ത്യാഗസ്​മരണയിൽ സൗദിയിലെങ്ങും ബലിപെരുന്നാൾ ആഘോഷിച്ചു

​ജിദ്ദ: പ്രവാചകൻ ഇബ്രാഹീമി​െൻറ ത്യാഗസ്​മരണയിൽ സൗദിയിലെങ്ങും ബലിപെരുന്നാൾ ആഘോഷിച്ചു. രാജ്യത്തെ വിവിധ ഭാഗങ്ങളിലെ പള്ളികളിലും ഇൗദ്​ ഗാഹുകളിലും നടന്ന പെരുന്നാൾ നമസ്​കാരത്തിൽ സ്വദേശികളും വിദേശികളായ താമസക്കാരും അതത്​ മേഖലാ ഗവർണർമാരുമടക്കം ആയിരങ്ങൾ സംബന്ധിച്ചു. പുതുവസ്​ത്രമണിഞ്ഞ്​ തക്​ബീർ ചൊല്ലി സ്​ത്രീകളും കുട്ടികളുമടക്കമുള്ളവർ അതിരാവിലെ മുതൽ ഇൗദ്​ഗാഹുകളിലെത്തിയിരുന്നു. നമസ്​കാര ശേഷം അവർ ഹസ്​തദാനം നടത്തി പരസ്​പരം ഇൗദാശംസകൾ കൈമാറി. ത്യാഗത്തി​െൻറയും സമർപ്പണത്തി​െൻറയും മകുടോദാഹരണമായ ഇബ്രാഹിം ​പാത പിന്തുടരാൻ വിശ്വാസികളെ പള്ളി ഇമാമുമാർ ഉദ്​ബോധിപ്പിച്ചു.

ഭക്തിസാന്ദ്രമായ അന്തരീക്ഷത്തിൽ മക്കയിലെ മസ്​ജിദുൽ ഹറാമിൽ നടന്ന ഇൗദ്​ നമസ്​കാരത്തിനും ഖുതുബക്കും ഇമാം ശൈഖ്​ ഡോ. യാസർ ബിൻ റാഷിദ് അൽദോസരി നേതൃത്വം നൽകി. ബലിപെരുന്നാൾ ത്യാഗത്തിന്‍റെയും വീണ്ടെടുപ്പി​െൻറയും ദിവസമാണ്. സന്തോഷത്തി​െൻറയും ശാന്തതയുടെയും ദിനമാണ്. സ്വർഗത്തി​െൻറ നാഥനിൽ നിന്നുള്ള പ്രതിഫലത്തി​െൻറ ദിവസമാണെന്നും ഇമാം ത​െൻറ പ്രസംഗത്തിൽ പറഞ്ഞു. ബലിയുടെ ദിനം കൂടിയാണ്​.

അത്​ ഇസ്​ലാമിക ആചാരവും ഇബ്രാഹിമി​െൻറ മാർഗവും മുഹമ്മദി​െൻറ ചര്യയുമാണെന്നും ഹറം ഇമാം പറഞ്ഞു. വിശ്വാസികളെ, നിങ്ങൾ ദൈവത്തെ ഭയപ്പെട്ട്​ ജീവിക്കുക. എന്തെന്നാൽ അത്​ ഏറ്റവും​ ശക്തവും മികച്ചതും നീതിയുമാണ്​. നിലവിലുള്ളതിൽ വെച്ചേറ്റവും മികച്ചതും മനോഹരവുമായ വസ്​ത്രവുമാണ്​. അന്ത്യദിനത്തിലൊരു നി​ക്ഷേപമാണ്​. ഹജ്ജി​നായി എത്തിയ എല്ലാവരെയും അഭിനന്ദിക്കുന്നു. അറഫയിൽ നിൽക്കാനും മുസ്​ദലിഫയിൽ രാപാർക്കാനും പിന്നീട്​ മിനയിലെത്താനും ദൈവം നിങ്ങളെ അനുഗ്രഹിച്ചിരിക്കുന്നു. ഇനിയുള്ള ‘തശ്​രീഖി’​െൻറ ദിവസങ്ങളിൽ ദൈവകൽപനകൾ അനുസരിച്ചും പ്രവാചകചര്യകൾ പിന്തുടർന്നും മിനയിൽ രാപാർത്ത്​ ദൈവസ്​മരണകളും പ്രാർഥനകളും അധികരിപ്പിച്ച്​ കഴിയണമെന്നും ഹറം ഇമാം തീർഥാടകരോട്​ ആഹ്വാനം ചെയ്​തു.

