പ്ര​വാ​സി ഭാ​ര​തീ​യ സ​മ്മാ​ൻ ഡോ. ​സ​യ്യി​ദ്​ അ​ൻ​വ​ർ ഖു​ർ​ഷി​ദ്​ ഏ​റ്റു​വാ​ങ്ങി

റി​യാ​ദ്​: വി​ദേ​ശ ഇ​ന്ത്യ​ക്കാ​ർ​ക്ക്​ രാ​ജ്യം ന​ൽ​കു​ന്ന പ​ര​മോ​ന്ന​ത ബ​ഹു​മ​തി​യാ​യ പ്ര​വാ​സി ഭാ​ര​തീ​യ സ​മ്മാ​ൻ ഇ​ന്ത്യ​ൻ രാ​ഷ്ട്ര​പ​തി ദ്രൗ​പ​ദി മു​ർ​മു​വി​ൽ​നി​ന്ന്​ സ്വീ​ക​രി​ച്ച്​ ഡോ. ​സ​യ്യി​ദ്​ അ​ൻ​വ​ർ ഖു​ർ​ഷി​ദ്. ഈ ​വ​ർ​ഷം സൗ​ദി അ​റേ​ബ്യ​യി​ൽ​നി​ന്ന്​ തി​ര​ഞ്ഞെ​ടു​ക്ക​പ്പെ​ട്ട​ത്​ ക​ർ​ണാ​ട​ക ഗു​ൽ​ബ​ർ​ഗ സ്വ​ദേ​ശി​യും റി​യാ​ദി​ൽ അ​റി​യ​പ്പെ​ടു​ന്ന സാ​മൂ​ഹി​ക​പ്ര​വ​ർ​ത്ത​ക​നു​മാ​യ ഡോ. ​ഖു​ർ​ഷി​ദ് മാ​ത്ര​മാ​ണ്​. വെ​ള്ളി​യാ​ഴ്ച ഒ​ഡി​ഷ​യി​ലെ ഭു​വ​നേ​ശ്വ​റി​ൽ ന​ട​ന്ന 18ാമ​ത്​ പ്ര​വാ​സി ഭാ​ര​തീ​യ ദി​വ​സ്​ സ​മ്മേ​ള​ന​ത്തി​ലാ​ണ്​ പു​ര​സ്​​കാ​രം സ​മ്മാ​നി​ച്ച​ത്.

ലോ​ക​ത്തി​​ന്റെ നാ​നാ​ദി​ക്കു​ക​ളി​ൽ​നി​ന്ന്​ ഈ ​വ​ർ​ഷം 27 പേ​രാ​ണ്​ പു​ര​സ്​​കാ​ര​ത്തി​ന്​ തി​ര​ഞ്ഞെ​ടു​ക്ക​പ്പെ​ട്ട​ത്. ഗ​ൾ​ഫ്​ മേ​ഖ​ല​യി​ൽ​നി​ന്ന് ഡോ. ​ഖു​ർ​ഷി​ദ്​ ഉ​ൾ​പ്പെ​ടെ ര​ണ്ടു​പേ​ർ മാ​ത്ര​മാ​ണ്​​ ആ ​പ​ട്ടി​ക​യി​ൽ ഉ​ൾ​പ്പെ​ട്ട​ത്​. യു.​എ.​ഇ​യി​ലെ ബി​സി​ന​സു​കാ​ര​നാ​യ​ രാ​മ​കൃ​ഷ്ണ​ൻ ശി​വ​സ്വാ​മി അ​യ്യ​രാ​ണ്​ മ​റ്റൊ​രാ​ൾ.

