സൗദി വ്യോമസേനക്ക്​  കരുത്തായി സഖ്​ർ ഡ്രോൺ 

റിയാദ്: സൗദി വ്യോമസേനക്ക്​ മുതൽക്കൂട്ടായി പുതിയ ആളില്ലാ വിമാനം (ഡ്രോൺ) തയാറാകുന്നു. റിയാദിലെ കിങ്​ അബ്​ദുൽ അസീസ്​ സിറ്റി ഫോർ സയൻസ്​ ആൻഡ്​ ടെക്​നോളജി (കെ.എ.സി.എസ്​.ടി) വികസിപ്പിച്ചെടീത്ത സഖ്​ർ-^ 1 ഡ്രോൺ പദ്ധതി കഴിഞ്ഞ ദിവസം പ്രദർശിപ്പിച്ചു. 

അതിനൂതന സാ​േങ്കതിക വിദ്യയാണ്​ സഖ്​ർ ഒന്നിൽ ഉപയോഗിച്ചിരിക്കുന്നതെന്ന്​ കെ.എ.സി.എസ്​.ടി പ്രസിഡൻറ്​ അമീർ തുർക്കി ബിൻ സൗദ്​ ബിൻ മുഹമ്മദ്​ വ്യക്​തമാക്കി. കെ.എ സാറ്റലൈറ്റ്​ കമ്യൂണിക്കേഷൻ സംവിധാനത്തിലാണ്​ ഇത്​ പ്രവർത്തിക്കുന്നത്​. ഇപ്പോൾ നിലവിലുള്ള ഏതുമികച്ച ഡ്രോണുകളേയും അതിജയിക്കാൻ ഇൗ സംവിധാനം ഉപകരിക്കും. 

ഒറ്റപറക്കലിൽ 2,500 കിലോമീറ്ററിലേറെ താണ്ടാൻ സഖ്​റിന്​ സാധിക്കും. മിസൈലുകളും ഗൈഡഡ്​ ​േബാംബുകളും വഹിക്കാനും അതിസൂക്ഷ്​മമായി ലക്ഷ്യം ഭേദിക്കാനുമുള്ള നവീന സംവിധാനങ്ങൾ ഒരുക്കിയിട്ടുണ്ട്​. പത്ത്​ കിലോമീറ്ററിനുള്ളിലുള്ള ലക്ഷ്യം വെറും ഒന്നരമീറ്ററി​​​െൻറ മാത്രം വ്യതിയാന സാധ്യതയിൽ തകർക്കാനുള്ള കഴിവും ഇൗ ഡ്രോണിൽ ഉൾച്ചേർത്തിട്ടുണ്ട്​. 20,000 അടി ഉയരത്തിൽ നിർത്താതെ 24 മണിക്കൂർ പറക്കാനുള്ള ശേഷിയുമുണ്ട്​.