വി​ദേ​ശ വി​ദ്യാ​ർ​ഥി​ക​ൾ​ക്കി​നി​ സൗ​ദി​യി​ലേ​ക്ക്​ വ​രാ​ൻ ‘വി​ദ്യാ​ഭ്യാ​സ വി​സ’

റി​യാ​ദ്​: സൗ​ദി അ​റേ​ബ്യ​യി​ൽ വി​ദ്യാ​ഭ്യാ​സം ന​ട​ത്താ​നാ​ഗ്ര​ഹി​ക്കു​ന്ന വി​ദേ​ശ വി​ദ്യാ​ർ​ഥി​ക​ൾ​ക്ക്​ വി​സ ന​ൽ​കു​ന്ന​തി​നു​ള്ള സേ​വ​നം ആ​രം​ഭി​ച്ചു.

വി​​ദ്യാ​ഭ്യാ​സ, വി​ദേ​ശ​കാ​ര്യ മ​ന്ത്രാ​ല​യ​ങ്ങ​ൾ സം​യു​ക്ത​മാ​യി ഒ​രു​ക്കി​യ​ ‘സ്​​റ്റ​ഡി ഇ​ൻ സൗ​ദി അ​റേ​ബ്യ’ ഡി​ജി​റ്റ​ൽ പ്ലാ​റ്റ്‌​ഫോ​മി​ലൂ​ടെ​യാ​ണ്​ വി​ദ്യാ​ഭ്യാ​സ വി​സ അ​നു​വ​ദി​ക്കു​ന്ന​ത്. റി​യാ​ദി​ൽ ന​ട​ന്ന ‘ഹ്യൂ​മ​ൻ ക​പ്പാ​സി​റ്റി ഇ​നി​ഷ്യേ​റ്റീ​വ്’ സ​മ്മേ​ള​ന​ത്തോ​ട​നു​ബ​ന്ധി​ച്ചാ​ണ്​​ വി​ദ്യാ​ഭ്യാ​സ മ​ന്ത്രി യൂ​സ​ഫ് അ​ൽ​ബു​നി​യാ​ൻ​ ഇ​തു​ സം​ബ​ന്ധി​ച്ച പ്ര​ഖ്യാ​പ​നം ന​ട​ത്തി​യ​ത്. ഇ​തോ​ടെ സൗ​ദി​ക്ക​ക​ത്തും പു​റ​ത്തു​മു​ള്ള വി​ദേ​ശി​ക​ൾ​ക്ക്​ രാ​ജ്യ​ത്തെ വി​വി​ധ സ​ർ​വ​ക​ലാ​ശാ​ല​ക്കു കീ​ഴി​ലെ കോ​ള​ജു​ക​ളി​ൽ ഹ്ര​സ്വ​കാ​ല കോ​ഴ്​​സു​ക​ൾ​ക്ക്​ അ​പേ​ക്ഷി​ക്കാ​നും വി​സ നേ​ടാ​നു​മാ​കും. പ്ലാ​റ്റ്​​ഫോ​മി​ൽ വി​വി​ധ ഭാ​ഷ​ക​ളി​ൽ സേ​വ​നം ല​ഭ്യ​മാ​ണ്.

സൗ​ദി​യി​ൽ പ​ഠി​ക്കാ​ൻ ആ​ഗ്ര​ഹി​ക്കു​ന്ന വി​ദ്യാ​ർ​ഥി​ക​ൾ​ക്ക് ന​ട​പ​ടി​ക്ര​മ​ങ്ങ​ൾ സു​ഗ​മ​മാ​ക്കു​ന്ന​താ​ണ്​ ഈ ​പോ​ർ​ട്ട​ൽ.

വി​ദ്യാ​ഭ്യാ​സ മ​ന്ത്രാ​ല​യം, വി​ദേ​ശ​കാ​ര്യ മ​ന്ത്രാ​ല​യം, അ​നു​ബ​ന്ധ വ​കു​പ്പു​ക​ൾ എ​ന്നി​വ​യു​മാ​യി ബ​ന്ധ​പ്പെ​ട്ട ന​ട​പ​ടി​ക​ൾ ഈ ​സം​വി​ധാ​നം​വ​ഴി എ​ളു​പ്പ​ത്തി​ൽ പൂ​ർ​ത്തീ​ക​രി​ക്കാ​ൻ ക​ഴി​യും. ‘സ്​​റ്റ​ഡി ഇ​ൻ സൗ​ദി അ​റേ​ബ്യ’ പ്ലാ​റ്റ്‌​ഫോ​മി​ലൂ​ടെ സൗ​ദി​യി​ൽ പ​ഠി​ക്കാ​ൻ ആ​ഗ്ര​ഹി​ക്കു​ന്ന വി​ദ്യാ​ർ​ഥി​ക​ൾ​ക്ക് ഇ​ഷ്​​ട​പ്പെ​ട്ട വി​ദ്യാ​ഭ്യാ​സ ഓ​പ്ഷ​നു​ക​ൾ തി​ര​ഞ്ഞെ​ടു​ക്കാ​ൻ ക​ഴി​യും.

ആ​ഗോ​ള വി​ദ്യാ​ഭ്യാ​സ​കേ​ന്ദ്ര​മാ​കു​ക​യാ​ണ്​ രാ​ജ്യ​ത്തി​​ന്‍റെ ല​ക്ഷ്യം. വി​ദേ​ശ വി​ദ്യാ​ർ​ഥി​ക​ൾ​ക്ക്​ സൗ​ദി സ​ർ​വ​ക​ലാ​ശാ​ല​ക​ളി​ൽ പ്ര​വേ​ശ​നം നേ​ടു​ന്ന​തി​ന്​ അ​പേ​ക്ഷ ന​ൽ​കാ​നും പ്ര​വേ​ശ​ന ന​ട​പ​ടി​ക​ൾ പൂ​ർ​ത്തി​യാ​ക്കാ​നും ഇ​തി​ലൂ​ടെ ക​ഴി​യും.

വി​ശി​ഷ്‌​ട​വും ആ​ധു​നി​ക​വു​മാ​യ വി​ദ്യാ​ഭ്യാ​സ അ​ന്ത​രീ​ക്ഷ​ത്തി​ൽ ഹ്ര​സ്വ​കാ​ല, ദീ​ർ​ഘ​കാ​ല അ​ക്കാ​ദ​മി​ക്, പ​രി​ശീ​ല​ന, ഗ​വേ​ഷ​ണ പ​രി​പാ​ടി​ക​ൾ​ക്ക്​ വി​​സ നേ​ടാ​നു​മാ​കും. ‘വി​ഷ​ൻ 2030’​ന്‍റെ ല​ക്ഷ്യ​ങ്ങ​ളു​ടെ ഭാ​ഗ​മാ​യാ​ണ്​ വി​ദ്യാ​ഭ്യാ​സ വി​സ ന​ട​പ്പാ​ക്കു​ന്ന​ത്.