ഈദുൽ ഫിത്വർ: സൗദി സ്വകാര്യ മേഖലയിൽ നാലുദിവസം അവധി

റിയാദ്: സ്വകാര്യ മേഖലയിലെ ഈദുൽ ഫിത്വർ അവധി ദിവസങ്ങൾ മാനവ വിഭവശേഷി സാമൂഹിക വികസന മന്ത്രാലയം പ്രഖ്യാപിച്ചു.

ഏപ്രിൽ എട്ട് മുതൽ നാല് ദിവസമായിരിക്കും സ്വകാര്യ മേഖല സ്ഥാപനങ്ങൾക്കുള്ള ഈദുൽ ഫിത്വർ അവധിയെന്ന് മന്ത്രാലയം വ്യക്തമാക്കി.

രാജ്യത്തെ തൊഴിൽ നിയമത്തിലെ എക്സിക്യൂട്ടീവ് ചട്ടങ്ങളുടെ ആർട്ടിക്കിൾ 24 രണ്ടാം ഖണ്ഡികയിൽ വ്യക്തമാക്കിയിരിക്കുന്ന ചട്ടങ്ങൾ പാലിക്കണമെന്ന് തൊഴിലുടമകളോട് മന്ത്രാലയം ആവശ്യപ്പെട്ടു.