സാന്ത്വനക്കടൽ നീന്തിക്കയറി മറിയം

മനുഷ്യസ്​നേഹത്തി​​​െൻറ കടൽ നീന്തിക്കടക്കുന്നതിൽ ആത്​മഹർഷം കൊള്ളുകയാണ് സൗദി നീന്തൽ ഇതിഹാസം​ ഡോ. മറിയം. ഇംഗ്ലീഷ്​ ചാനലും, ലണ്ടനിലെ തമിസ്​ നദിയും, ദുബൈ ക്രീക്കും നീന്തിക്കടന്ന്​ റെക്കോർഡുകൾക്ക്​ മുകളിൽ കയറി ​ സൗദിയുടെ ഹരിതപതാക ഉയർത്തിപ്പിടിക്കു​േമ്പാൾ ഇൗ യുവ ദന്തഡോക്​ടർ ​ മാനവികതയുടെ സന്ദേശം കൂടി പറഞ്ഞുവെക്കുന്നു.  ത​​​െൻറ ഇൗ സാഹസികത സിറിയൻ അഭയാർഥികൾക്ക്​ സാന്ത്വനം പകരാൻ വേണ്ടി ലോകത്തോടുള്ള ക്ഷണമാണ്​. കഴിയാവുന്നതെല്ലാം അവർക്കുവേണ്ടി ചെയ്യണം.

അഭയം തേടി വന്ന അനാഥർക്ക്​ എത്ര സേവനം ചെയ്​താലും മതിയാവില്ല. കടലിടുക്കുകൾ മുറിച്ചു ന്തി താൻ ഭേദിക്കുന്ന റെക്കോർഡുകൾ അവർക്കു വേണ്ടിയുള്ളതാണ്​. 2015 ൽ തുടങ്ങിയതാണ്​ സൗദി നീന്തൽ താരത്തി​​​െൻറ സിറിയൻ ജനതക്ക്​ വേണ്ടിയുള്ള സാന്ത്വന പ്രവർത്തനങ്ങൾ. ജോർഡനിലെ അൽ അസ്​റാഖ്​ അഭയാർഥിക്യാമ്പിൽ ഡോ. മറിയം ദന്താശുപത്രി തുടങ്ങി. 55000 ത്തോളം അഭയാർഥികളാണ്​ അന്ന്​ ജോർഡനിൽ ഉണ്ടായിരുന്നത്​. അവർക്ക്​ വേണ്ടി അത്യാധുനിക  സംവിധാനങ്ങളൊരുക്കി സൗജന്യചികിൽസ നൽകി വരികയാണ്​ ഡോ. മറിയം. ഇന്നും അത്​ തുടരുന്നു. 

കുട്ടിക്കാലം മുതലേ നീന്തൽ പഠിക്കാൻ മോഹമായിരുന്നു. മാതാപിതാക്കളുടെ അകമഴിഞ്ഞ പിന്തുണയും കിട്ടി. ഇംഗ്ലീഷ്​ ചാനൽ ഒറ്റക്ക്​ നീന്തിക്കടന്ന ലോകറെക്കോർഡുകാരി  ഫിയോന സൗത്​ വെൽ ആണ്​ പരിശീലക.  2016 ൽ തുർക്കിയിൽ നടന്ന അന്താരാഷ​്​ട്ര നീന്തൽ മത്​സരത്തിൽ ജയിച്ചാണ് ഡോ. മറിയം  റെക്കോർഡുകൾക്ക്​ തുടക്കം കുറിച്ചത്​. ഹെൽ സ്​പോണ്ട്​ മുറിച്ചു കടന്ന്​ യൂറോപ്പിൽ നിന്ന്​ ഏഷ്യയിലേക്ക്​ നീന്തിയെത്തിയ ആദ്യസൗദി വനിത അങ്ങനെ ചരിത്രം രചിച്ചു. അതേ വർഷം തന്നെയാണ്​ ലണ്ടനിലെ തമിസ്​ നദി മുറിച്ചുകടന്ന്​ പുതിയ റെക്കോർഡ്​ സ്​ഥാപിച്ചത്​.

11 ദിവസം കൊണ്ട്​ 101 മൈൽ ദൂരം നീന്തി മറിയം പുതിയ ഇതിഹാസം കുറിച്ചു . 21 മൈൽ ദൂരം ഇംഗ്ലീഷ്​ ചാനൽ നീന്തിയ ആദ്യ സൗദി വനിതയെന്ന റെക്കോർഡും അവർ 2016 ൽ സ്വന്തമാക്കി. പത്ത്​ മണിക്കൂർ സമയമെടുത്താണ്​ മറിയം നേട്ടം കൊയ്​തത്​. 2017 മാർച്ചിൽ ദുബൈയിലെ ചെറു ഉൾക്കടൽ ഒമ്പത്​ മണിക്കൂറിനുള്ളിൽ നീന്തിക്കടന്ന്​ പുതിയ റെക്കോർഡ്​ കുറിച്ചു. നേട്ടങ്ങളെല്ലാം കൊയ്​തെടുക്കു​േമ്പാഴും  ഡോ. മറിയത്തിന്​ ഒന്നേ പറയാനുള്ളൂ. അഭയാർഥികൾക്ക്​ വേണ്ടി കഴിയന്നുതെല്ലാം ചെയ്യാൻ ലോകത്തെ എല്ലാവരും തയാറാവണം.

അനാഥരായ കുഞ്ഞുങ്ങളുടെ, ബാല്യങ്ങളുടെ കണ്ണീരൊപ്പാൻ  തന്നോടൊപ്പം വരൂ എന്നാണവർ ആവശ്യപ്പെടുന്നത്​. അഭയാർഥികൾക്കുവേണ്ടിയുള്ള യു.എൻ ഹയർ കമീഷനുമായി സഹകരിച്ചാണ്​ നലവിൽ ഇവരുടെ സേവന പ്രവർത്തനങ്ങൾ. സൗദി അറേബ്യയിലെ ബിൻലാദൻ കുടുംബാംഗമാണ്​ ഇൗ മനുഷ്യസ്​നേഹി.