ഡോ. കാർത്തികേയൻ നിര്യാതനായി

റിയാദ്: ബത്​ഹയിലെ അൽ റയാൻ പോളിക്ലിനിക്കിലെ ഇന്റേണൽ മെഡിസിൻ ഡോക്ടറായ തമിഴ്​നാട്​ സ്വദേശി കാർത്തികേയൻ (52) ഹൃദയഘാതത്തെ തുടർന്ന്​ മരിച്ചു. റിയാദ്​ ശുമൈസി കിങ്​ സഊദ്​ ആശുപത്രിയിൽ വെച്ചായിരുന്നു അന്ത്യം. അൽ റയാൻ ക്ലിനിക്കിലെ തന്നെ ഗൈനകോളജിസ്​റ്റ്​ ഡോ. ആശയാണ്​ ഭാര്യ.

ഇരുവരും നേരത്തെ ജിദ്ദ നാഷനൽ ഹോസ്​പിറ്റലിലാണ്​ സേവനം അനുഷ്​ടിച്ചിരുന്നത്​. ഒരു വർഷം മുമ്പാണ്​ റിയാദിലേക്ക്​ സ്ഥലം മാറിവന്നത്​. മെഡിസിന് പഠിക്കുന്ന മകളും 10ാം ക്ലാസ്​ വിദ്യാർഥിയായ മകനും നാട്ടിലാണ്. ശുമൈസി ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തിയാക്കി നാട്ടിൽ കൊണ്ടുപോകും. ഡോ. കാർത്തികേയന്റെ നിര്യാണത്തിൽ ജിദ്ദ നാഷനൽ ഹോസ്​പിറ്റൽ അധികൃതരും സ്​റ്റാഫും അതീവ ദുഃഖം രേഖപ്പെടുത്തി.