാളുകൾ പ​​െങ്കടുത്തു. പുതുവസ്​ത്രമണിഞ്ഞും തക്​ബീർ മുഴുക്കിയും​ ഇൗദുഗാഹുകളിലും പള്ളികളിലും സംഗമിച്ച വിശ്വാസികൾ ഇൗദാശംസകൾ ​കൈമാറി. മുനിസിപ്പാലിറ്റികളുടെയും മതകാര്യവകുപ്പ്​ ഒാഫീസുകളുടെയും കീഴിൽ  ഇൗദ്​ഗാഹുകളും പള്ളികളും പ്രത്യേകം നിശ്ചയിച്ചിരുന്നു.

ചിലയിടങ്ങളിൽ നമസ്​കരിക്കാനെത്തുന്നവർക്ക്​​ വിതരണത്തിന്​ കഹ്​വയും ഇൗത്തപഴവും ഒരുക്കിയിരുന്നു.  ബലൂണുകളും കളിപ്പാട്ടങ്ങളും കുട്ടികൾക്ക്​ വിതരണം ചെയ്​തു. ഇരുഹറമുകളിലും പെരുന്നാൾ നമസ്​കാരത്തിൽ പ​​​െങ്കടുക്കാൻ ആയിരങ്ങളാണ്​ ഒഴുകിയെത്തിയത്​.  മസ്​ജിദുൽ ഹറാമിൽ ഉംറ തീർഥാടകരടക്കം ലക്ഷങ്ങൾ പ​െങ്കടുത്തു.

സൗദി ഭരണാധികാരി സൽമാൻ രാജാവ്​ സൽമാൻ രാജാവ്​, ​െലബനാൻ പ്രധാന മന്ത്രി സഅദ്​ അൽഹരീരി, ഭീകര നിർമാർജന സഖ്യ ഇസ്​ലാമിക്​ മിലിറ്ററി കമാൻറർ ജനറൽ റാഹീൽ ശരീഫ്​, മക്ക ഗവർണർ അമീർ ഖാലിദ്​ അൽഫൈസൽ തുടങ്ങി നിരവധി അമീറുമാർ, ഭരണ, സിവിൽ, സൈനിക രംഗത്തെ​ മുതിർന്ന ഉദ്യോഗസ്​ഥർ  മസ്​ജിദുൽ ഹറാമിലെ ഇൗദ്​ നമസ്​കാരത്തിൽ പ​​​െങ്കടുത്തവരിലുൾപ്പെടും. പെരുന്നാൾ നമസ്​കാരത്തിനും ഖുതുബക്കും ശൈഖ്​ സ്വാലിഹ്​ ബിൻ ഹുമൈദ്​ നേതൃത്വം നൽകി. മനുഷ്യ ജീവിതം യാത്ര​ക്കുള്ള തയാറെടുപ്പിലാണ്​.

ഏത്​ നിമിഷവും മരണം അവനെ പിടികൂടും. ആ യാത്രക്ക്​ വേണ്ട വിഭവങ്ങളൊരുക്കാൻ നന്മകളിൽ ഒരോ വിശ്വാസികളും മുന്നേറണമെന്ന്​ ഹറം ഇമാ​ം പറഞ്ഞു.​ ആഘോഷത്തി​​​െൻറ ദിനമാണ് ഇൗദുൽ ഫിത്വർ​. സ്​നേഹവും കാരുണ്യവും സൗഹൃദവും കുടുംബ ബന്ധങ്ങളും കൂടുതൽ ശക്​തിപെടുത്തേണ്ടതുണ്ട്​​. ഉത്തരവാദിത്വ ബോധവും വാഗ്​ദത്വ പാലനവും മനുഷ്യന്​ എല്ലാ രംഗത്തുണ്ടായിരിക്കണം. ഉത്​കൃഷ്​ട സ്വഭാവങ്ങളിൽ അതിവിശിഷ്​ടമാണിതെന്നും ഹറം ഇമാം പറഞ്ഞു. 

മദീനയിലെ മസ്​ജിദുന്നവബിയിൽ ശൈഖ്​ അബ്​ദുൽ മുഹ്​സിൻ അൽഖാസിം ​നമസ്​കാരത്തിനും ഖുത്തുബക്കും നേതൃത്വം നൽകി. കർമങ്ങൾ നിഷ്​ക്കളങ്കവും ദൈവപ്രീതി കാംക്ഷിക്കുന്നതുമാകു​േമ്പാഴാണ്​ ആരാധനകളുടെ ചൈതന്യം ആസ്വദിക്കാനാവൂയെന്ന്​ ഹറം ഇമാം പറഞ്ഞു.