തണുപ്പ്​ അവഗണിച്ച്​ ജനം ഒഴുകിയെത്തി, റിയാദിലും ചരിത്രം കുറിച്ച്​ ‘എജുക​െഫ’

റിയാദ്​: പുലർകാല ശൈത്യത്തി​​​​െൻറ കാഠിന്യം അവഗണിച്ചും ഒഴുകിയെത്തിയ ജനപ്രവാഹം സാക്ഷി, ഗൾഫ്​ മാധ്യമം’ ഒരുക്കി യ ദ്വിദിന അന്താരാഷ്​ട്ര വിദ്യാഭ്യാസ കരിയർ മേള ‘എജുകഫെ’ റിയാദിലും പുതു ചരിത്രമെഴുതി. മേള നഗരിയായ റിയാദ്​ ഇൻറർന ാഷനൽ ഇന്ത്യൻ ബോയ്​സ്​ സ്​കൂളിലേക്ക്​ പുലർച്ചെ മുതലേ വിദ്യാർഥികളും രക്ഷിതാക്കളും സമൂഹത്തി​​​​െൻറ നാനാതുറകള ിൽ നിന്നുള്ളവരുമടക്കം ആളകളുടെ വൻ ഒഴുക്കായിരുന്നു.

ചടങ്ങുകൾ ആരംഭിക്കും മു​േമ്പ സ്​കൂൾ ഒാഡിറ്റോറിയം നിറഞ ്ഞുകവിഞ്ഞു. കൃത്യം ഒമ്പത്​ മണിക്ക്​ തന്നെ വേദിയിൽ ഉദ്​ഘാടന ചടങ്ങാരംഭത്തി​​​​െൻറ സൂചനയായി ഇന്ത്യയുടെയും സൗദി അറേബ്യയുടെയും ദേശീയ ഗാനങ്ങൾ മുഴങ്ങി. കൂറ്റൻ സ്​ക്രീനിൽ ഇരു രാജ്യങ്ങളുടെയും ദേശീയ പതാകകൾ പാറികളിച്ചു. ‘ഗൾഫ്​ മാധ്യമം’ ചീഫ്​ എഡിറ്റർ വി.കെ ഹംസ അബ്ബാസ്​ അതിഥികൾക്കും വിദ്യാർഥികൾക്കും രക്ഷിതാക്കൾക്കും പൊതുസമൂഹത്തിനും സ ്വാഗതം ആശംസിച്ചതോടെ ഉദ്​ഘാടകനെയും മറ്റ്​ വിശിഷ്​ടാതിഥികളെയും അവതാരകർ വേദിയിലേക്ക്​ ക്ഷണിച്ചു. നന്നായി സ്വപ്​നം കാണുകയും അധ്വാനിക്കുകയും ചെയ്യുന്നവരോടൊപ്പം പ്രപഞ്ചം മുഴുവനുണ്ടാകുമെന്നും വലിയ സ്വപ്​നങ്ങൾ കണ്ടവരുടെ സ്വപ്​നങ്ങളാണ്​ ലോകത്തെ മാറ്റിമറിച്ചതെന്നുമുള്ള മുൻ ഇന്ത്യൻ പ്രസിഡൻറും പ്രശസ്​ത ശാസ്​ത്രജ്ഞനുമായ ഡോ. എ.പി.ജെ അബ്​ദുൽ കലാമി​​​​െൻറ പ്രസിദ്ധ ആപ്​തവാക്യങ്ങൾ ഉദാഹരിച്ചുകൊണ്ട്​ ഹംസ അബ്ബാസ്​ വിദ്യാർഥികളോട്​ ആദ്യം സ്വപ്​നം കാണാനും ലക്ഷ്യം കാണുവരെ കഠിനാധ്വാനം ചെയ്യാനും ആഹ്വാനം ചെയ്​തു.

