ആഘോഷത്തെരുവായി സൗദി അറേബ്യ

 റിയാദ്​: ചെറിയപെരുന്നാളി​​​െൻറ ആഘോഷം രാജ്യത്തി​​​െൻറ വിവിധ മേഖലകളിൽ പൊടിപൊടിക്കുന്നു. സൗദിയുടെ ജനവാസമേഖലകളിലെല്ലാം കഴിഞ്ഞ കാലങ്ങളിലൊന്നും കാണാത്ത ആഘോഷവിരുന്നുകളാണ്​ നടക്കുന്നത്​. രാജ്യത്തി​​​െൻറ സാംസ്​കാരിക ഉണർവ്​ പ്രതിഫലിപ്പിക്കുന്നതാണ്​ പരിപാടികളോരോന്നും. തലസ്​ഥാനനഗരിയിൽ വർണാഭമായ ഇൗദാഘോഷപരിപാടികൾ തുടരുകയാണ്​. മുനിസിപ്പാലിറ്റിയിലെ 30 കേന്ദ്രങ്ങളിലാണ്​ പരിപാടികൾ​ അരങ്ങേറുന്നത്​. തെരുവുകളിൽ ജനങ്ങളുടെ ആഹ്ലാദാരവങ്ങളാണെങ്ങും. കരിമരുന്ന്​ പ്രയോഗവും വ്യോമപ്രദർശവനും തകൃതിയാണ്​.  രാവേറെ നീളുന്ന സാംസ്​കാരിക പരിപാടകൾ  കുടുംബസമ്മേതം ആസ്വദിക്കുകയാണ്​ ജനങ്ങൾ.   പെരുന്നാളിന്​ പൊലിമയേകാൻ നിരവധി പരിപാടികൾ  ആസൂത്രണം ചെയ്​ത നഗരസഭയെ ജനങ്ങൾ പ്രശംസിക്കുകയാണ്​. ജനവാസമേഖലകൾ  കേന്ദ്രീകരിച്ച്​ നടത്തുന്ന  പരിപാടികളിൽ കുട്ടികളും സ്​ത്രീകളും ഉൾപെടെ പങ്കാളികളാകുന്നുണ്ട്​. രാജ്യത്തി​​​െൻറ സാംസ്​കാരിക വൈവിധ്യം വിളിച്ചോതുന്നതാണ്​ പരിപാടികൾ. സൗദി അറേബ്യയിൽ അടുത്ത കാലത്തായി വന്ന സമഗ്രമാറ്റത്തി​​​െൻറ ഭാഗമാണ്​ ഇത്തരം പരിപാടികൾ. ആദ്യമായാണ്​ പെരുന്നാളാഘോഷത്തിന്​ ഇത്ര വിപുലമായ പരിപാടികളുടെ കലണ്ടർ അധികൃതർ തയാറാക്കിയത്​. ജനങ്ങൾക്ക്​ എളുപ്പത്തിൽ എത്താവുന്ന സ്​ഥലങ്ങളിൽ എല്ലാവിധ സുരക്ഷയും ഒരുക്കിയാണ്​ കലാവിരുന്നുകൾ ഒരുക്കുന്നത്​. വെളിച്ചവിസ്​മയത്തി​​​െൻറ വേദികളാണെങ്ങും. രാജ്യത്തി​​​െൻറ ​െഎക്യവും അഖണ്ഡതയും ഉയർത്തിപ്പിടിക്കുന്ന പരിപാടികൾ വിവിധ ഗോത്രകലകളുടെ രംഗവേദിയാവുകയാണ്​.   രാജ്യത്തെ എല്ലാ ചെറുനഗരങ്ങളും ഗ്രാമങ്ങളും കേന്ദ്രീകരിച്ച്​ പരിപാടികൾ അരങ്ങേറുന്നുണ്ട്​. ബത്​ഹയിലെ ദേശീയ കാഴ്​ച ബംഗ്ലാവി​​​െൻറ അങ്കണത്തിൽ ആയിരങ്ങളാണ്​ ആഘോഷ രാവുകളിൽ സംഗമിക്കുന്നത്​. ഇവിടെ മനോഹരമായ പൂവാടികളും  വിശ്രമസ​േങ്കതങ്ങളുമുള്ളതിനാൽ ആളുകൾ നേരത്തെ എത്തുന്നു. മ്യൂസിയത്തിലും സന്ദർശകരുടെ തിരക്കാണ്​.  പത്ത്​ ദിവസം നീളുന്ന അവധിക്കാലമായതിനാൽ നിറഞ്ഞ മനസ്സോടെ ആസ്വദിക്കുകയാണ്​ ജനങ്ങൾ. പ്രവാസികൂട്ടായ്​മകളും പെരുന്നാളിനോടനുബന്ധിച്ച്​ വിവിധ പരിപാടികൾ സംഘടിപ്പിക്കുന്നുണ്ട്​. ദമ്മാമിലെ ഇത്​റ  സാംസ്​കാരികസമുച്ചയത്തിൽ ചെറിയപെരുന്നാളിന്​ റഷ്യൻ സംഗീത വിരുന്നാണ്​. ലോകോത്തര നിലവാരമുള്ള സ്​ഥിരം അരങ്ങി​​​െൻറ ഉദ്​ഘാടനവും കഴിഞ്ഞ ദിവസം നടന്നു.  ഇവിടെ സാംസ്​കാരികപരിപാടികൾ തുടരുകയാണ്​.