കുടിവെള്ളം ഇനി ടെട്രാപാക്കറ്റിൽ; ലക്ഷ്യം പ്ലാസ്​റ്റിക്കിനെ പുറത്താക്കൽ

ദുബൈ: പ്ലാസ്​റ്റിക്​ മാലിന്യ ഭീഷണിയെ അതിജീവിക്കാനുള്ള യജ്​ഞത്തി​​​​െൻറ ഭാഗമായി ടെട്രാപാക്കറ്റിൽ കുടിവെള്ള ം വിപണിയിലിറക്കി. ദുബൈയിൽ ആരംഭിച്ച ഗൾഫൂഡി​​​​െൻറ 25ാം അധ്യായത്തി​ലാണ് യു.എ.ഇയിലെ നാഷനൽ ഫുഡ്​ പ്രോഡക്​ട്​സ്​ ക മ്പനി ഒയാസീസ്​ ബ്രാൻറ്​ കുപ്പിവെള്ളം പുതിയ രൂപത്തിൽ പുറത്തിറക്കിയത്​.

വെള്ളപ്പാത്രവും അതി​​​​െൻറ പ്ലാസ ്​റ്റിക്​ മൂടിയും റീസൈക്ലിങിനു വിധേയമാക്കുമെന്ന്​ അധികൃതർ അവകാശപ്പെടുന്നു. യു.എ.ഇയിലെ പാനീയ വിപണിയിൽ ഗണ്യമായ പങ്കാളിത്തമുള്ള നാഷനൽ ഫുഡ്​ പ്രോഡക്​ട്​സ്​ കമ്പനി ഇതിനകം തന്നെ പ്ലാസ്​റ്റിക്​ പ​ാത്രങ്ങളുടെ ഉപയോഗം 45 ശതമാനം കുറവു വരുത്തിയതായി ഗ്രൂപ്പ്​ സി.ഇ.ഒ ഇഖ്​ബാൽ ഹംസ വ്യക്​തമാക്കി.

മരത്തിൽ നിന്ന്​ ഉൽപാദിപ്പിച്ച പേപ്പർ ബോർഡ്​ ഉപയോഗിച്ചാണ്​ ടെട്രാപാക്ക്​ തയ്യാറാക്കിയിരിക്കുന്നത്​. വായുവും വെളിച്ചവും കടക്കാതിരിക്കാൻ ആറു പാളികളുടെ സംരക്ഷണം ഇൗ പാക്കിനുണ്ട്​. ഒരുവർഷം വരെ വെള്ളം കേടുകൂടാതെയിരിക്കും.

ഉപയോഗിക്കുന്ന മരങ്ങൾക്ക്​ പകരം പുതിയ മരങ്ങൾ വെച്ചുപിടിപ്പിക്കുന്നുണ്ടെന്നും ഏറ്റവും കുറവ്​ പരിസ്​ഥിതി ആഘാതം ഉറപ്പാക്കിയ ശേഷമാണ്​ ഇൗ പാക്കിങ്​ ഉപായം സ്വീകരിച്ചതെന്നും അണിയറക്കാർ പറയുന്നു. ടെട്രാപാക്ക്​ മീന മേഖല പ്രസിഡൻറ്​ അമർ സാഹിദ് ചടങ്ങിൽ സംബന്ധിച്ചു.