സമൂഹത്തി​​​​െൻറ വലിയ പ്രതീക്ഷകളുടെ നിക്ഷേപങ്ങളായ വിദ്യാർഥികളുടെ ഭാവിക്ക്​ വഴികാട്ടിയായി എഡ്യുകഫെയെ ‘ഗൾഫ്​ മാധ്യമം’ അഭിമാനപൂർവമാണ്​ അവതരിപ്പിക്കുന്നതെന്നും വിദ്യാഭ്യാസ കരിയർ ഉത്സവത്തി​​​​െൻറ മൂന്നാം പതിപ്പാണ്​ വിവിധ സെഷനുകളോടെ റിയാദിൽ നടക്കുന്നതെന്നും അദ്ദേഹം കൂട്ടിച്ചേർത്തു. ഉദ്​ഘാടനം നിർവഹിച്ച ഇന്ത്യൻ എംബസി ഡെപ്യൂട്ടി ചീഫ്​ ഒാഫ്​ മിഷൻ ഡോ. സുഹൈൽ അജാസ്​ ഖാൻ ഇത്രയും വിപുലവും വിദ്യാർഥികളും രക്ഷിതാക്കളുമടക്കം വൻ ജനപങ്കാളിത്തവുമുള്ള പരിപാടിയൊരുക്കിയ സംഘാടകരെ ആഹ്ലാദപൂർവം അഭിനന്ദിച്ചുകൊണ്ടാണ്​ പ്രഭാഷണം ആരംഭിച്ചത്​.

ലോകം ഉറക്കമുണരുന്ന നേരമായി​േട്ടയുള്ളൂ, അതിന്​ മുമ്പ്​ തന്നെ ഒാഡിറ്റോറിയം നിറഞ്ഞുകവിഞ്ഞത്​ വിസ്​മയപ്പെടുത്തിയെന്നും പ്ലസ്​ടുവിന്​ ശേഷം എന്ത്​ എന്ന്​ ചിന്തിക്കുന്ന ഒാരോ വിദ്യാർഥിയുടെയും അവരുടെ രക്ഷിതാവി​​​​െൻറയും ജിഞാസയാണ്​ ഇത്​ വെളിപ്പെടുത്തുന്നതെന്നും ആശംസ പ്രസംഗം നിർവഹിച്ച ഇൻറർനാഷനൽ ഇന്ത്യൻ സ്​കൂൾ ചെയർമാൻ ഡോ. ദിൽഷാദ്​ അഹമ്മദ്​ പറഞ്ഞു. ഇന്ത്യൻ സ്​കൂൾ ഇത്തരമൊരു ബൃഹത്തായ വിദ്യാഭ്യാസ കരിയർ മേളക്ക്​ വേദിയായതിൽ അഭിമാനമുണ്ടെന്നും വിദ്യാർഥികൾ സ്വന്തം ഭാവിയെ ഷേപ്പ്​ ചെ​േയ്യണ്ടത്​ എങ്ങനെയെന്ന്​ ഏറ്റവും മികച്ച നിർദേശങ്ങൾ ലഭിക്കുന്ന ഇൗ സുവർണാവസരത്തെ പരമാവധി പ്രയോജനപ്പെടുത്തണമെന്നാണ്​​ വിദ്യാർഥികളോടും അവരുടെ രക്ഷിതാക്കളോടും പറയാനുള്ളതെന്നും​ ഇന്ത്യൻ സ്​കൂൾ പ്രിൻസിപ്പൽ ഡോ. ഷൗക്കത്ത്​ പർവസേ്​ ആശംസാപ്രസംഗത്തിൽ പറഞ്ഞു.

