‘ഇ-മൈഗ്രേറ്റ്​’ രജിസ്​ട്രേഷനില്ലെങ്കിൽ യാത്ര തടയും

റിയാദ്​: വിദേശത്ത്​ ജോലിക്ക്​ പോകുന്നവർക്ക്​ ഇന്ത്യൻ വിദേശമന്ത്രാലയത്തി​​​​​െൻറ പുതിയ നിബന്ധന. യാത്രക്ക്​ മുമ്പ്​ മന്ത്രാലയത്തി​​​​​െൻറ ‘ഇ^മൈഗ്രേറ്റ്​’ പോർട്ടലിൽ രജിസ്​റ്റർ ചെയ്യണം. റിയാദിലെ ഇന്ത്യൻ എംബസി ഇത്​ സംബന്ധിച്ച മാർഗനിർദേശങ്ങൾ പുറത്തുവിട്ടു. എമിഗ്രേഷൻ ക്ലിയറൻസ്​ ആവശ്യമില്ലാത്ത (പാസ്​പോർട്ടിൽ ഇ.സി.എൻ.ആർ എന്ന്​ രേഖപ്പെടുത്തിയിട്ടുള്ള) വിഭാഗക്കാരായ മുഴുവനാളുകൾക്കും ബാധകം​. എമിഗ്രേഷൻ ക്ലിയറൻസ്​ ആവശ്യമുള്ളവർക്ക് (ഇ.സി.ആർ പാസ്​പോർട്ടുള്ളവർ)​ നേരത്തെ തന്നെ നിർബന്ധമാണ്​. ഇതിപ്പോൾ എല്ലാവർക്കുമാക്കി വിപുലപ്പെടുത്തുകയാണ്​ ചെയ്​തിരിക്കുന്നത്​. നിബന്ധന പാലി​ച്ചില്ലെങ്കിൽ 2019 ജനുവരി ഒന്ന്​ മുതൽ യാത്ര തടയും. ഗൾഫ്​ ഉൾപ്പെടെ 18 രാജ്യങ്ങളിലേക്ക്​ തൊഴിൽ വിസകളിൽ പോകുന്നതിനാണ്​ പുതിയ നിബന്ധന.

സൗദി അറേബ്യ, അഫ്​ഗാനിസ്​ഥാൻ, ബഹ്​റൈൻ, ഇന്തോനേഷ്യ, ഇറാഖ്​, ജോർദാൻ, കുവൈത്ത്​, ലബനോൺ, ലിബിയ, മലേഷ്യ, ഒമാൻ, ഖത്തർ, സുഡാൻ, തെക്കൻ സുഡാൻ, സിറിയ, തായ്​ലാൻഡ്​, യു.എ.ഇ, യമൻ എന്നീ രാജ്യങ്ങളിൽ ജോലി സ്വീകരിച്ച്​ പോകുന്നവർ യാത്ര പുറപ്പെടുന്നതിന്​ 24 മണിക്കൂർ മു​െമ്പങ്കിലും വെബ്​സൈറ്റ്​ രജിസ്​ട്രേഷൻ പൂർത്തിയാക്കിയിരിക്കണം.

ഒാൺലൈൻ രജിസ്​ട്രേഷൻ നടപടി എളുപ്പത്തിൽ പൂർത്തിയാക്കാൻ പറ്റും. www.emigrate.gov.in എന്ന വെബ്​സൈറ്റിലെ ‘ECNR Registration​’ ലിങ്കിൽ ക്ലിക്ക്​ ചെയ്യു​േമ്പാൾ തുറന്നുവരുന്ന രജിസ്​ട്രേഷൻ ഫോമിൽ ആവശ്യമായ വിവരങ്ങൾ എൻട്രി ചെയ്യണം. നടപടി പൂർത്തിയാക്കിയാൽ ഉടൻ കൺ​ഫർമേഷൻ എസ്​.എം.എസോ ഇമെയിലോ ലഭിക്കും. 2017 ഡിസംബർ മുതൽ പരീക്ഷിക്കുന്ന പരിഷ്​കാരമാണ്​ ഇപ്പോൾ നിർബന്ധമാക്കിയിയിരിക്കുന്നത്​. അടുത്ത ജനുവരി ഒന്ന്​ മുതൽ പ്രാബല്യത്തിലാകും. ശേഷം യാത്ര ചെയ്യണമെങ്കിൽ രജിസ്​ട്രേഷൻ നിർബന്ധം.അല്ലെങ്കിൽ യാത്ര തടയും. വിമാനത്താവളത്തിൽ നിന്ന്​ തിരിച്ചയക്കും. രജിസ്​ട്രേഷൻ പൂർത്തീകരിച്ച്​ തിരിച്ചുവന്ന്​ യാത്ര തുടരാം.

പുതിയ വിസയിൽ യാത്ര ചെയ്യുന്നവർക്ക്​ മാത്രമാണ്​ ബാധകം. തൊഴിൽ വിസയൊഴികെ സന്ദർശക, ബിസിനസ്​, തീർഥാടന വിസകൾക്കൊന്നും ഇത്​ ആവശ്യമില്ല. വിദേശത്ത്​ ജോലിക്ക്​ പോകുന്നവരുടെ ക്ഷേമം ഉറപ്പുവരുത്താനും സർക്കാർ ആനുകൂല്യങ്ങൾ ലഭ്യമാക്കാനും വേണ്ടിയാണ്​ പുതിയ നടപടിയെന്ന്​ മന്ത്രാലയം വ്യക്​തമാക്കി. കൂടുതൽ വിവരങ്ങൾക്ക്​ 1800 11 3090 അല്ലെങ്കിൽ 01140503090 എന്നീ നമ്പറുകളിലൊ helpline@mea.gov.in എന്ന ഇമെയി​ലിലോ പ്രവാസി ഭാരതീയ സഹായതാ കേന്ദ്രവുമായി ബന്ധപ്പെടാമെന്നും എംബസി അധികൃതർ അറിയിച്ചു.