സൗ​ദി​യി​ൽ 40 വ​ർ​ഷ​ത്തോ​ള​മാ​യ ആ​രോ​ഗ്യ ശു​ശ്രൂ​ഷാ​രം​ഗ​ത്ത്​ സേ​വ​ന​മ​നു​ഷ്ഠി​ക്കു​ന്ന ഡോ. ​ഖു​ർ​ഷി​ദ്​ ഇ​ന്റ​ൻ​സീ​വ്​ ​കെ​യ​ർ മെ​ഡി​സി​ൻ​ വി​ദ​ഗ്​​നാ​ണ്. ത്വാ​ഇ​ഫ്​ കി​ങ്​ ഫൈ​സ​ൽ ആ​ശു​പ​ത്രി​യി​ൽ 2014 വ​രെ സേ​വ​നം അ​നു​ഷ്ഠി​ച്ചു. ശേ​ഷം റി​യാ​ദി​ലേ​ക്ക്​ കി​ങ്​ അ​ബ്ദു​ല്ല മെ​ഡി​ക്ക​ൽ സി​റ്റി-​നാ​ഷ​ന​ൽ ഗാ​ർ​ഡ്​ ആ​ശു​പ​ത്രി​യി​ൽ റോ​യ​ൽ പ്രോ​​ട്ടോ​ക്കോ​ൾ ഫി​സി​ഷ്യ​നാ​യി പ്ര​വ​ർ​ത്തി​ക്കു​ന്നു.

സാ​മൂ​ഹി​ക​പ്ര​വ​ർ​ത്ത​ക​ൻ കൂ​ടി​യാ​യ അ​ദ്ദേ​ഹം ത്വാ​ഇ​ഫി​ൽ ഇ​ന്ത്യ​ൻ സ്കൂ​ൾ സ്ഥാ​പ​ക​നാ​യി. ഹ​ജ്ജ്​ സേ​വ​ന രം​ഗ​ത്ത്​ മൂ​ന്ന്​ പ​തി​റ്റാ​ണ്ട്​ തു​ട​ർ​ച്ച​യാ​യി പ്ര​വ​ർ​ത്തി​ച്ചു. എ​ല്ലാ വ​ർ​ഷ​വും ഹ​ജ്ജ്​ കാ​ല​ത്ത്​ മ​ക്ക​യി​ലെ​ മി​ന ആ​ശു​പ​ത്രി​യി​ൽ സേ​വ​നം ചെ​യ്തു. കോ​വി​ഡ്​ കാ​ല​ത്തും സ​ജീ​വ​മാ​യി. കോ​വി​ഡ്​ സം​ബ​ന്ധി​ച്ച പൊ​തു​ജ​ന ബോ​ധ​വ​ത്ക​ര​ണ​ത്തി​ന്​ സൗ​ദി ആ​രോ​ഗ്യ​മ​ന്ത്രാ​ല​യം സം​ഘ​ടി​പ്പി​ച്ച കാ​മ്പ​യി​നി​ൽ ഉ​ൾ​പ്പെ​ടു​ത്തി​യ മൂ​ന്ന് ഇ​ന്ത്യ​ൻ​ പാ​ന​ലി​സ്റ്റു​ക​ളി​ൽ ഒ​രാ​ൾ ഡോ. ​ഖു​ർ​ഷി​ദാ​യി​രു​ന്നു.