കൊച്ചി മെട്രോ മാനേജിങ്​ ഡയറക്​ടർ എ.പി.എം മുഹമ്മദ്​ ഹനീഷ്​ ​െഎ.എ.എസ്​, ഗൾഫ്​ മാധ്യമം റസിഡൻറ്​ എഡിറ്റർ പി.​െഎ നൗഷാദ്​, ഗൾഫ്​ മാധ്യമം സൗദി സി.ഇ.ഒ ഹാഷിം അൽഅത്താസ്​, എക്സിക്യുട്ടീവ്​ കമ്മിറ്റി ചെയർമാൻ കെ.എം ബഷീർ, ഒാപ്പറേഷൻസ്​ ഡയറക്​ടർ സലീം ഖാലിദ്​, സൗദി റസിഡൻറ്​ മാനേജർ മുഹമ്മദ്​ ശരീഫ്​, സൗദി മാർക്കറ്റിങ്​ മാനേജർ ഹിലാൽ ഹുസൈൻ, അഡ്​മിൻ മാനേജർ അസ്​ഹർ പുള്ളിയിൽ, സൈൻ ടെലിക്കമ്യൂണിക്കേഷൻ ജനറൽ മാനേജർ അസ്​ഹർ അബുഹമായെൽ, ഫ്ലീരിയ ഗ്രൂപ്​ ഒാഫ്​ കമ്പനീസ്​ ഡയറക്​ടർ ടി.എം അഹമ്മദ്​ കോയ, എസ്​.ആർ.എം യൂനിവേഴ്​സിറ്റി ഡയറക്​ടർ കർത്താർ സിങ്​, ഇന്ത്യൻ സ്​കൂൾ മാനേജിങ്​ കമ്മിറ്റി മെമ്പർമാരായ ഡോ. കവിത, ഡോ. സത്താർ സിദ്ദീഖി, മോയിൻ ഖാൻ, ശഹാബ്​ ഹുസൈൻ, സുൽത്താൻ മസ്​ഹറുദ്ദീൻ, പ്രിൻസിപ്പൽ ഇൻ ചാർജ്​ അസ്​മ ഷാ, വൈസ്​ പ്രിൻസിപ്പൽ മീര റഹ്​മാൻ, എഡ്യുകഫെ ഒാർഗനൈസിങ്​ കമ്മിറ്റി ജനറൽ കൺവീനർ അബ്​ദുറഹ്​മാൻ കുട്ടി എന്നിവർ പ​െങ്കടുത്തു. തുടർന്ന്​ അതിഥികൾക്ക്​ എഡ്യുകഫെ മുദ്ര പതിപ്പിച്ച ഫലകങ്ങൾ സമ്മാനിച്ചു.

ഹനാൻ, ഹനിയ എന്നീ വിദ്യാർഥികൾ അവതാരകരായിരുന്നു. ബഷീർ രാമപുരം ഖുർആനിൽ നിന്ന്​ അവതരിപ്പിച്ചു. ഉദ്​ഘാടന ചടങ്ങിന്​ സാക്ഷ്യം വഹിക്കാൻ ആയിരക്കണക്കിന്​ ആളുകളാണ്​ എത്തിയത്​. ഉദ്​ഘാടനത്തിന്​ ശേഷം ‘നോളഡ്​ജ്​ ആൻഡ്​ ഹൈറ്റ്​സ്​ ഒാഫ്​ ക്രിയേറ്റിവിറ്റി’ എന്ന വിഷയത്തിൽ കൊച്ചി മെട്രോ മാനേജിങ്​ ഡറയക്​ടർ ഡോ. എ.പി.എം മുഹമ്മദ്​ ഹനീഷ് ​െഎ.എ.എസും ‘ഇമോഷണൽ ഇൻറലിജൻസ്​’ എന്ന വിഷയത്തിൽ റിയാദ്​ പ്രിൻസ്​ സുൽത്താൻ യൂനിവേഴ്​സിറ്റിയിലെ പ്രഫഷനൽ കൺസൾട്ടൻറ്​ ഡയറക്​ടർ ഡോ. സാറ അൽശരീഫും നയിച്ച ക്ലാസും ചോദ്യോത്തര സെഷനും നടന്നു. ഉച്ചകഴിഞ്ഞ്​ പ്രമുഖ മൈൻഡ്​ റീഡറും​ മ​​​െൻറലിസ്​റ്റുമായ​ ആദി ആദർശി​​​​െൻറ വിസ്​മയ പരിപാടി അരങ്ങേറി.

അഞ്ച്​ മണിയോടെ മേളയുടെ ആദ്യ ദിവസത്തിന്​ സമാപനമായി. ഞായറാഴ്​ച രാവിലെ 10 മുതൽ ഷാർജ ഇസ്​ലാമിക്​ ബാങ്ക്​ വൈസ്​ പ്രസിഡൻറ് ഡോ. സംഗീത്​ ഇബ്രാഹിം ‘സ്​മാർട്ട്​ കരിയർ സെലക്​ഷൻ സ്​ട്രാറ്റജീസ്​’ എന്ന വിഷയത്തിൽ നയിക്കുന്ന ക്ലാസ്​ നടക്കും. ഉച്ചക്ക്​ ഒരു മണിയോടെ മേള പരിസമാപ്​തി കുറിക്കും.