ഈഗിൾ സ്റ്റാർസ് വർക്കല ജേതാക്കൾ
text_fieldsഇ.ഡി.പി.സി സംഘടിപ്പിച്ച ഏകദിന ക്രിക്കറ്റ് ടൂർണമെന്റിലെ വിജയികൾക്ക് സമ്മാനങ്ങൾ വിതരണം ചെയ്യുന്നു
ജുബൈൽ: സൗദി സ്ഥാപക ദിനത്തോടനുബന്ധിച്ച് ജുബൈലിലെ ക്രിക്കറ്റ് കളിക്കാരുടെ കൂട്ടായ്മ ഇ.ഡി.പി.സി സംഘടിപ്പിച്ച ഏകദിന ക്രിക്കറ്റ് ടൂർണമെന്റിൽ ഈഗിൾ സ്റ്റാർസ് വർക്കല ജേതാക്കളായി.
ഇ.ഡി.പി.സി അവഞ്ചേഴ്സിനാണ് രണ്ടാം സ്ഥാനം. ഈഗിൾ സ്റ്റാർസിന്റെ രാജേഷിനെ മികച്ച ബാറ്റ്സ്മാനായും ടൂർണമെന്റിന്റെ താരമായും തിരഞ്ഞെടുത്തു. മികച്ച ബൗളറായി ഇ.ഡി.പി.സി അവഞ്ചേഴ്സ് ക്യാപ്റ്റൻ ദീപക് തിരഞ്ഞെടുക്കപ്പെട്ടു. ഇർഷാദ്, സുനീർ, സുമേഷ്, ഫക്രുദ്ദീൻ, സാദിഖ്, ദീപക്, രതീഷ് ചെറുതന എന്നിവർ നേതൃത്വം നൽകി.
സമ്മാനങ്ങൾ പൊതുപ്രവർത്തകൻ ബൈജു അഞ്ചൽ, സുബിൻ സുലൈമാൻ, അൻവർ എന്നിവർ വിതരണം ചെയ്തു. മുഷ്ത്താഖ്, ബൈജു അഞ്ചൽ, അഫ്വാൻ കർകാല, സാദിഖ്, സുനീർ, ഇർഷാദ്, ഫക്രുദ്ദീൻ, സുമേഷ്, അബ്ദുൽ റഹ്മാൻ ആലപ്പുഴ, സഫ്വാൻ ബാജ്പേ എന്നിവരെ ആദരിച്ചു.