റി​യാ​ദി​ൽ ഇ​ന്ത്യ​ൻ എം​ബ​സി​ക്ക്​ കീ​ഴി​ൽ വി​വി​ധ സം​സ്ഥാ​ന​ങ്ങ​ളി​ൽ​നി​ന്നു​ള്ള സാ​മൂ​ഹി​ക പ്ര​വ​ർ​ത്ത​ക​രെ ഉ​ൾ​പ്പെ​ടു​ത്തി രൂ​പ​വ​ത്ക​രി​ച്ച സ്റ്റി​യ​റി​ങ്​ ക​മ്മി​റ്റി​യി​ൽ തു​ട​ക്കം മു​ത​ൽ അം​ഗ​മാ​ണ്.​ ഇ​ന്ത്യ-​സൗ​ദി ഹെ​ൽ​ത്ത്​ കെ​യ​ർ ഫോ​റം വൈ​സ്​ ചെ​യ​ർ​മാ​ൻ പ​ദ​വി​യും വ​ഹി​ക്കു​ന്നു. നി​ര​വ​ധി സം​ഘ​ട​ന​ക​ളു​ടെ ഉ​പ​ദേ​ശ​ക​നാ​യും പ്ര​വ​ർ​ത്തി​ക്കു​ന്നു. ഗു​ൽ​ബ​ർ​ഗ വെ​ൽ​ഫെ​യ​ർ സൊ​സൈ​റ്റി​യി​ലൂ​ടെ​യാ​ണ്​ പൊ​തു​പ്ര​വ​ർ​ത്ത​നം തു​ട​ങ്ങി​യ​ത്. അ​തി​ന്റെ ആ​യു​ഷ്കാ​ല അം​ഗ​മാ​ണ്. ഭു​വ​നേ​ശ്വ​റി​ൽ ന​ട​ന്ന ച​ട​ങ്ങി​ൽ പു​ര​സ്കാ​രം ഏ​റ്റു​വാ​ങ്ങാ​ൻ ഡോ. ​ഖു​ർ​ഷി​ദി​നൊ​പ്പം പ​ത്നി അ​ൻ​ജു​മും എ​ത്തി​യി​രു​ന്നു.

2003ൽ ​ഇ​ന്ത്യ​ൻ വി​ദേ​ശ​കാ​ര്യ​മ​ന്ത്രാ​ല​യം സ്ഥാ​പി​ച്ച പ്ര​വാ​സി ഭാ​ര​തീ​യ സ​മ്മാ​ൻ പു​ര​സ്കാ​ര​ത്തി​ന്​ സൗ​ദി​യി​ൽ​നി​ന്ന്​ ഇ​തു​വ​രെ ഡോ. ​ഖു​ർ​ഷി​ദ്​ ഉ​ൾ​പ്പെ​ടെ ഏ​ഴു​പേ​രാ​ണ്​ അ​ർ​ഹ​രാ​യ​ത്.

ഫ​ഹ​ദ്​ രാ​ജാ​വി​​ന്റെ സ്വ​കാ​ര്യ ഫി​സി​ഷ്യ​നാ​യി​രു​ന്ന ഡോ. ​മാ​ജി​ദ്​ ഖാ​സി​ക്ക്​ 2006ലും ​ജി​ദ്ദ ഇ​ന്ത്യ​ൻ സ്കൂ​ൾ സ്ഥാ​പ​ക​നാ​യ റ​ഫി​യു​ദ്ദീ​ൻ ഫ​സു​ൽ​ഭോ​യ്​​ക്ക്​ 2008ലും ​പ്ര​മു​ഖ ശി​ശു​രോ​ഗ വി​ദ​ഗ്ധ​നാ​യ ഡോ. ​എം.​എ​സ്. ക​രീ​മു​ദ്ദീ​ന്​ 2011ലും ​റി​യാ​ദി​ലെ മ​ല​യാ​ളി സാ​മൂ​ഹി​ക​പ്ര​വ​ർ​ത്ത​ക​ൻ ശി​ഹാ​ബ്​ കൊ​ട്ടു​കാ​ടി​ന്​ 2014ലും ​റി​യാ​ദ്​ ഇ​ന്ത്യ​ൻ സ്കൂ​ൾ സ്ഥാ​പ​ക കൂ​ടി​യാ​യ വി​ദ്യാ​ഭ്യാ​സ പ്ര​വ​ർ​ത്ത​ക സീ​ന​ത്ത്​ ജാ​ഫ്രി​ക്ക്​ 2017ലും ​പ്ര​വാ​സി വ്യ​വ​സാ​യി​യും മ​ല​യാ​ളി​യു​മാ​യ ഡോ. ​സി​ദ്ദീ​ഖ്​ അ​ഹ്മ​ദി​ന്​ 2021ലും ​പ്ര​വാ​സി ഭാ​ര​തീ​യ സ​മ്മാ​ൻ ല​ഭി​ച്ചി​രു​ന്നു.