ഹജ്ജ്​ കർമങ്ങൾ ഏകദൈവ വിശ്വാസത്തി​െൻറ വേരുകളെ അടിയുറപ്പിച്ച നിർത്തുകയും ബഹുദൈവാരാധനയുടെയും നിന്ദയുടെയും എല്ലാ അശുദ്ധിയിൽനിന്നും ഹൃദയങ്ങളെയും പ്രവൃത്തികളെയും വാക്കുകളെയും ശുദ്ധീകരിക്കുകയുമാണ്​. അതി​െൻറ മുദ്രാവാക്യമായ ‘തൽബിയത്​’ അതാണ്​ ഉണർത്തുന്നത്​. പ്രവാചക​െൻറ മാർഗനിർദേശത്തോടുള്ള ഉടമ്പടി പുതുക്കൽ കൂടിയാണത്​. ബഹുമാനം, സമർപ്പണം, അനുകരണവുമാണ്​. മുസ്​ലിംകൾങ്ങൾക്കിടയിൽ ഐക്യവും സമത്വവും കൈവരിക്കലാണ്​, മനുഷ്യാവകാശങ്ങൾ സംരക്ഷിക്കലാണ്​, സ്ത്രീകളെ ബഹുമാനിക്കുകയും അവരുടെ അവകാശങ്ങൾ സംരക്ഷിക്കുകയും ചെയ്യലാണെന്നും ഹറം ഇമാം പ്രസംഗത്തിൽ പറഞ്ഞു.

മദീനയിലെ മസ്​ജിദുന്നബവിയിൽ നടന്ന പെരുന്നാൾ നമസ്​കാരത്തിൽ മേലഖ ഗവർണർ അമീർ ഫൈസൽ ബിൻ സൽമാൻ അടക്കം പതിനായിരങ്ങൾ പ​െങ്കടുത്തു. ഇമാം ഡോ. ഹുസൈൻ ബിൻ അബ്​ദുൽ അസീസ് അലുശൈഖ് നമസ്​കാരത്തിന്​ നേതൃത്വം നൽകി. ദൈവദാസന്മാരേ, എല്ലാവർക്ക്​ ഈദ് മുബാറക്, ദൈവം നമ്മുടെ ദിവസങ്ങൾ സന്തോഷകരമാക്ക​െട്ട. ഇസ്‌ലാമിലെ ഈദ് ഹൃദയങ്ങൾക്കുള്ള വിനോദവും ആത്മാക്കളുടെ സന്തോഷവുമാണ്​.

ഹൃദയങ്ങളെ കൂടുതൽ അടുപ്പിക്കുകയും ഇസ്‌ലാം മതവിശ്വാസികൾക്കിടയിൽ സ്‌നേഹവും വാത്സല്യവും പ്രചരിപ്പിക്കുകയും ചെയ്യുക എന്നതാണ് ഈദി​െൻറ ലക്ഷ്യങ്ങളിലൊന്ന്​. എല്ലാവർക്കും സലാമും അഭിനന്ദനങ്ങളും കൈമാറുക. അവർക്കു വേണ്ടി പ്രാർഥിക്കുക, പരസ്​പരം തമാശയും വിശാലതയും പരത്തുക, പുഞ്ചിരിയും വിനയവും കാണിക്കുക. ഔദാര്യം, ക്ഷമ, സഹിഷ്​ണുത, വിനയം, വിട്ടുവീഴ്​ച എന്നീ നല്ല ഗുണങ്ങളും മനോഹരമായ സ്വഭാവങ്ങളും നേടിയെടുക്കുക. ഇതിനെല്ലാമുള്ള അവസരം കൂടിയാണ്​ ഇൗദ്​ എന്നും മസ്​ജിദുന്നബവി ഇമാം പറഞ്ഞു.

റിയാദ​്​ ഇമാം തുർക്കി ബിൻ അബ്​ദുല്ല ഗ്രാൻഡ്​ മോസ്​കിൽ നടന്ന പെരുന്നാൾ നമസ്​കാരത്തിൽ ഗവർണർ ഫൈസൽ ബിൻ ബന്ദർ അൽ സഊദ് പ​ങ്കെടുത്തു.